وهل سعر 40 كويس؟
وهل سعر 40 كويس؟
بص فوق يا أسد
وهل سعر 40 مناسب؟
ايه النصائح أو الحاجات الي كان نفسكم حد يقولها ليكم وانتوا داخلين؟ حاجات جينيرال مش دراسة وكده
من باب زكاة العلم نشره.
أسأل عن اي حاجة عطلان فيها وتخص ٣ث وخصوصا علمي رياضة.
أنا دفعة ٢٦ وبمجموع 95.8%.
حاولت اكتبه في الـBody بس مش راضي.
شوفوا أول كومنت 🥰❤️
البوست طويل شوية اه بس إن شاء الله يفرحكم.
كنت ٣ث علمي رياضة، حصلي أكتر من ظرف وكشفت نفسية عصبية، واتشخصت بـGeneralised anxiety disorder (GAD)، اضطراب قلق عام.
قبل التشخيص وصلت لمرحلة صعبة وبعيش اسوء ايام حياتي، تفكير كتير ونوبات قلق وضيق تنفس وصداع ونوم كتير ومرهق ومتعصب علطول وافكار انتحارية وأذي نفسي والي حواليا وفكرت أكتر من مرة وكنت هاخد خطوة بالفعل ولكن عند آخر لحظة وقفت.
الحل السحري...
الشيخ بتاعي كلمني وهو معالج نفسي. اتكلمنا شوية ونصحني كتير اروح دكتور، بالفعل اقنعني وروحت دكتور.
شخصني وكتبلي اكتر من دواء ومحطش في حسابه إني ٣ث ومحتاج اذاكر.
أول يوم دواء كان وقتها صيام ورمضان ومن شدة التعب فطرت، كلمت واحدة تقربلي وهي صيدلة كلينك، عدلت الجرعات وشالت ادوية والزمتني بدواء واحد نص قرص في اليوم.
حالتي بدأت تتحسن وفي خلال ١٠ أيام بدأت اذاكر تاني.
يظهر المشكلة الكبرى، ناسي كل الي فات وشوية على المراجعات والمدرسين بيجروا ومراكم كمية كبيرة جدا من المحاضرات غير الإنجلش الي كنت معرفش الستوري ومش مذاكرها وضعيف فيه ومش مثبت مدرس وحاجات تانية كتير.
شديت شوية ولميت المتراكم، اخدت قرار متهور قبل الامتحانات بشهر ونص، وقفت كل الدروس وقولت كفاية مدرسين، انا هشتغل بدماغي وانا عارف نفسي.
جبت الكتب الي محتاجها واشتغلت مع نفسي بجدية تامة.
دخلت الامتحانات.
لجنة ورا التانية وكل لجنة تكون اصعب من الي قبلها.
لجنة الكيمياء. بدأت اقلق وبدأت تبدأ النوبة الي كانت بتجيلي، خصوصا اني مش بغش الحمد لله وشايف الي قدامي بيبدلوا ورقهم بعيني، شايف تعبي كله وبهدلتي العيال بتبدلها بكل بساطة، اللجنة ٣ ساعات منهم ساعة ونص الكهرباء قاطعة.
اخدت نفس وهديت نفسي بسرعة وقدرت أكمل.
لحد ما خلصت الامتحاناات، حاسب لنفسي هجيب بظبط 97.5% والي هي 312.
هوب النتيجة ظهرت والحمد لله 306.5 ولو عملت تظلم هيرجعلي كل الدرجات، مفتوح ليا كل الكليات حتى بترول وبفرق درجات كبير جدا، بترول فرق 4 درجات ونص. هندسة بفرق 30 درجة، حوالي 9.5%.
كلمتني الأكاديمية البحرية تديني منحة كاملة، اليابانية، الفرنسية، زويل، الألمانية المصرية، الألمانية الدوية، السلام، وجامعات كتير.
الفنية العسكرية كلموني، وبعتولي SMS.
سنة خير وسافرت أماكن عمر ما كان يخطر في بالي اسافرلها، انا لحد دلوقتي صيفت ٣ مرات باين ولا ٤ 😂.
وكفاية فرحة الي حواليا.
أنا جاي اشارك فرحتي وافرحكم معايا، زي ما كنت مكتئب معاكم.