u/unlabeled-human

اولاً ضفت فلير ( 🌱 Growth Journey | رحلة التطور) للناس اللي تحب الرياضة والتغيير المستمر، و الناس اللي تحاول تغير من نمط حياتها سوا أكل أو تغير جسدي أو نفسي أو عادات....

لعل وعسى يكون تشجيع وتحفيز للكل

خصوصا شفت اكثر من منشور ( اولهم أنا نحب نشارك ونبي نشارك ) فا قلت لازم ما ندير فلير خاص بيهم فا خديت الاسم هذه مناسب😅

صح ان الصب مفيش تفاعلات هلبا لان ممكن فيه فئة من الناس تعودت ع دوشة منصات التانية ومش جوها

والحق مش هدفي ان يكثر مناشير او الابفوتز ( لايكات) وان قداش عضو مشترك

​

لان ريديت يختلف ع منصات تانية ( للناس الجديدة حاولو تفهمو منصة تشوفها مملة بس هي لا غر انتو ادمنتو الفوضي منغير ما تحسو)

المهم اي حد يحب يشارك إنجاز، تقدم ، تغيير ، جدول للعادات او اي شي ليه علاقة برياضة ،أسئلة متعلقة بيها ...

استخدمو فلير هذا باش يكون اسهل للناس الجديدة ان تخشله وتشوف مناشير.

​

و أخر شي ارحمونا من مناشير cliche مبتذلة فقدت الشغف اني نمسح

​

و سؤال

​

To people who transformed their bodies

​

What changed in ur mind after the transformation that nobody talks about?

​

​

What's changed about u in the last few years that nobody seems to notice?

اللي يبيها بالعربي

الترجمة تحت ⬇️ منبيش نتعبكم تمشو ترجموها 😅

شن أكثر حاجة تغيرت فيك خلال اخر سنوات ومحدش لاحظها؟

السلام عليكم

وصلتنا ملاحظات خطيرة جدا بخصوص مستوى الخدمات المقدمة في الصب👩🏻‍💼👩🏻‍💻

(I feel like I'm the CEO of a big company wth 😂)

لذلك قررنا التحرك قبل انهيار التقييم😔وطبعاً اقتراح من احد الاعضاء

شن رأيكم نضيفو فلير خاص بالألغاز؟

أمثلة زي

سودوكو، ألغاز منطقية، تحديات شطرنج، وأي منشورات تخلي الواحد يفكر ومحاولة جماعية لمقاومة تعفن الدماغ الناتج عن التصفح العشوائي

مجرد تغيير جو وفعاليات خفيفة وعادي يسمح بأي لغة كانت.

شن رأيكم؟

ملاحظة:

تقدرو تعطونا رايكم في اي شي ، نقد، اقتراحات، حد مش عاجبه حد حتى المودز ( مش حتقيمونا طبعاً😎) حد زعلان ان مفيش تعصب في الصب والخ....

The floor is yours🌸

وخميسكم لطيف عليكم يارب

ابتداءً من الآن، النشر متاح فقط للأعضاء المعتمدين (Approved Users).

سيتم اختيار الأعضاء المعتمدين بناءً على سلوكهم والتزامهم بالقوانين، وليس بناءً على الطلبات أو الاعتراضات.

أي حساب يساهم في نشر الفوضى أو الإساءة أو إثارة المشاكل لن يحصل على صلاحية النشر، وقد يتعرض للحظر المؤقت أو الدائم بحسب المخالفة.

نهدف إلى إعادة الصب إلى بيئة محترمة ومنظمة، ولن يتم التهاون مع المخالفات خلال هذه الفترة.

​

بسبب تكرار المخالفات وبعض المنشورات والتعليقات غير اللائقة، تقرر إيقاف النشر مؤقتًا ومراجعة التعليقات والمحتوى الموجود داخل الصب.

الهدف من هذا الإجراء هو الحفاظ على بيئة محترمة ومنظمة للجميع.

