السلام عليكم
طالب دور ثاني مأجل ثلاثة
احياء وفيزياء وكيمياء
ماقاري منهن أي شي وباقي اسبوعين بس
أنا احاول اقرا بس ماعرف ماعندي الطاقة الكافية ادمرت هواي
ممكن واحد يرتبلي وضعيتي لان كمت خبطت عندي السالفة وتعبت
ولازم انجح بمعدل عالي حتى يصير ب90 وشوية علاقل افرح اهلي بس اني حرفيا ماستحق أي شي وحتى نفسي خذلتها.
الي عنده حل يعرف اي شي خلي يساعدني
اخوتي انا شاب مت/عذب من النت الابراج المتع/فن واكثر من مره سويت حسابات بالانستا وبالتيك وبالفيسبوك وروجت الهن بس مناشدة لوزير الاتصالات وماكو فائدة خابرت خدمة الشكاوى مال الوطني كالولي أن شاء الله عن قريب نجي الكم (الكلام هذا من سنه 2025/12/20) تقريبا راح يمر سنه كاملة
ف اقترحت اقتراح اسوي عارضه واجمع تواقيع اهل المنطقة ونروح لقائممقام أو اي واحد ماعرف المن نروح
نروح لأي واحد اله المسؤولية ويسويها
(مع العلم هم مسوين كلشي من وايرات كلشي حتى العامود حطوه بس المشكلة ماكو تفعيل دمر/وني)
اقتراحاتكم ارجوكم موضوع مؤذي كلشش جاي ندفع فلوس هواي وخدمة زف/ت وبالاخير ابو الوطني متونس بعروض كليوم تجي جديدة ورهيبة 💔
هذي التجميعة زينة بسعر 1,945,000؟
تعبت بالله الكريم
مأجل ثلاث مواد احياء فيزياء كيمياء
لكن الامر انو مجاي اكدر اقرا واجبر نفسي
صارلي من نهاية الامتحانات ولحد الان احاول اجبر نفسي مجاي اكدر
احياء علرغم من اني قاريها وهم ماكدر اقراها وماعرف ليش مجاي اكدر احاول افهم نفسي ماعرفت
احتاريت وتوازيت وصعب عليه الامر فعلا اتمنى تخلص هاي المرحلة على الرغم يحتاج بهذني الثلاثة 100 حتى تصير معدلي 90
تعبت اخوان نصيحة منكم تفيدوني
اريد بيجات تبيع حسابات سوني بيها العاب
اكووهيج شي لو لا؟
واكو بيجات يبيع العاب بسعر زين ومناسب؟ خلصت سادس وماعرف شسوي.
طبعا اكو شي ثاني ردت اكولها وهو الاهم
في كثير من الدول شعبها سوى تظاهرات وثورات ضد الحكومة عبر الانترنت ك(الديسكورد وردديت)
احنا هنا نريد نسوي هيج بس ضد الوزارة التربية وأيضا وزارة التعليم
ضدهم الاثنين
لان هذولة هم سبب وجود هيج ناس تستغل طلاب السادس هم بسببهن وجود ابواب ومرماز والمرشحات واستغلال الطلبة وغيرها
في حتى نتخلص من الشجره يجلب شلع جذورها وان جذورها هي الحكومة بحد ذاته
ف كما سويتوا حملة تشجير وحملة ضد استغلال الطلبة نسوي حمله لتغير النظام التعليمي البعثي
ف اريد منكم تنشرون هذي السالفة بين الطلاب الجامعيين والسادس من اجل تغيير المنظومة التعليمية واستعادة النظام التعليمي السابق الي يعتبر العراق في وقتها من افضل التعليم بالعالم
مطلبنا
1-تغيبر جميع المناهج بأكملها وجعلها تناسب التطور وتواكب الحداثة التي اصبحت في المجتمع .
2-صرف الحكومة على القطاع التعليمي اكثر كونها تصرف للقطاع التعليمي 1 من المئة على عكس دول الخليج التي تكون نصف موازنة الدولة تعطى للتعليم.
