u/mgthex

انا طالب فسنة تانية طب (عدت السنة) خريج شهادة ثانوي معادلة سعودي ٢٠٢٣ وسقطت تاني السنادي ودي اخر محاولة ليا قبل ما اتفصل من الجامعة كنت قررت اني اسحب ورقي واحول لاني مش واثق ابدا اني هنجح وعشان الثانوي بتاعي عدى عليه اكتر من ٣ سنين فمش هتقبل فاي كلية غير في الخاص وانا كنت عايز احول لحاسبات عشان من الحاجات الي كنت عايز اعملها فيوم من الايام اني ابقى مطور العاب.انا فعليا مش عارف اعمل ايه فحياتي حاليا حاسس اني ضيعت ٣ سنين من عمري وانا بسعى غلط ووهمت نفسي لما عدت اول مره اني اقدر اعدي بس فعلا اكتشفت متاخر جدا ان المجال ده مش مجالي وندمت عاليوم الي جبت فيه مجموع يدخلني الكلية انا فجامعة اهلية مش حكومي حتى وكان نفسي فعلا انجح فيها بس اكتشفت متاخر اوي انها صعبة عليا جدا ودلوقتي حتى لو حولت هتخرج بعد كل اصحابي وهتخرج ٢٥ سنة ده غير الفلوس الي اتدفعت والسنين الي ضاعت انا فعليا فعتمة فياريت لو حد عنده اي نصيحة او مر بتجربة مشابهة يفيدني وشكرا.