هو لو انت صريح مع حد ليه بيهرب منك عشان خايف ولا عشان مش بيتحمل ..
بصراحه انا كنت منغلق علي نفسي جامد لدرجة اني تبعت نفسيا واتاذيت وخليني اقولك
ان فيه قرارات لازم تخدها بنفسك لوحدك مفيش حد هيقولك عليها واقصي حاجة هيطبطبوا عليك دا الدرس الاول .
زي انك تراجع نفسك وتختار الصح من الغلط ودا الي عملته لما راجعت نفسي وبدات انفتح علي المجتمع رغمان لسه صورتي القديمه قدام بعض الناس ما اتغيرتش والبعض الاخر مش متقبل صورتي الجديده كمان 😂
دا درس تاني مش هتعرف تراضي ولا توفق بين الناس
لكن خليني اقولكم ان كل يوم من وقت مابدات انفتح علي المجتمع وانا بتعلم حاجة جديده منها
ان مفيش حق مطلق ومثاليه كل حاجة درجات .
حتي الايمان درجات والضمير درجات
اكتر حاجة كانت بتتعبني اني كنت بقسم اي حاجة لنوعين صح وغلط كذب وصدق ...لكن اكتشفت ان فيه مناطق في النص .اساليب وطرق مفيش طريق. واحد النهادره بقول لازم يبقي فيه صراحه في التعامل مع الناس كلها
بكره هحاول من الاحراج المح عشان خايف علي مشاعر واحد فمش هينفع ابقي صريح ..
وانت بتتفرج عليا هتحس بتناقض لاني قولت لك لازم صراحه وانا مش صريح ودي مشكلتك انك ظنيت ان كلامي حق مطلق وقسمت كلامي لصح وغلط وماتعرفش ان اوقات الناس ممكن تبقي ماذيه من مشكله لكن مش عاوزه تغيرها ودا منطقيا بيسموه ( بتوع التسميات ) حرص الناس علي المجتمع ( هادي رغم المشكله ) اكثر من الاخلاق ( حل المشكله ) خوفا من تكلفه التطوير والتواجد في حلقه فارغه ومخاطره ودا الدرس الثالث
لكن اكتر حاجة بتحيرني انك لما بيبقي حد قريب منك ( شاب او فتاه عموما ) وبتكونوا صريحين جدا لدرجة انه بيحاول يعرف سر من اسرارك عشان يساعدك وبيوعدك انه هيسمع لك ومش هيتغير وكل الكلام دا ...
لكن
اول مابتحكي بيتصدم وبيهرب منك !
السؤال هنا
هل هو بيسيبك عشان خايف ونظرته ليك تغيرت
ولا
لانه مش قادر يتحمل او يستوعب كلامك فبيفضل ينسحب بعيد عن الضغط دا
عاوز اشوف رايكم ..