u/medicoillegal

ساكتة ليه ؟ إتكلمي

و اتعلمي إزاي تحلمي !

بصي في عيوني بحنان

وساعتها بس هتفهمي ~

انا فاشل عاطفيا لدرجة أن غير التعلق المستحيل بتاعي عندي كراش ممكن وكل حاجة وباعتالي آد سناب ومعنديش الجرأة اقبله عشان خايف من كل الاحتمالات

افرض كانت فاهمة اني بدخل اشوف الصور اللي بتنزلها بعد ما بتعدي فترة دايما وشايفة في عينيا قد ايه برتبك لما بتعدي بس من قدامي

وافرض كمان انها متضايقة من ده وعايزة تكلمني عشان تطلب مني ابطل الهبل اللي بعمله

منا بوقف لوحدي مش محتاجة تقولي حاجة متخافيش

بس افرض كانت هي كمان بتتوتر لما تشوفني ؟ افرض كانت عايزة تفتح معايا كلام ؟ منا فاشل خارج نطاق العاطفة برضو ولسة مقدرش اقدملها حاجة ومبحبش اوعد حد بحاجة مش مضمونة

واخاف نتعلق تاني واخاف من النهايات المفتوحة تاني

مين فينا فاضي أصلا

وسعت مني اوي صح ؟ هي ازاي هتتعلق اصلا بحد بالمنظر ده لا مهتم بنفسه ولا فاضي يهتم ولا شكله كويس ولا لبسه كويس ولا اي حاجة

حتى في دي فاشل، عارف اني المفروض أطور من نفسي وبتاع بس الضغط مش مساعدني، عندي خطة وهبدا فيها بس هي ليه استعجلت تبعتلي دلوقتي ليه ؟

ما يمكن لو استنت شوية كنت أنا اللي بادرت، لما احس اني حد يستاهل اي حاجة من اي حد .. انا فاشل مع نفسي قبل ما اكون فاشل في اي حاجة وكل حاجة

انا بس محتاج اركز في ميتين ام مذاكرتي اللي انا فاشل فيها دي كمان مش هنخيب على اخر سنة يعني استرجل ياض

الحاجة التانية اني عارف إمكانياتي وعارف انا اقدر اعمل ايه لو ركزت بس مش عايز ومش قادر

جايب اخري من المحاولة وكإني الحياة دي مش انا اللي عايشها انا حد بيتفرج وبينتقد بس هي مش بتاعتي

وكإن الوقت ده كله وهم ولو الأحداث معجبتنيش همسحها واكتب سيناريو جدا

تعبان وحاجات كتير واجعاني من جوا وبقول ده اكيد عشان اتدلعت زيادة ومتعودتش أوجه صعوبات بجد عشان اهلي كانوا بيحموني

بس لازم عليا دلوقتي استحمل ده واللي اكتر منه

كبرت ولسة هشوف في الدنيا كتير

بس مش قادر والله

فشلت في اني اتحكم في مشاعري تجاه حد مستحيل وكل شوية احس اني عايز أكلمه بكل الطرق بس بمنع نفسي عشان عارف أن ده كان مجرد نقص اتملا بالشكل ده من غير قصد

عايز اشوف حاجة تبقى جديدة وخارجة عن المألوف وقاعدتها الجماهيرية ضيقة وبيبصوا للناس بقرف كده وفاكرين نفسهم هم اللي فاهمين كل حاجة من كتر ما البتاع اللي بيشوفوه حاجة فلسفية وبتنجانية وعميقة وكده وعايز تبقى الحلقة في رينج الاربعين دقيقة مثلا او الساعة والشخصيات تبقى مزز ابطال

Hello, it's nice to meet you, can you tell me where I am?

I dunno how I got her but, I think I'm starting to understand

Hey

So I can't comment cuz I'm new here ? How should I interact with people ?

What is the point of this