u/mmoustafa8108

فيه حد كتب التعليق ده عن نقاش عن البيدوفيليا:
https://www.reddit.com/r/As2la_MaTns2l/comments/1tiuksa/comment/omxb8b8/?utm_source=share&utm_medium=web3x&utm_name=web3xcss&utm_term=1&utm_content=share_button

وزي ما هو واضح الشخص ده بيطبع مع البيدوفيليا، وشايف أني تابع أعمى للغرب لأني ضد الزواج تحت 18 سنة
المهم عملت بلاغ للمودز ولكنهم كانوا شايفين دي حرية شخصية زي ما هو واضح ف الصورة دي:

https://preview.redd.it/1684qrilrc2h1.png?width=1080&format=png&auto=webp&s=a018416495e7ae1a25060671e2b1f87a408727b0

وكانوا شايفين أنه بيتكلم من منظور ديني، أنا مش حابب أدخل في النقاش الديني لأنه صعب ومعقد بالنسبة لي
لكن زي ما قلت ف الشات أنا بنشر القصة، واللي حابب يقعد ف الصب ومعندهوش مشكلة خليه قاعد، واللي مش حابب يطلع

لكن السؤال هنا:
أنت ايه رأيك ف الموضوع ده؟
هل من حقنا نبلغ عن شخص بيطبع أو يتقبل البيدوفيليا؟ ولا هي تعتبر حرية شخصية؟
هل المفروض المودز يعملوا بان أو يعاقبوا أي شخص يطبع مع البيدوفيليا، ولا المفروض المجتمع يتقبل كل الآراء من كل الأطراف؟
حابب أسمع إجاباتكم

ده بالمناسبة النقاش وفيه تعليق محدد هو اللي بلغت عنه:

https://preview.redd.it/xiq8qd9yrc2h1.png?width=743&format=png&auto=webp&s=b3c98364106e0c5d75e13365ec4e1103bd772b9f

أنا مصري ولما شفت اسم الصب كنت فاكر قصدكم بIQ يعني اوتفتس للناس الأذكياء وكده xD

https://preview.redd.it/szxqqix2n22h1.jpg?width=1280&format=pjpg&auto=webp&s=8f4956652c7d8402691ee22f44823b248ad3577f

مش محتاج تعليق بصراحة الصورة كفاية

ريديت بطل يظهر الصور ف البوستات وبيديني لينك غبي، الكلام ده عندي أنا بس ولا انتو برضو؟

ليا زمان منشرتش بوستات ع الصب ده بصراحة
ف حابب النهاردة أتكلم ف موضوع لطيف جا ف بالي
تخيل معايا فيه حد أعمى من أول ما اتولد، ف هو مشافش أي حاجة ف حياته خالص
وأنا اديته تفاحة لونها أحمر
ف هو لمسها بايده وحس أنها تفاحة
ف قلت له دي تفاحة لونها أحمر

ف سألني يعني ايه لون "أحمر"؟
يعني ايه لون من الأساس؟
بتاع ايه ده؟؟
حاول تجاوب ع السؤال ده ف مخك، وخليني أديك مثال تاني

تخيل حد أطرش من يوم ما اتولد، وبنتواصل معاه بالإشارة
ف شغلت أغنية لبيلي آيليش وقلت له بالإشارة أني مشغل أغنية، وأن المغنية صوتها أنثوي
ف سألني بالإشارة برضو، يعني ايه صوت "أنثوي"؟
يعني ايه صوت من الأساس؟
بيتحس ازاي يعني؟؟

أنا عارف أنك مقدرتش تجاوب على السؤالين دول، ولا أنا، ولا محدش ف الكوكب كله لحد دلوقتي قادر يشرح للأعمى الألوان أو للأطرش الأصوات!
الحاجة المشتركة بين المثالين دول، هي أن الإجابة عليهم مش حاجة منطقية أو نظرية، دي حاجة حسية، حاجة بتعتمد على حاسة مفقودة عند صاحب السؤال
وبما أنها مفقودة، مستحيل نقدر نجاوب عليهم، مهما تطورنا من علم وفكر

ايه رأيكم ف تطبيق عملي ع البوست ده؟
بشوف ع الصب ده بوستات كتير لناس مضغوطين نفسياً لأن تفكيرهم مختلف عن تفكير المجتمع أو البيئة اللي حواليهم، وحتى مختلف عن تفكير أهلهم، أهلهم دايماً مستغربين وبيقولوا انتو ازاي مخكم بالتفكير المتخلف ده، والأبناء نفسهم مستغربين ازاي أهلهم مش قادرين يقتنعوا بآراءهم أياً كانت!

