u/princedruko

sina ale li lon ma tomo seme? ma tomo mi li ma tomo Sanpansiko! 🌉🌁

pona tawa sina ale! mi jan Telu. mi sitelen e toki lili pi sitelen pona pi nimi mi (Telu = telo e lawa utala). nimi mi li pana sona e ni tawa mi: pilin ike li kama la lon lawa li ken pona e toki insa ike. lawa mi li ken tawa sama telo.

toki lili mi li anpa.

~~~~~~~~~~~~~~~~~~

“telo e lawa utala”

nimi mi li jan Telu. kepeken sitelen pona la nimi mi li toki e ni: telo e lawa utala.

tenpo sun oni la mi kepeken e ilo kon jaki. tenpo monsi la mi wile pilin pona. ni li musi lili. mi toki lawa e ni tawa mi.

taso mi pilin pona ala. mi pilin ike. sijelo mi li pilin jaki.

tenpo ni la mi toki lawa tawa mi. mi toki e ni: mi wile tawa insa pi ijo. mi wile tawa tomo pi ijo olin suli.

kepeken e ilo kon jaki la mi toki lawa e ni: mi wile kepeken ala.

tenpo kepeken ala la mi pilin pona. mi pilin e ni: mi tawa insa pi ijo.

insa…pi…ijo…

mi olin e jan pona mi. mi olin e mama mi. mi olin e jan poka.

nimi mi li jan Telu. nimi mi toki e ni: telo e lawa utala.

tenpo mute la lawa mi li tawa nasa li tawa ike.

ni la ni li pona. pilin ike li pona. pilin mi li olin li olin pona.

mi lukin tawa lupa pi tomo mi. mi lukin e kasi e waso e pipi e jan. ale pona. ale en mi li pona.

ma tomo mi li ma tomo Sanpansiko. ma tomo pi poka la telo suli li lon. ni li telo suli Pasipika.

telo suli ni li tawa li lon. kon pi telo li tawa. mi en jan ale li tawa tan telo. sijelo pi mi ale li telo. taso tenpo mute la lawa pi mi ale li ken nasa ken jaki ken sama seli utala.

tenpo ni la tenpo lili ni la lawa mi li ken sama telo. lawa li ken tawa sama telo.

nimi mi la mi toki tawa mi. o telo e lawa utala! telo sama telo.

mi ale li pona.