u/oldsoul0_

هي حساسية على زيادة في مخزون الدموع، يعني مش فاهمة شو هو بالزبط، ولا مش شرط هرمونات عشان انا طول الوقت هيك

كثير ببكي على اسخف اشي حرفيا، بحضر فلم بقضيه ابكي، حتى لو مش فلم حزين ولقطة سعيدة برضه بعيط عليه، بسمع اغنية، بتذكر شغلة، بتخطرلي فكرة، تخيّل، مسج، موقف، اي شي بصير فجأة ابكي، الموضوع خرج عن السيطرة اهلي بضلهم يشكوا فيني وواقفينلي عالدمعة، غير هيك اصلا الاشي متعب لانه الدمعة ممكن بتجر وراها نوبة بكاء طويلة او تعيشني بمشاعر مش وقتها،

مش عارفة نفسي اطخ حالي، تقول جسمي بصير فيه فياضانات وكل شوي بتنفلت

مبدئيا هاد shit post اظن بس يعني رح افقع

ولكم لا chat gpt ولا gemini ولا زفت الطين زابط، عم بشتغل على شغلة وبسأل عن الشغلات الي مش عارفة اعملها بضلهم ياخدوني ويودوني لحلول وبالأخير بقولولي اه اصلا النظام الفلاني بطل يدعم الميزة هديك او مش عارفة شو وقف، يعني عليتلي قلبي وضيعتني وضيعت وقتي بالأخير بتقولي هيك! لا وكمان قعدت اسبوع بدور على منتج معين ومش ملاقيته بولا مكان عالنت لانه seasonal، وجمناي ضل يتهبل لحد ما قلتله بدي متجر عالواقع** **ضايل عنده stock، قام طلعلي ثلاثة، وكلهم موجودين اونلاين 🤡 يعني ارحمني 🤡

حاسه جد انه ال ai حمار وبتوه الواحد ، وغالبا انا بعرفش اتعامل معه برضه

معلش عصبت قهرني كثير لازم اهدأ هه

اهلي بدخنوا بكل مكان وزمان حرفيا والريحة بتدخل لعندي عالغرفة بنص الليل، اقسم بالله قرفت ومرضت منهم، قمة الأنانية تعبت من كثر ما شكيت وبكيت وما حدا برد، عالأكل وبالحمام وبالغرف وبالسيارة، نفسي اتنفس نتفة هوا نظيف بهالبيت المقرف

الجهاز ما بيجي معه حاميات او نظارات للعيون وهو خلقة بعل القلب وما بيرضى يضرب غير لأحركه وازبط وضعيته عالمكان مليون مرة

نظري شوي مغبش وعيوني وجعوني لما سكرتهم، الai بحكيلي روحي عالدكتور حالا وانه الومضات بتخترق الجفون 🤡

شو اعمل خفت 😭

عندكم فكرة من وين بقدر اجيب بنطلونات قطنية خفيفة للصيف وما بتخايل عالانترنت؟

بكره السوق جدا جدا وكل الي عندي جينزات وبخنقوا

انا سعيد جدا جدا

حدا بيعرف منظمات خيرية موثوقة الواحد بقدر من خلالها يتصدق؟ بدي اتأكد انه الصدقة توصل لناس مسلمة ومحتاجة فعلا، ويفضل انه المنظمة نفسها ما تاخد عمولة من المبلغ.

بدي الاشي يكون اونلاين عشان اقدر اسويه من اي دولة.

اليوم قابلت ولد صغير من غزة، آدم عمره خمس سنين، اهله كلهم راحوا بالحرب، وهو خسر رجله ومركبينله طرف صناعي، كتير حلو آدم وبشوش وحنون، هو هلأ مع عمه الي مبين عليه مش منيح.

مش عارفة احط حالي محل آدم، ولا عارفة انام وانا بفكر فيه وقديش الدنيا قاسية عليه، جواتي حزن وقهر لا يوصف، آدم طفل واحد من بين عشرات الالاف، خسر كل الناس بحياته وخسر ساقه، وهو لسا ٥ سنين… الحياة ما اعطته فرصة يحلم.

اللعنة على كل مخلوق سسرق منك ضحكتك وطفولتك وبراءتك، اللعنة على هاد العالم الحقير يا آدم.

