u/the_knight_o

بديهي أنه في حرق للأحداث!

بقرأ في الأعمال الكاملة للطيب صالح، خلصت حالياً ضو البيت ( بندر شاه ) وحرفياً مش فاهم حاجة، التسلسل بتاع الأحداق كان ماشي كويس لحدي ما بدأت قصة ضو البيت لما ظهر من النهر، هنا كل حاجة إتلخبطت لي، مش مفروض ضو البيت دا هو جد مريود وهو عايش مع مريود في نفس الوقت، عشان في مشهد كان مريود جاء لي جد محميد قال ليه جدي ( إلي هو مفروض ضو البيت ) رسلني ليك بخصوص التور...إلخ، المهم في قصة ضو البيت الطلع من النهر ( إلي انا فهمتها على أنها فلاش باك ) ضو البيت في نهاية إختفى في النهر زي ما ظهر منه، طيب كيف هو قاعد في نفس الوقت مع حفيده مريود، وفي موقف ثاني لما عبد الخالق ود حليمة حكى قصة الجلد وإلتصاق إسم ود حليمة به لما كانوا صغار وكانوا بيتجالدوا ب السوط وفي النهاية حصلت ما يشبه المشلكة المهم أنه ضو البيت هو الفض النزاع، فانا ما فاهم حاجة من هو ضو البيت، وهل ضو البيت الطلع من النهر غير ضو البيت الثاني؟

حتى في الجزء البعده ( مريود بندر شاه ) بيظهر أنه مريود اسمه محيميد! زي اسم البطل ( الراوي ) في ضو ( ضو البيت بندر شاه ) يعني إيه؟

أنا ما فاهم أي حاجة

​

السلام عليكم

مش بحب أحضر الفيديوهات أونلاين، بحس أنه في مدخلات كثيرة زيادة عن الفيديو نفسه ( تعليقات، إقتراحات..إلخ) فدائماً كل فيديو أرغب بمشاهدته بنزله ودا يقودنا للمشكلة

حالياً عندي 30 فيديو محملهم ( الصورة الأولى )، في 17 فيديو ( عديتهم واحد واحد) مش قاعد أحضرهم، ليهم أكثر من شهر قاعدات ( بديهي أنهم أقدم 17 فيديو )، كل مرة بنزل فيديوهات جديدة فبحضر الجديدة وبسيب القديمة.

والظاهرة مش جديدة، في فترة كانت الفيديوهات حصل ليها تراكم لحدي ما حصلت 100 فيديو ( الصورة الثانية ).

المشكلة مش في تراكم الفيديوهات فقط، إنما أني أفقد الشغف في الكثير من هذه الفيديوهات، في فيديوهات بتحضرها في مزاج وظرف معين في ظل ما أنت في بيئة معينة، وأول ما تمر من هذه البيئة والظرف تفقد الشغف في هذه الفيديوهات، فيضحي مصيرها إلى محرقة التحميل.

في سبب ثاني برضو لاحظته وهو القِدم، كل ما الفيديو قعد في التحميل مدة طويلة كل ما قلت رغبتي في مشاهدته، ودائماً الفيديو المحمل حديثاً تكون رغبتي في مشاهدته أكبر.

في سبب ثالث برضو يساعد في ملئ المحرقة وهو الوفرة والخوف من أن يفوتك شئ ما، فكل ما أجد فيديو شدني أقوم بتحميله، مع أنه بالفعل عندي فيديوهات مفروض أحضرها، بس أشعر أنه لو لم أحمل هذا الفيديو الأن ح أنسى أحمله ولن أجده مرة أخرى.

والسبب الثالث ممتد خارج اليوتيوب في الألعاب والروايات وجميع سبل الترفيه الأخرى.

​

لي 7 شهور وشوية ما قرات حاجة، فكان لازم لما أرجع أرجع برواية، وواحدة من اكثر الحاجات البقالي وقت طويل كنت عايز أقرأها هي موسم الهجرة للشمال، إترشحت لي أكثر من 7 مرات، 5 مرات من ناس على يوتيوب ( واحد منهم بريطاني قراءها مترجمة للإنجليزية ) و مرتين من أصدقائي، فحاسس أنه عيب جداً إني ما أقراها، المشكلة كل مرة بمشي المكتبة عشان أشتريها إما ألقاها خلصت، أو لسه جاية...إلخ، وحتى أسي ما لقيتها منفردة!

أتمنى أنه أعمال الطيب صالح تكون قدر التوقعات، أخر مرة قريت حاجة سودانية ( وكانت اول مرة اقرأ حاجة سودانية ) كانت - الجنغو مسامير الأرض، وحرفياً أكثر رواية مبالغ في تقديرها قرأتها في حياتي.

