u/mayar_107

يخوان هسا طلعلي ريل عن مخبز، مخبز يا ربي مخبز، جايب شيخ يقرأ قران ايات من سورة الرحمن، و بعدين موسيقى دينية. يخوان بعدين معنا؟ ليش بنصر نكون هيك؟ متى بدنا نتعلم انه ديننا مش لعبة وما لازم نستغله؟ يخوان كمية ذياق تذايقتها اول ما شفت الفيديو خنقتني وانا مش شيخ او حدا كثير ملتزم بس كثير خنقني الفيديو… و ترا دار الإفتاء الأردنية مطلعة فتوى انه لا يجوز شرعا استخدام ايات القران و أقوال الرسول لأغراض تجارية…. يا رب نيزك و تغيرنا كلنا

من شوي طلعلي فيديو على الانستا واحد بشرح و بعطي نصائح و بطيخ، فانا (بما اني طبيب) استغربت يعني الحكي تقريبا غلط يعني في كمية هبد قوية. دخلت على صفحة الشب، طبعا الاسم حاطط حاله nutrition coach بالبايو سالخها (اخصائي تغذية) و بكل فيديوهاته لابس باجة مكتوب فيها دكتور قبل اسمه و الناس بتحكيش معه بفيديوهاته إلا بصيغة دكتور. يخوان بعدين معنا؟يعني والله الي ثلثين الخاطر اشكي عليه لوزارة الصحة من قديش في كمية تضليل بالفيديوهات تاعته و طبعا عشان انتحال شخصية