ده ميفرقش كتير عن المثالين اللي ضربتهم، ف الغالب فيه طرف من الأطراف عنده حاسة ناقصة محتاجها علشان يفهم الكلام ويقتنع بيه، طالما هي ناقصة ف مفيش أي كلام منطقي وعلمي ممكن يقنعه بيها
لنتخيل مثلاً أن ابن بيحاول يقنع أبوه أنه بيجتهد ويذاكر بس الظروف صعبة، وأنه عايز ينجح، ف والده بيقوله أنت فاشل وشوف غيرك عمل ايه ف سنك والكلام ده
هنا ليه الأب مش مصدق ابنه؟
فيه أسباب نفسية وأسباب كتير على حسب بتبص للموضوع من أي ناحية
بس السبب اللي عايز أتكلم عنه هو أن الوالد ده فقد حاسة مهمة جداً محتاجها علشان يفهم ابنه، وهي حاسة التواصل مع ابنه، حاسة الأبوّة، علاقته بابنه بقت مشوهة لدرجة أنه هو وابنه منفصلين واقعياً عن بعض حتى لو كانوا قريبين وتحت نفس السقف!

طبعاً مش معنى أني قلت أن مستحيل تقنع حد "مش شايف" بأياً كان رأيك، أني بقولك نبطل نقاشات وكده
لا، النقاشات مهمة، مش بس للفرد لكن للمجتمع ككل
لكن قصدي أن أحياناً التكيف وتقبل الواقع بيبقى أفضل حل، ومحاولة تغييره ممكن متكونش واقعية شوية!

ون بيس هو العمل الوحيد من الجيل القديم اللي مازال مستمر
وهو العمل الوحيد اللي كل ما نتقدم في القصة يبقى أحسن وأمتع، عكس ناروتو أو أتاك مثلاً اللي نهايتهم غبية جداً
ون بيس هو الوحيد اللي سيطر على التايملاين لدرجة أني مشفتش أي تغريدة لأي عمل تاني الفترة اللي فاتت!
يعني ريميك ون بيس + إنتاج الانمي الجديد + أحداث المانجا + ون بيس ليجو + اللايف أكشن كلهم مع بعض!
ون بيس هو صاحب أعمق قصة بجدارة، ومستحيل تجيب لي عمل فيه عمق تاريخي وفلسفي وتنوع شخصيات وجزر إلخ.. زي ون بيس
وبالنسبة للتمطيط، الريميك خلاص بينزل وما شاء الله شادين حيلهم مقتبسين 7 فصول في كل حلقة
ون بيس تحول لانمي موسمي السنة دي، وده معناه أنه هيشارك في مسابقات وجوائز الانمي الموسمية، اتاك وكيميتسو وجوجوتسو كانوا المهيمنين على الجوايز، لكني متأكد أن ون بيس بيتكسح الجوايز زي ما هو مكتسح جايزة أفضل مانجا مبيعاً على مستوى العالم
ون بيس أكتر عمل ليه تأثير سياسي ورياضي
ون بيس أكتر أنمي فيه تلميحات واتعمل عليه نظريات مجنونة
ون بيس العمل الوحيد (حسب معرفتي) اللي تخطى كونه "قصة" وتحول لعالم كامل معقد واقعي زي عالمنا ولكنه ممتع وخيالي في نفس الوقت!

وبما أن ايرين كان هدفه الحرية، ف نقدر نقارنه بلوفي لأنه برضو هدفه الحرية
مفهوم لوفي عن الحرية أحسن من مفهوم ايرين مليون مرة
ايرين مجرد مراهق كان يقدر يمنع العملاقة أنها تأكل أمه، لكنه أصرّ أنها تموت علشان تكون مبرر لدك الأرض!!
وحتى ولو كان مبرر لو هو هدفه الانتقام، كان دمر مارلي والإلديين!
وكان يقدر يورث العملاق المؤسس، لكنه أخد أسوء طريق وأكتر طريق درامي ويبان "عميق" لكنه متخلف وضعيف جداً
لوفي من أول القصة ما شاء الله شغال وزير الحرية، كل ما راح جزيرة حررها!
مفهومه عن الحرية واقعي جداً "لا أريد الهيمنة على أي شيء"
معرفش بصراحة ايه النقطة اللي فيه انمي تفوق فيها على ون بيس!
يعني كل انمي بيتميز بحاجة معينة، دراغون بول القتالات، ناروتو الدراما، إلخ...
ون بيس فيه قتالات أسطورية، زي قتال لوفي وكاتاكوري، وفيه دراما أحسن من دراما ناروتو، زي ماضي سينيور بينك وسانجي!!

do you guys visualize music in your brain when you listen to it?
I do so naturally and unconsciously, it sounds a cool thing
but the problem is I always search for a video that visualizes the music the same as me.. and I never found :)

لاحظت الفترة الأخيرة بوستات كتيرة واضح أنها مكتوبة بالذكاء الاصطناعي
وللأسف ده بيضيع الهدف من الصب، أتمنى المودز يفكروا في حل للموضوع
أنا شخصياً هبلغ عن أي بوست مكتوب بالذكاء الاصطناعي وفيه معلومات غلط
لو هتكتب بوست بنفسك ولكن تستخدم الذكاء الاصطناعي علشان يعدله وينظمه ف ده حاجة حلوة
لكن المشكلة لما تستخدمه كطريقة علشان تبان فاهم... صدقني مش بتبان غير أنك جاهل بأبحديات التكنولوجيا
ف ياريت نقلل استخدام الذكاء الاصطناعي اللي لو فاهمين هو بيكتب ايه!