وانسى اللي فات والندم والألم واللوم والاحساس بالذنب والحاجات دي كلها
مش قادرة اصلي خالص مع اني كنت بحب دا اه كنت بقطع بس كنت قريبة من ربنا دلوقتي مفيش ولا قادرة ادعي
حالة من البرود التام حرفيا ولا عارفة اعيط ولا فارقلي حاجة ولا بردو بعمل حاجة تطلعني قدام
أنا بحس اني قليلة بسبب أبويا والموضوع دا عاملي عقدة من زمان يعني لما اشوف صحابي وتعامل أهاليهم يعني حاجات بسيطة فشخ زي أن ابوها يوصلها يجيبها يجيبلها حلويات يتصل وسط الخروج ويهزر أو حتى بعد الامتحانات و صورهم سوا يعني حاجات صغيرة كنت بضايق أن ليه ابويا مش كدا بس بقول خلاص نصيبي في حاجة تانية و عادي مكنتش بضايق اوي يعني مع اني بحب ابويا اوي والله بس هو كشخص فاشل في أنه يعمل اي حاجة عموما والناس بحسها مش بتحترمه يعني هو ملهوش غير شوية ناس شبهه للاسف هم ال معاه ومحسسينه أنه تمام و كل ما اكبر كل م بحس أن كلام اختي الكبيرة وماما صح .. ما علينا يعني مش هحكي ليه بشوفه كدا .. بس انا قلبي واجعني اوي اوي انهاردة كان في ولد معجبة بيه شوية حكالي على بنت نعرفها و قال إنه عاجبه أنها عيلتها كويسة وأبوها بيشتغل مع أبوه و أن ابوها كويس جدا بيقولي أنا مش فارقلي البنت بس عاوز الراجل دا يبقى حمايا و بيهزر .. و قاعد يقول هنورث ونبقى أغنيا لأن أبوه وأبوها بيشتغلوا كويس يعني.. كل دا واجعلي قلبي ومش عارفه ابطل تفكير اول مرة احس اني ناقصة كدا واني كأني معنديش أب .. احساس مختلف وصعب اوي يعني مهما كان بيحصل مكنتش بحس كدا ناحيته .. المشكلة اني معرفش أكرهه لا أنا بحبه و قلبي واجعني من التفكير أنه يعني يارب كان لازم يحصل معايا الموقف دا بذات أنا
أنا ضيعت سنة من حياتي في لاشيء عالتليفون و مرقعة و مش عاوزة اكرر دا تاني والمشكلة الفراغ كان بيخليني اكلم ولاد واعمل حاجات وحشة مش عاوزة ابقى كدا تاني
أنا حرفيا فاضية وحاسة اني مش بعمل حاجة مفيدة ابدا و حتى مش عارفة اتعلم ايه مثلا و ازاي و تايهة اوي يعني حتى صحابي بعدنا و بقيت مثلا نشوف بعض كل فين وفين و أختي اتجوزت وبعدت ف حياتي فاضية اوي
حد يساعدني لأن الوحدة والملل هيشلوني