توقعاتي عالية شديد لـ الطيب صالح، حاسي إني مفروض أقللها شوية.

​

عندي العملات ديل وفرحان بيهم جداً، خصوصاً الجنيه من سنة 1989م، فقلت كدا أشوف مجتمع العملات في ريديت فلقيت أنه بسم الله الرحمن الرحيم فتح كلام كدا من سنة 1600-1700م، فحسيت ب الخجل من جنيهي مواليد 89 ⁦:⁠-⁠(⁩

في نوعية كدا من المحتوى بحب اسميها ( محتوى الرجال) محتوى البنات في الغالب مش بتحضره، لأنه يتسق مع فطرة الرجل، حتى في أمريكا ودول الغرب إلي بيعملوا بيكونوا يمينيين محافظين متدينيين في الغالب، محتوى زي محتوى السيارات ( تعديل السيارات وصاينتها مش مجرد مراجعة) مختوى الأسلحة ومحتوى الصيد، اليوتيوب العربي فقير نسبياً في هذا النوع من المحتوى، بس ابو مساعد واحد من الناس القليلة إلي بتقدم المحتوى دا في اليوتيوب بجودة عالية.

تحريات كلب

10/10 ونجمة

صنعت بندقية من الصفر

مؤخراً مهتم بالصيد وللأسف مش لاقي محتوى عربي عالي الجودة، بس الفيديو دا حلو، السلاح في الفيديو مش سلاح رصاص، الفيديو كان حيكون أجمد لو شرح كيف صمم المقلاع من الصفر عموماً

8.5/10

فيديو عن داعش

الفيديو بالعربي، وفيه محتوى حساس >!حرفياً في رؤؤس مرمية في الشارع بتظهر في الفيديو !< الفيديو محزن إنهم كانوا فاكرين نفسهم على حق، وكيف غسلوا أمخاخ الأطفال.

من الراب لداعش

اللهجة شوية صعبة بس الفيدو جامد، مشكلته أنه ركز على فترت eminno في الراب أكثر من تركيز على أنتقاله لداعش

8.5/10

فيديو الجمل

الراجل لو كان مسلم كان عنون الفيديو:

﴿أَفَلا يَنظُرونَ إِلَى الإِبِلِ كَيفَ خُلِقَت﴾

9.5/10

السلام عليكم

بعض السياق:

واحد زميل لينا رافع في قناة الدفعة أنه القناة دي عندهم كورسات ظابطة لطلاب الطب وبتاع...إلخ، ف دخلت بدافع الفضول ولقيت عندهم هذا البوت إلي مليان كمية إدعاءات باطلة وخداع وإستقلال لجهل الناس وأكل أموال الناس بالباطل ف ح أطرح كل كذبة لهم وأوضح وجه الكذب، ورأي في الأخر، والسؤال هل أنا محق؟ ام أني عملت من الحبة قبة؟

أنا ماشي على حسب الترتيب الشايف أنه منطقي ب النسبة لي، ف اخر كذبة عبارة عن أكل لأموال الناس بالباطل، بالنسبة للصور:

صورة 1

كل الكذبات على لسانهم.

صورة 2:

النموذج اللغوي الذي يستخدمونه

صورة 3 و 4 و 5:

الأدلة على أكل أموال الناس بالباطل

توضيح بشان نماذج الذكاء الصناعي وال api

ممكن بشكل عام نقول أنه كل حاجة في الإنترنت تقع تحت قسم من إثنين:

1/ حاجة مغلقة المصدر:

ودي الاكواد بتاعتها نفسها مافي وصول ليها إلا للشركة المبرمجة وانت كمستخدم بس بتستخدم التطبيق، وممكن تشيل حاجة أسمها api ودي عبارة عن انك بتأخذ أذن لأستخدام التطبيق لكن على شكل واجه مختلفة، يعني مثلاً شات جي بي تي كلنا منستخدمه من الموقع الرسمي بتاعهم، بس ممكن زول يشيل api ويعمل واجه موقع مختلفة ويخت فيها ال api ويسمي الواجهة دي مثلاً الزول، فأنت تتدخل موقع الزول وتستخدم الذكاء الصناعي كأنك داخل موقع شات جي بي تي الرسمي، بداية شات كان محظور في السودان وفي واحد في تويتر عمل الفكرة دي.

