u/snow_white11-

ما بعرف ليه كل الهايب عليه

البيتزا.. العجينة زي خبز المخبز هاد المقحمش شوي والاطراف معجنة شوي

التوبينج..بيتزا صقلية..بيبروني مش زاكي والسجق الايطالي طعمه لحمة كفتة.. وبيتزا الالفريدو ما الها خص بالالفريدو ابدا

الحجم صغير مقارنة بالسعر نوعا ما

ترافل فرايز رهيبة للامانة وكمية متوسطة

السيزر زاكية بس كميتها قليلة

اللازانيا زاكية بس مش واو وفيها صوص كثير والبشاميل قليل والاطراف محروقة وكميتها منيحة نوعا ما

المكيف مش مشغل منيح..ريحة المكان كل شوي بتصير اكل لانه المطبخ مفتوح على صالة الاكل

الستاف لطيف..يعني مش سيء ولا اوفر لطيف

الاكل فريش للامانة

الاسعار نوعا ما مرتفعة بالنسبة لمطعم باربد

Overall.. 7/10

توقعت شي احسن

Bidza احسن بمليون مرة

شو ازكى شي عندهم؟ شو بتنصحوني اجرب؟ وعن شو ابعد؟

ليه دايما الكل بيقلك ابعد عن المشروبات الغازية بالدايت

طيب السكر فهمناه

الزيرو ؟ ليه نبعد عنها

يوم الاربعاء نازلة على اربد لسبب ما

ورح اخد معي مرت اخوي وهي اول مرة بتنزل على اربد

ف رح اعزمها

شو في مطاعم اكلها كتييييييررررر زاكي ؟ ومش شاورما يعني وهيك

يكون مطعم انو جد فيو قعدة وديكور حلو ..زي bidza مثلا

سمعت عن صقلية ..شو بترشحولي؟

مبارح طلعت مع صاحبتي على ماريا جاردن

اليوم بالدوام ..بييجي مشان خدمة معينة من مكان شغلي ..وانا شفتو من بعيد بس ما اهتميت ..لكن هو اجا لعندي وحكالي شو الاخبار؟

اعطيتو side eye وحكيتلو الحمدلله

حكالي مبارح شفتك بماريا جاردن ( انا داخليا انصدمت لانو ما شفتو مبارح وصراحة مابهمني ) ..مارديت عليه وعملت حالي بكتب بشغلة على الكمبيوتر

رجع حكالي لو بعرف انك سرّي مرّي على هديك المناطق كان تعاملت معك بطريقة مختلفة ..بس سبحان الله ربنا بده ينقذني

انا صفنت بوجهو ..قلتلو خلصت كلام؟ الله يوفقك

هو عصب واجا بدو يصيح ويحكي..قلتلو احترم حالك هاد مكان عمل وبناديلك الأمن

سحب حاله وراح

وانا حكيت لاخوي ..مابعرف اخوي شو عمل لانو مش راضي يحكيلي من الصبح بترجا فيه يحكيلي..بس قال عملت اللازم 💀

عم بفكر قديه شخصيتو مهزوزة هيك بس لانو انرفض ..ليه كثير شادها يعني ومهتم

اليوم كانت الجلسة الثالثة بيننا.. اول مابلشنا نحكي حكيتله انا صراحة بشوف مافي توافق بيننا

ضحك ضحكة غريبة.. وقلي انا بعترف انو الجلسة الماضية كنت مستفز وغريب الاطوار.. حكيتله حاشاك لكن بس عنا قيم مختلفة ومابحس بالانجذاب بيننا

حكالي انا كنت بختبرك المرة الماضية 🤡🤡🤡🤡🤡🤡

بدو يشوف شو ردة فعلي ومدى لباقتي بالرد على هيك مواضيع؟؟؟ صدمني مش معقول

قال حتى انو كان متفق مع صاحبه يرن عشان يشوف اذا هاسال واستفسر ولا لا.. وبقلي طلعتي مش زي هالبنات الفضوليات 💀

وبقلي انسي الجلسة الماضية والشخص الحقيقي هيكون اليوم

انا رفضت نحكي وقلتله انا مش مرتاحة ومو حابة اكمل وياريت تحترم قراري..حاول معي بس كنت ثابتة على رأيي وما سمحتله ​

تخيلو يابنات تقدملي شخص ..يعني بعرف امه انا بس مابعرفه ابدا..اغرب شخص بتقدملي

تخيلو بأول قعدة حكالي شكلو راتبك رايح هدايا للاحفاد ..لانو اجت بنت اخوي وفتحتلها لعبة كنت مشتريتلها اياها قبل ما ييجي