سيتم إعادة فتح النشر بعد الانتهاء من المراجعة واتخاذ الإجراءات اللازمة.

If you would like, close your eyes for this visualization. Take a moment to ground yourself, place your feet on the floor, sit up a little, relax your hands. Now, take a few deep breaths. Imagine you are at a celebration one year in the future and everyone you care about is there and everyone is celebrating you. Think about what specifically they are celebrating. What have you created in the past year? What challenges have you overcome in order to arrive at this moment? In what ways have you positively contributed to the lives of the people you care about? 

Imagine a colleague you deeply respect comes up to say a few words. What do they share? What do they admire and appreciate about you? What impact have you had on them?

Now imagine a friend or family member comes up. What do they say? What do they admire and appreciate? How have you inspired them? How does it make you feel to imagine this? What are the things people shared that made you smile, that filled you with satisfaction? 

Now ask yourself, what are you most proud of? What motivated you to do those things, even if it sometimes felt hard or uninspiring in the moment? What brought you energy this year? How will you carry that energy into the future? Consider all of the thoughts that just came up for you. Together, they start to point towards your sources of meaning. They are things that will make your learning intentions even more powerful.

Spend as much time as you would like, continuing to reflect.

السلام عليكم لكل الهاديين والهاديات في هذا المجتمع اللطيف

long
time no sources

منشور طويل حبتين استحملو شوي

بنعطيكم شوي من خبرتي المتواضعة من سنوات بحثي
وتجاربي مع منصات العمل الحر ع النت

في الفترة الأخيرة لاحظت إن هلبا (كثير) ناس بدت
تهتم بالعمل الحر خصوصا لمهتمين ومهتمات بمجال هذا وعندهم مهارات يبو يستثمروها

بنحكي ع اول منصتين (عربي) تعرفتهم عليهم في 2017 تقريباً

( في الاكيد فيكم اللي يعرفهم ومرات جربهم ونتمنى ان يشاركونا تجربتهم في
تعليقات )

(خمسات \ مستقل)

المنصتين يعتبروا من أفضل الخيارات لأي شخص يبي
يبدأ يشتغل بمهارته من النت بدون رأس مال كبير (مفيش ميزانية اطلاقاً) أو خبرة طويلة بالبداية

الفكرة هي إنك تقدم خدمة تتقنها، والعميل يطلبها منك مقابل
مبلغ معين. ممكن تكون الخدمة كتابة، تصميم، ترجمة، مونتاج، تفريغ ملفات ، تعليق
صوتي، أو أي مهارة تقدر تقدم فيها قيمة للناس.

اللي عنده في الرسم, في كتابة قصص او ادبيات, شرح مواد ، إقتراح اسماء لشركات او برندات أو اي شي يخطر ع بالك

شن الفرق بين خمسات ومستقل

خمسات مناسب هلبا  للمبتدئين والخدمات السريعة، لأنك تعرض خدمة جاهزة والعميل يشريها طول بعد اتفاق  لذلك هلبا  ناس تبدأ منه لأنه أسهل نسبيًا في الفهم والتعامل.

ملاحظة: في خمسات موقع عربي  فكرة منه اي خدمة تبدا بخمسة دولار لعدد معين, لكمية معينة, صفحات , كلمات والخ فا هذا علاش سموه خمسات

وحاجة تانية انك  تمشي للعروض ( طلباتهم ) وتجي تعلق بخدمة متعك شن المفروض بديره مقابل كم . بتلقى عدد من ناس يعلقو نفس الشي ولازم تكتب باللغة العربية مش لهجتك  وتكون عندك خدمة اللي بتقدمه في بروفايلك واتية باش يقدر العميل يدخل ويحجز ويتواصل معك عن طريقها ويمنع تواصل خارج (نصيحة مني جربت وندمت )

أما منصة مستقل مناسب أكثر للمشاريع الأكبر والتعاملات اللي تحتاج تفاصيل وعروض قوية.

