انا مبقتش قادرة اعيش مع الOCD
مروحتش لثيرابي وعارفة اني مينفعش أشخص نفسي ولكن دي افضل كلمة اوصف بيها حالتي على الأقل حاليا
من وانا طفلة بجد عندي سلوكيات قهرية مش بتسيبني مهما تغير هدفها أو غايتها، كل فترة يجيلي وسواس في موضوع معين واحد يبهدلني لفترة كبيرة، من وانا طفلة عموما كنت بتاكد من كل حاجة اكتر من مرة بشكل قهري لأسباب مختلفة سواء خايفة من اهلي أو انا شخصيا مش مرتاحة فا اتاكد اني قفلت الاكونت قبل ما انام مثلا بتاع ست سبع مرات
بعدين لما كبرت شوية جالي في الصلاة والوضوء بقيت عشان صلاة واحدة بس اقعد ساعة عشان اتاكد اني بنطق صح، أو استحمى حرفيا عشان اتاكد اني اتوضيت تمام
بعدين جالي في الED والهوس بشكلي وسلوكيات قهرية عشان اخس بتكرر وافضل في السيركيل دي
وخلال كل دول السيلف هارمينج مش بيفارقني ودا الأسلوب الوحيد اللي بتبعه عشان أهدى
بعدين جالي بالشك في الدين -حاليا- ومش بدور بشكل صحي حرفيا بقع من حفرة لحفرة ومش بقدر ابطل تدوير واقرا كل الآراء وافضل في مرحلة تشتت
وانا زهقت من أسلوب الحياة دا، مبقتش اعرف انام أو أكل طبيعي طول الوقت حاسة بقلق رهيب وعاوزة دايما ارجع ودائما أقل قدر من التفكير بيخليني حاسة أن قلبي هيقف، واحبطت لما شوفت ناس لتحاول تتعالج من الوسواس القهري سنين وبيفضل معاها
معرفش انا بشتكي لاي غرض بس انا تعبت