بمناسبة الواد الاقرع القصير اللي بينزل نفس البوست كل يوم ان البنات مش عايزة تنام معاه
شوفتله كومنت في صب اجنبي بيقول انه نفسه يسلب الستات حقوقها لو في موضع قوة عقابا انهم عايزين يناموا مع غيره وهو لا
بغض النظر انه مستحيل يبقى في موضع قوة طول ما هو سايب الشغل وعمال يتصنط مين بتكلم مين ومين خاربها مع مين وبغض النظر اني بشوف رجالة بمختلف اشكالها واوزانها وكثافة الشعر اللي في راسها بتتجوز عادي جدا
بس الحوار ده خلاني اتسائل الستات طول عمرها مفروض عليها معايير جمال شكلك جسمك كوعك لون اعضائك شعرك لون بشرتك كل الميديا بتتفنن في انها تكره نفسها وتحسسها انها قبيحة ومش كفاية ودايما لازم تبقى مثالي عشان تعجب عمري ما شوفت ست عايزة تنتقم من الرجالة عشان فارضة المعايير دي او بتتخيل نفسها بتأذيهم عشان كرهوها في نفسها
لحد 15 سنة تقريبا كان الاقرع والاكتع بيتجوز والستات بتبقى تحت رجله دلوقتي الرجالة لأول مرة بتحس باللي الستات حاسة بيه من مئات السنين (معايير الجمال) وردود فعلهم فيها سعار
ايه التفسير العلمي للاختلاف الشديد في ردات الفعل ده؟ وليه الرجالة بتصب غضبها وغلها في الستات اللي هم ضحايا للنظام الابوي زيهم زي الرجالة واكتر بمراحل
لو حد يقدر يرشحلي مقالات بتتكلم في الموضوع ده اكون شاكرة