2/ حاجة مفتوحة المصدر:

ودي ما موضوعنا الأن، بس حتى دي فيها تقسيمات بس في العموم في نماذج ذكاء إصطناعي حالياً مفتوحة المصدر يعني أكوادها متوفر ليك تدربها على كيفك فهنا ممكن تدربها على نوع معين من المحتوى فتبقى متخصصه في هذا المحتوى فقط، والناس في الغرب حالياً قاعدين يدربوا نماذجهم براهم عشان يحافظوا على خصوصية بياناتهم ( في واحد في ريديت كان بيدرب نموذج عشان قال عنده 3 مليون مستند عايز يحولهم لصيغة رقمية وما عايز قوقل تشوف مستنداته )

ننتقل للمزاعم ( الكذب )

المزعم الأول:

ما قاعدين يوضحوا في أي جزء من الرسائل أو البوت أنهم ما بنوا النموذج اللغوي من الصفر إنما أستخدموا نموذج جاهز، وهنا بتفرق شديد لأنه بيدعوا أنه النموذج مخصص للإجابات الطبية ودا ليس صحيح اي نموذج لغوي ( زي شات GPT او Gemini ) تم تدريبهم على مجموعة كبيرة من البيانات المختلفة فهم مش متخصصين في مجال معين إنما عندهم معرفة في كل مجال وبيسموه نموذج لغوي عام، فإذا البوت بتاعهم بيستخدم مجرد نموذج لغوي عام متوفر على الإنترنت بيخلي مافي فرق بينه وبين أي نموذج لغوي تاني.

المزعم الثاني:

يقولون:

" 🔵 قمنا بعمل تحسينات كبيرة بخصوص الردود 💬 و اللغة الطبيعية للبوت حتى يتفاعل مع المستخدمين بصورة أكثر سلاسة 💙✨

(يعني بيقدر يتونس معاك ما زي زمان 😂) "

ودي كذبة عشان هم زي ما قلت وزي ما موضح في الصورة الثانية معتمدين على نموذج

Claude 3.5 Sonnet

فما عندهم اي قدرة بنفسهم يعدلوا في النموذج اللغوي، مفروض يقولوا أنه الشركة إلي نحن ماخدين منها ال api طورت النموذج، بس هم في الكذبة الأولى لا يوضحون للناس أنهم مش إلي بنوا النموذج.

المزعم الثالث أكل أموال الناس بالباطل:

يقولون:

" للمشتركين ممكن ترسل 10 صور في نفس اللحظة و البوت حيبحث و يقرا و يجاوب عليهم كلهم في نفس الوقت ❤️🔥 (كأنه عندك 10 بوتات كل واحد بيبحث و بيجاوب في موضوع براه 😭❤️🔥) "

بالمشتركين قصدهم اشتراك شهري مثداره 10 الف جنيه سوداني - راجع الصورة 3 - وايه ميزات هذا الاشتراك؟

الميزة الواضحة أنك تقدر ترسل 10 صور دفعة واحده- واوااااا

بس النموذج الي هم معتمدين عليه وماخدين منه ال api أصلا بدون اشتراك - مجاناً - بيخليك ترسل 10 صور، بل أنا في نفس اللمحادثة رسلت 10 صور مرتين ولسه ما قال لي ممنوع ترسل بس اأنا كسلت أكمل - راجع الصور 4 و 5 -

برضو المستخدم المجاني عنده عدد رسائل معينة في اليوم، مع أنه النموذج إلي هم ماخدين ال api منه ما عنده حد استخدام.

إذا ما الإستنتاج؟

الناس ديل قاعدين يستخدموا نموذج لغوي عام ومليون خط تحت كلمة عام مجاني

لنموذج مجاني ال api بقروش

وبيخدعوا الناس أنه نموذج مخصص للأسئلة الطبية، وبيتم تحويل ميزات مجانية زي عدد الرسائل ورفع الصور لميزات مدفوعة، مع أنه المستخدم ممكن يحمل التطبيق بشكل مجاني، ودا أكل لأموال المسلمين بالباطل، هل تعلم أنه اليهود حلال عندهم أنك تأخذ ربا من غير اليهودي لكن حرام من يهودي زيك، يرضيك تسرق أخوك اليهودي؟

والناس دي بتستغل جهل أخوانهم المسلمين!

ملاحظة

الناس دي برضو بتوفر أسئلة أمتحانات مدفوع وبناءً على كل ما رأيته ( أتوكع) أنهم مكركين هذه الأسئلة وبيبعوها للناس، دا لو ما كانت أصلاً مجانية.

وفي ملاحظة تانية، في منشوراتهم كانوا عاملين مسابقة ما وفي أسئلة في مواد طب، ونشروا أسماء الفائزين وكانوا 10، وكلهم بنات! نعم نشبة البنات للأولاد أكثر في المجال ( على حسب ملاحظتي البسطية المقتصرة هلى الكلية بتاعتي ) ف أعتقد أنهم بيستقلوا جهل البنات التقني في بيع منتجاتهم.