u/mashed_64

معايا ربع ساعه كده و هتحرك بس الانتظار ممل ، فا لو حد حابب يتكلم عن حاجه مضيقاه مثلا او حاجه نفسه حد يسمعه يعنى الميك معاك

معايا ربع ساعه كده و هتحرك بس الانتظار ممل ، فا لو حد حابب يتكلم عن حاجه مضيقاه مثلا او حاجه نفسه حد يسمعه يعنى الميك معاك/ي

انا بجد مش بحب اخويا خالص و مش بحب اقول كده بس ديما لما يحصل مشكله بينه و بين ماما بحس اني كده اترضيت ، انا مش بكون سبب المشكله يعني و مليش دعوه بس لما بيتخنقوا أو بتقوله أن هو حد وحش انا بحس أن اخيرا اترضيت يمكن علشان بسمع الكلام ال نفسي انا أقوله له ، أو ان اخيرا بحس أن هما شيفينوا زي ما انا بشوفه ، و برجع اتضايق لما يرجعوا عادي

​

حرفيا كل دا بيني و بين نفسي انا ولا بسعي اني ابوظ حاجه بينهم ولا حتي اصلح

​

بجد انا مش عارفه اكتب مواقف بس حرفيا اخر موقف كلمته ب اسلوب "معجبهوش" شتمني و قالي هقوم اضربك و شتمني كذا مره ؟؟؟؟؟

​

انا قومت و سبت المكان

​

انا حتي مكنتش بفكر ف حاجه يعني انا قلت جمله و خلاص

​

انا عمتا كنت ديما برد عليه بس عمري م رديت عليه ب شتيمه وحشه زي ال بيقولو يعني كنت برد ال هو من عصبيتي بس انا بجد ديما كان ضميري بيانبني مش علشان حاجه بس علشان انا مؤمنه أن احنا مش بنرد الاساءه ب اساءه و أن انا ديما لازم اتعامل ب اخلاقي مهما كان تدني ال قدامي

​

اهلي مش بيعملوا ليه حاجه لدرجه اني في مره حسبنت عليهم حرفيا ولا حتي اخدوا حقي و والله بكون بجد مظلومه أو حتي لو استفزيته مفيش ما يستدعي ابدا يعني أن هو يشتمني ولا أنه يمد أيده عليا

​

انا بابا عمره ما مد أيده عليا اصلا

​

جماعه انا بجد مقروفه منه و نفسي يختفي من البيت و نفسي اعرف اتصرف لما يحصل موقف بدل ما انا دمي ديما بيتحرق ، انا اخدت عهد ع نفسي اني مستحيل ارد ولا اغلط مش خوفا منه حرفيا ولا فارق بس علشان انا مش حابه دي تكون شخصيتي

​

و بعدين ممكن بعدها يرجع يتكلم ولا اكنه عمل حاجه و لو قلت له يعتذر بقول انا مش غلطان ، و كنت كل مره برجع تمام معاه اندم بس حرفيا خلاص مبقتش بكلمه حتي ولا عايزه ابص ف وشه و بعد ممكن شهر من المشكله حتي لو اتكلم بيكون كلامي ع الاد جدا

​

نصيحه لو انت اخ ولد بجد خليك كبير و عاقل

​

و احنا مش صغيرين يعني احنا في العشرينات كل شويه بقول هيكبر و مفيش حاجه بتحصل

​

ال انا بقوله دا من مواقف كتييير جدا و كلام كتير و شتيمه و قرف مش موقف واحد بس بجد بجد بجد انا زهقت و عايزه حل

​

انا مكنتش أحب أن دي تكون علاقتنا و هو مفروض الكبير بس حرفيا ولا عمري حسيت ان عندي اخ حتي و بجد ياريت مكنش موجود خالص

و بعد اذنكم محدش يغلط ف اي حد من اهلي هما كده كده في الاخر أهلي انا جايه اسال ع نصحيه و اسمع منكم يمكن انا بردو بعمل حاجه غلط و ازاي اكون احسن و ازاي اتعامل