وبقاطع بالحكي ..كل ما اساله سؤال ويجاوب وبدي استفسر عن شي ..ينط لموضوع ثاني

بالقعدة الثانية ..بقلي بدي اول شهرين نستأجر شقة مفروشة او نسكن بدار اخوي (مسافر) ..لانو لسا مش مقرر وين بدي اسكن..شوي شوي بقلي..عندك مانع اوخذ قرض على راتبك؟ بقله انا بدي اترك الشغل..بقلي لييييه !!! خليكي بتتسلي ومنتساعد بحياتنا ..بقله ليه بدك القرض ..بقلي يعني نعمل مشروع سوا مثلا

شوي شوي بحكيلي ترا اسمعي انا كل يوم جمعة بطلع مزرعة مع ولاد خالاتي وصحابي ..✨هاي عادة مقدسة عندي✨

بحكيلو طب انا واياك مثلا بدنا نطلع الجمعة بما انو عطلتك..بقلي منطلع الصبح وبالليل بروح مع صحابي 😭

ورن عليه صاحب لاله مرتين خلال القعدة وكان يرد عليه! يعني احترم وجودي مش طبيعي

بنات حدا جرب عطورهم؟ عندي أزمة مالية ومش مستاهلة اشتري اصلي 😭

كيف الثبات والفوحان ؟؟

اليوم طلعت بريك وقررت اقعد برا بمكان كل المرضى بقعدو فيو .. ماكان عبالي اضل مع التيم جوا

شفت وحدة بتعيط وبتقول ياناس ساعدوني بنتي مبارح انحرقت وبدها ابر كتيرة وبدها مصاري ووالله مامعي ويعني بتترجى حرفيا

انا بعيدا عن اني ام دميعة وعيوني لم تصمد ..ساعدتها

بدخل جوا.. بحكي عنها

بيحكولي هي صرلها شهر كل يوم على نفس الحالة بتشحد بنفس القصة

I feel..bad

ليه هيك البشر؟

بنت اخوي 2009 وحكتلي انها بدها تبلش روكتان لحبوب بجسمها مش وجهها لانو صافي اسم الله

انا ماعمري اخدته ولا عندي تجربة معه

بتنصحو فيو لهيك مرحلة؟ هي متشجعة من باب انها هتقعد بالبيت كتير ومش هتتعرض لشمس وهيك

بس انا بسمع انو اعراضو جد سيئة..ومابدي اعراض الدوا تأثر عليها بمرحلة التوجيهي

شو نصايحكم؟

انا كنت الاولى بجميع الصفوف ومتميزة جدا ولله الحمد وخصوصا بالانجليزي والمواد العلمية

نحتت نحت بالتوجيهي ..بفترة الامتحانات صابني صداع مابتمناه لعدوّي ..وكنت اروح مش خاتمة المراجعة بسبب ضيق الوقت لاني مش قادرة ادرس بسبب الوجع ..النتيجة؟ معدل ولا كان ممكن اقبل فيه وما بينصف مستواي وجهدي

ففعليا التوجيهي ابدا مش معيار ..الله اعلم شو ظروف كل طالب وشو يلي صار معه

التوجيهي فعلياً لازم ينلغى ..شو رأيكم؟

العسكري سايق الباص ..

اول مرة بحياتي بركب باص جيت لانو كنت مضطرة

وحجزت مقعد رقم ٤ يعني حرفيا ورا السايق

قعدت والسايق جنبو مرافق وماوقفو حكي صرعو راسي ..نزل المرافق بعد نص ساعة ..السايق يسكت؟ لا والله..لف وجهو عليي وبقلي ..بقول لزميلي : "خدمت بالجيش سايق واتقاعدت وهيني سايق" ..قلتلو الله يعطيك العافية ولفيت وجهي ..رجع بسالني نازلة على اخر محطة؟ جاوبتو ..بحكيلي انتي من هون؟ قلتلو لا ..قلي سكن ولا دراسة ..قلتلو شغل شغل ..وين بتشتغلي ؟ وين درستي؟ من اي عيلة؟ ..وانا شوي وهافقع جد (ياريتني تجاهلته بس بستحي اتجاهل حد بحكي معي ) ..بحكيلي فجأة..شكلو صاحب النصيب لسا ما اجى ..اكيد مش خاطبة ( انا عصبت انو شو ناقصني لحتى ما انخطب) قلتلو ليه اكيد؟ حكالي مافي شي باصابعك ( ولكككك عم بتسوق ومركز باصابعي) ..ورجع تمتم اشي "الحضور والشخصية القوية" وانا طنشته لاخر الرحلة وعملت حالي ملتهية بتلفوني

بس وصلنا وجيت بدي انزل ..حكالي استني خليكي شوي ..بس نزلو شوية ناس من الباص ..حكالي "ممكن اخد رقمك؟" انا انصدمت وقلتله ليه؟ ..حكالي " اعجاب فائق" 😭😭😭 ..قلتلو لا ونزلت بسرعة

ليه شخص فوق الاربعين ومتزوج ممكن هيك يحاول

نفسي افضحه ..الله ياخد كل زلمة من هالنوع