لا يشيخة! اطلبي وتمني! 🤡

المشكلة هي وامي عيدهم بنفس اليوم، حسبي الله ونعم الوكيل يزم بدي الحق على ايش ولا ايش انا

انتوا ناس مش لاقينلكم سولافة ونازلين حكي عن حارس كرة قدم من سبع ساعات، مشان الله لاقولكم حياة ووقفوا الهبل هاد

ضحكنا وتمسخرنا اول ساعتين وحكينا ونكدنا، طيب وبعدين؟ هو اللاعب داري عنكم؟ كل دقيقتين بنزل بوست مسخرة او سب!

طب هسا انتوا شو استفدتوا غير انكم ضحكتوا الناس على حساب زلمة ما بعرفكم؟ كتير ممتع الاشي؟ خلصتوا؟ روحوا اعملوا اشي مفيد بحياتكم عشان صدقوني الهبل وتكرار المواضيع هاد لا يسمن ولا يغني من جوع

بتحسوا بالدوبامين الوهمي هاد انكم متضامنين مع الناس وبتسبوا وبتاخدوا إثم، الي بشوفكم بفكر انه يزيد عامله قصة سياسية مثيرة للجدل بالبلد. حرفيا لاقولكم اشغال وسيبونا من التكرار المستمر
لنفس المواضيع والقرف هاد كل مرة عشان زهقنا

ارتقوا مشان الله، لو عندكم حياة طبيعية او بتنجزوا اشي مفيد كان ما بتعملوا كل هاد، ولو ما عندكم اشتغلوا على حالكم عشان يصير عندكم، رح تكتشفوا وقتها بس قديش ضيعتوا وقتكم على امور تافهة

انا كيف انضربت على راسي ورايحة اشتغل بمعبد شهرين؟؟ أيقنت اني لا أصلح للعمل الجسدي ولا الذهني حتى وشكلي بدي اصير ست بيت 🥰

ما بدي اقضي وقتي زي هيك وكنت متوقعة شي تاني، بس يبدو اني لا وعيا كنت بعاقب حالي لما قبلت، كالعادة بنقل عني صورة الانسانة الي بتتحمل وبتقبل باي اشي وما بتعترض، يلعن ابوها حياة السترونق اندبندنت وومن

هسا فهمت ليش كانوا يحكولي انه عندي عزة نفس بطريقة سلبية، تكونوش زيي واطلبوا المساعدة لما تحتاجوها.

صباح الخير

صحيت بكير لحالي بلا اي منبه لأول مرة من وقت طويل، وقمت من التخت مصحصحة بدون ما اشاور مخي كتير واتغلب

زقفولي وباركولي واحكولي اني شطورة 🙏🏻😍

الصب صاير ممل وطاقتي بالنقاش خلصت ويجب القضاء على تسويفي ايضا ههع

نفسي ازت التلفون من الشباك من كثر ما مرات بقعد بقلب عليه بشكل مهووس وراسي بنفجر منه، نفسي اشتري dumb phone واكمل عليه بقية حياتي. او يمكن لازم اوقف هبل والوم حالي بدل ما الوم التلفون 🧍🏻‍♀️

SOS 🆘

ياخي كل ايامي مقضيتها عندي وجع راس ودوخة وتعب وضبابية

اليوم صمت ١٨ ساعة وتوقعت اموت، بس ما صارلي ولا اشي من هالحكي وضليت رايقة!! شو يعني هيك؟ 💀

في حدا هون اله تجربه مع ال sertraline او اي دوا اكتئاب ثاني بشبهه؟

رح يصيرلي قريبا سنة باخده وبصراحة مش شايفة عنجد اشي فرق معي، بس احلامي بالليل زادت وصارت عشوائية كتير، مش عارفة اذا تغيرت اشياء عنجد وانا ما حسيت فيها لانها كانت بطيئة وسلسة، او انه عنجد انا ما فرقت.

الفترة هاي بحياتي تعتبر شبه هادية، على الاقل اكتر بكتير من السنة الي فاتت، بس المشكلة انه قريبا رح ارجع للدراسة وخايفة ارجع لحالتي القديمة قبل الدوا.

للعلم انا حكيت لدكتورتي لكن ما فهمت منها اشي بصراحة، بعرف انه الدوا ما بشتغل لحاله ولازم علاج سلوكي كمان. وبفكر ارجع افتح معها الموضوع المرة الجاي واشوف اذا اوقفه او تزيد الجرعة او اضل مكملة هيك بطريق مش عارفة آخرته.

تعبت جد، الي مر بهيك اشي يشاركني تجربته رجاء