ده لدفعه البكالوريا السنه دي، ودفعه السنه الجايه اللي هيختاروا بينها و بين عامة
النظام ده ميزته الوحيده انه هيبقى ليك محاولات لحد م تجيب المجموع اللي انت عايزه و هما بيدفعوك حق الميزة دي بطرق تانيه و كمان مش هيساعدك لو حالتك الماديه مش احسن حاجه
اول حاجه انت لما بتختار مسارك انت بتختاره على حسب التخصص اللي فدماغك عشان المواد قليله وانت بتختار
المادة اللي تدخلك التخصص اللي فدماغك.
(مثال انت متقدرش تدخل السن و ترجمات لو مخترتش اداب و اخترت منه لغه تانيه بدل علم نفس، اللغه التانيه مش موجوده فباقي المسارات ف انت ملكش السن إلا غير ب ادبي، و ده غير نظام ثانويه عامة انت مفتوحلك السن من كل شعبه بفرق التنسيق.
ونفس الكلام بالنسبه لعلم النفس انت تدخله من اداب بس ولو اخترت لغه تاني بدل علم نفس ملكش علم نفس و ده غير الثانويه العامة).
ف انت لو مجبتش تنسيق التخصص اللي انت ناوي عليه معندكش اوبشنز تانيه و غالبا هتدخل حقوق او حاجه انت مش حاببها عشان ملكش إلا غير كام تخصص جنب اللي انت ناوي عليه ده غير انهم بيخلوك تختار من اولى ثانوي والواحد تفكيره و عقليته بتتغير مع الوقت و ملكش انك تغير مسارك خلاص، أنا مدرستي أجبرتنا نختار المسار اول السنه و مضينا خلاص ف اللي عنده وقت و لسه ممضاش يلحق يفكر
مقسمين نسبتك النهائيه (600 درجه) على تانيه و تالته و نسبتك 80% من تانيه و 20% من تالته و المناهج صعبه و غير متوقعه و مجمعين ف تانيه منهج تانيه و تالته مع بعض عشان مش هتاخد المواد دي فتالته و منهج تالته مستوى رفيع ومش محتاجه اتكلم عن كلمة مستوى رفيع
ف انت لما تيجي تختار لازم تكون عامل حسابك حوار الدراسه و المستقبل و تكون متأكد انك عايز تدخل التخصص اللي فدماغك عشان ملكش انك تغيره بعدين و منه تعرف المسار اللي المفروض تختاره و الماده اللي هتختارها ف سنة تانيه
لو حد عنده اي سؤال بسألني عشان أنا اتهوست بسبب الحوار ده و قعدت شهرين بعمل سيرش عشان كنت ناويه اختار فتالته هدخل علم نفس ولا طب و اتحطيت فموقف زباله بسبب البكالوريا وانا بحب الاتنين جداً
أنا هوسي الجديد دلوقتي اني خايفه يمشوا الوزير قريب بعد م جبر علينا النظام و يتلعب بينا بلياردو مع الوزير الجديد