 نفس الشي في خمسات بس بنسبة فرق بسيطة من ناحية التسعير  مرات تبدا الخدمة من 100 دولار ل 500 دولار لان بيكون مشروع كامل ومنافسة عالية شوي فا تبدا تحط عرضك

 ( الحق ماجربتاشي بطريقة كاملة برغم من نفس الشركة )

 من الحاجات الحلوة في العمل الحر إنك تقدر تبدا حتى بإمكانيات بسيطة ومن مكانك، ومع الوقت مهاراتك تتطور من كترة الشغل والتعامل مع ناس ومشاريع مختلفة، وحتى عندك حرية أكثر في الوقت والشغل( يعتمد على نوع الخدمة اللي تقدم فيها)

لكن في نفس الوقت الموضوع شوي مش ساهل

 لأن المنافسة كبيرة والبداية مرات تكون بطيئة يعني تحتاج وقت شوي باش تبرز نفسك في منصتين، وفي عملاء يتعبوك بكترة التعديلات أو التأخير. وفوق هذا الدخل بالبداية مش ثابت، فالموضوع يبيله صبر واستمرارية أكثر وفهم قوانينهم

ومن أكثر الحاجات اللي لاحظتها إن طريقة تعاملك مع العميل تفرق هلبا ، مرات يختارك لأنك فاهمه وترد بطريقة محترمة حتى لو فيه ناس خبرتهم أكثر منك لان يأثر ع تقييم في بروفايلك

وحاول ما تشتتش روحك من البداية زيني انا جربت اي شي منغير ما نحدد الشي اللي نقدر نقدم فيه افضل ما عندي في بداياتي

 ركز على مجال\ مهارة  واحدة تعرفها كويس وطور نفسك فيه، لأن هذا يخلي حسابك أوضح ويعطي انطباع أفضل للعميل واكيد توا مع ذكاء الاصطناعي حيساعدك هلبا في كتابة والخ.

و ماتخشش (لا تدخل ) للعمل الحر وطامع\ة في  فلوس سريعة من أول أسبوع، لأن البداية غالبا تبدا شوي شوي. حاول تتعلم، تطور من خدمتك، وتبني سمعة كويسة مع  الوقت.

وبنسبة للمشكلة الليبين كلها ( بوابة الدفع )

المنصتين عندهم محفظة مالية تلقائية لو معندكش اي بطاقة تربطها في المنصة  الفلوس اللي يجوك من العميل تلقائي يخشو للمنصة ع سبيل المثال خمسات مع اخذ عمولة واحد دولار

وتوا مدايرين تحديث وتطوير في منصتين ان لازم ما تربط بوثيقة شخصية (متخافوش انا بروحي درته ) واشياء تانية تخص قوانينهم

فا عندك باي بال  او فيزا أو ماستر كارد لو تبي تسحب من المنصة , يحقلك تسحب الفلوس بعد  10 دولار,اقل لا ( ع اخر تحديث نعرفه )

ونصيحة ما تتعاملش مع حد خارج المنصة لان بتتعب وبتنندم معهم ومفيش استرجاع حق ليك حتى المنصة قالت الشي هذا

لو فيه اي استفسار \ معلومة  نسيتها انا   تقدرو تسألو

وللقاعدين يقرو سواء ثانوية  او بداية الكلية ,ابدو من توا خش للمنصة خمسات, ابد فيها وشوف نوعية الخدمات يجيك الالهام انك تتعلم مهارة واطورها وتقدمها  افضل من تضييع الوقت في السوشل ميديا والخ ...

 

https://preview.redd.it/9lgl4gg60s0h1.png?width=1323&format=png&auto=webp&s=d5d5ef73111b6f54aeaef3c470b3f139b52cf6c8

https://preview.redd.it/s8xrnmn40s0h1.png?width=1278&format=png&auto=webp&s=815858676a3918b401198f47ca22d9441e77bf29