محتاجة حل ضروري
مرحبًا ياريت تسمعوني للاخير وتنطوني آراكم ونصائحكم لان كلش ضايعة ومااعرف وين اروح والمن احچي وماعندي صديقات ولا احد من الاهل لو الاقارب اثق بي وجات جبتي مجرد روبوت ماراح يفهمني جربت هواي افضفضله واحجيله بس حلوله سخيفة كلش وماتساعد مو مثل لمن احجي لواحد من البشر .
اني بنية عمري ٢٠ سنة ومشكلتي الوحيدة هيه الفلوس والمصرف من اني وصغيره اعاني من هاي السالفة ومن نظرات ومعايرة الناس إلي بسبب كمية الفگر والكبت الي عايشة بيها ، واهلي ناس متمكنين وماينطوني يعني بخله ويستكثرون الفلس عليه وفوك كل هذا اتوسل بيهم توسل حتى يخلوني بس اشتغل مايقبلون ومدالگه شغل الكتروني بحكم اني ماعندي خبره بإي شي .
المهم صار فترة وصلت حدها ومااكدر اتحملهم ولا اتحمل بخلهم وتعاركت وياهم واني سادس دور ثاني كتلهم ماراح امتحن وحتى السنة الجاية ماراح اقدم وكتلهم راح اترك الدراسة وبعد مستحيل ارجع حتى بس اعاندهم ، اعرف الي سويته غلط بس ماكو اي اي حل بإيدي والدراسة همه السبب الي عقدوني وكرهوني بيها لدرجة صارلي ثلاث سنين مداكدر حتى انجح لان نفسيتي كلش تعبانة وتفكيري مشتت والف شغله برأسي هذا عدى كمية الامراض النفسية الي عندي بسبب حبسه البيت الوكت كله مگابله بس اربع حيطان وكاعده وماعندي صديقات واستحي اكون صداقات لان ادري حيعايروني ويقللون مني بسبب وضعي وصايرلي هالشي من قبل ف علمود هيج قررت ابتعد عن البنات والناس لان مااريد احد يباوعلي بنظرة استنقاص وحتى اكسي جان يستنقص مني ومن وضعي ويضحك عليه وهالشي كلش آذاني وليهسه حچيه برأسي وماناسية ولا حرف من الي گاله الي.
فإريد بس اعرف الحل شنو؟ ووين اروح والمن؟ وشنو اسوي وشلون تعبت كلش حياتي ابد مو بإبيدي ولا شي بإختياري ، وحالياً أكثر شي افكر بي هو لو انهزم للشمال لو انهي حياتي لان مااكدر اتحمل هيج عيشة وهيج حياة مااكدر ابقى باقي عمري هيج