3-عدم اعتماد المعدل من السادس بل يكون 25% بالرابع و 25% بالخامس 50% بالسادس حتى يكون الطالب جاهز وقاري جميع اساسيات السادس
4-القبول الجامعي يكون عبر اختبار ليقبلوه
5-صرف الحكومة ايضا على وزارة التعليم لكي يتقبل العدد الهائل من الطلاب
6-الغاء جميع المعاهد والتدريس الخصوصي بالكامل وجعل الطالب يدرس فقط في المدرسة حيث توفر المدرسة عدد من المدرسين ويضعوها في منصة واحدة يتابعها جميع طلاب العراق
7-توفير الوقت الكافي لجعل المدرس في المدرسة يكمل المنهاج الدراسي بأكمل وجهة
وبالنهاية نهوض الامة يعتمد على نهوض وتطور التعليم والتدريس
ف نهوض العراق اقتصاديا واجتماعيا وسياسيا وعلميا وثقافيا يكون بتطور التعليم
ف ارجو منكم نشر هاي الفكرة بين جميع طلاب العراق وبعد الامتحانات نتظاهر من اجل تغير التعليم الفاشل واستبداله بتعليم جيد
(راح تواجهون كثير من الصعاب اذا اقمنا هاي الفكرة لان كثير من الاحزاب السياسية لها يد في تلطيخ التعليم وجعله فاشل حتى لايصبح للطالب تفكير نقدي ليرى الواقع الاحزاب البائدة التي تنهب ثروات البلد جميعها)
اذا عندكم ملاحظات حول مطالب كولوا بلكي نستفاد
ارجوا منكم نشر الفكرة وليس نشر الحساب لا احتاج الي اي شي احتاج فقط وعي وادراك بمخاطر مايفعلونه الاحزاب بنا
والسلام عليكم ورحمة الله وبركاته
-رضا أو تنجر أو طانجيرو او خويدم الحجة
كلامي راح يكون فقط على المنصة الملعونة الاردنية (ابواب)
منصة ماعرف منين ابدي كومة سوالفها الزفت كومة
بالبداية كأي انسان طبيعي تشوف كومة اعلانات كوممههه ف تضطر تحمل هلبرنامج وتسجل برقمك
انت من سجلت راح يسوون اغث سالفة وهي المكالمات الي تجيك كلساع
ويسألونك عن تفاصيل الدورات وهواي امور انت مو بحاجتها ويحرجوك بالمكالمة هاي السالفة غثيثه
طبعا غير منصتهم الزفت التعبانه الفارغة
ويضلون يلحبونك حلب مثل البقرة كلساع يسوون تخفضيات حتى ياخذون أكبر عدد من الطلاب وفلوسهم
وطبعا غير انهم متعاقدين ويه مخبل المرشحات الاب الروحي لهاي السوالف واستغلال الطلاب (نيمار ابن الانبار)
المشكلة كل المدرسين مثل حيدر عبدالائمة، حسين محمد، علي السوداني الخ...
كلهم يكولون يابه احنا ضد المرشحات ورا شوية ينزلون منشور مرشحات نيمار ابن الانبار حملوهها للملف
هاذ تناقض بحد ذاته واستغلال للطالب
سابقا المدرسين جانوا زينين الي ذكرتهم بس خربوا هسه كلهم
وايضا منصة مرماز الي دمرتني بكلساع مسوية اعلانات بالشارع وبالمواقع
وتارستها اعلانات ومخلين السادس معضله حتى الكل تسجل يمهم
بسبب اعلاناتهم
بالنهاية هاي كلها توكع براس الطالب المكرود بسببهم هم وبسبب الجشع والطمع الي عندهم وهم اكو الاف المنصات والاف السوالف الخايسة الي يسوها
اعتذر على الاخطاء الاملائية بس مستعجل اريد اكمل قراية
This post contains content not supported on old Reddit. Click here to view the full post