u/onpredictable

Had to mute what the witness saw towards the end 💀

‏في عصا سحري مخبئ عندي… أول ما طلعته، على طول شافه وظل راجع لسيارته 😉

يعني** ليش بدو يعاند خاوة ويدخل قدامي؟ المساحة قد الدنيا وراي، ليش ما يلف من وراي **عاليمين

الغريب إنهم مش سائلين عن حياتهم ولا مستوعبين قديش الموضوع خطير. زمّرتلهم عشان يزيحّوا قبل ما حدا يدعسهم… البسكليت مفكر حاله لامبورغيني💨 🚴‍♂️

يعني صدقوني في هوس بالمجتمع الأردني، لازم و خاوة الناس بدها تسرع و تتخانق و تكسر، الي ما بساوي هيك ما بعرف يسوق…هيك** صارت السواقة للأسف **

دايماً هذا التقاطع زنخ، من أمثال ألي مابعرف أولويات

ما تسألوني من وين الشرطي اجى بآخر الفيديو 👮‍♂️

يا جماعة محتاج رأيكم بموضوع صار معي، لأني لحد الآن مش قادر أستوعب اللي صار.

كنت بطريقي عالشغل، سايق طبيعي، في مسربي، وماشي دغري. المسرب اللي أنا فيه مرسوم عليه سهم دغري أو يسار، وأنا كملت دغري زي أي واحد طبيعي.

فجأة باص بيجي من جنب وبقص عليّ وبدخل على مسربي بدون ما ينتبه، وصارت الضربة.

نزلنا، بلشت أشرحله بهدوء إنه هو غلطان لأنه قص عليّ وأنا بمسربي، بس الزلمة كان مصرّ إني أنا الغلطان، وضل يعيد نفس الحكي كأنه بده يقنع حاله.

المشكلة الأكبر؟

قدام الشرطة كذب وقال إني كنت مشغل غماز يمين وبدي ألف يمين 🤦‍♂️

مع إنه:

•	أنا ما كنت ناوي ألف يمين أصلاً

•	والمسرب أصلاً مش يمين

•	وعندي فيديو واضح شو اللي صار

الأغرب من هيك…

قعدنا ساعتين كاملات نستنى الشرطة!

لما وصل الشرطي، شرحتله كل شي بهدوء، ووريته الفيديو من أوله لآخره، وبالأخير طلع القرار:

“الحق مشترك”

عنجد هون انفجرت من جواتي… كيف حق مشترك وهو قص عليّ وأنا ثابت بمسربي، وكمان كذب؟

أنا مش جاي أتهرب من غلط لو كنت غلطان، بس مش قادر أفهم كيف طلع القرار هيك.

فبس حاب أسأل:

•	هل أنا غلطان ومش شايفها؟

•	هل كان لازم أتصرف بطريقة ثانية؟

•	هل طبيعي اللي صار مع الشرطة والانتظار؟

•	وهل “الحق المشترك” فعلاً منطقي بهيك حالة؟

الفيديو مرفق، احكموا أنتو.

عنجد محتاج رأي ناس ما إلها مصلحة غير تقول الصح.