u/wwlmm

أريد منكم أأمن خيار للتفتيح
يعني يا خلطات يا عيادات او ابر تفتيح مع الوريد
وش تحسون خيار نتايج تدوم وما ترجع التصبغات
محتااااجة

مدري اذا هي وصاية بس يا جماعة أختي ترهقني نفسيًا وجدًا فوضوية احنا بغرفة وحدة وكل مرة اعصب عليها وما تسمع كلامي وماعندها مسؤولية وتصرف فلوسها على غير سنع وتضيع وقتها ممكن تشوفونها أمور خاصة فيها بس هالأمور تمسني بشكل شخصي
يعني الحين احنا بفترة اللي نحاول ندير الفلوس بشكل صح لاننا نجهز لعرسها فجأة القاها طالبة عطر بمبلغ كبير مب معروف ولا براند ولا شيء بس فلانة مدري من قالت حلو والعطر مو شيء ينشرى اونلاين

مسجلة صيفي وحرفيا كلاساتها تروح عليها اضطر اقعد اقومها اذا كنت واعية عشان تقوم وما تصحى من أول مرة

خطيبها عليه بعض المواقف اللي اقولها لا قولي رايك الصدقي لا تخلينه يفرض شيء ما تبينه لأن حرفيا ما يتكلمون عن مواضيع مهمة لأن هو حاليًا مب متوظف طلع وببيت اهله للحين ما هيأ قسم لهم ويبا يسوي العرس بأسرع وقت وأنا اقولها لازم يتوظف عشان تسوون العرس تقولي خذوهم فقراء يغنيهم الله غير عن انها مثلا اذا بتصور له شيء تقعد ساعة تغثنا يعني نكون نمشي بمكان عام فجاة هي بعدها في المكان تصور
طلعنا كوفي تقهوينا خلصنا طلعنا بعدها تصور
طبعا هذا كوم واذا جت تصور نفسها له كوم ثاني تقعد متنكدة ومهمومة واحنا نقول لها مرتبة الخ اخر مرة بالعيد كلنا متجمعين حرفيا هي مختفية طول العيد تتصور وشافت ان ولا صورة ضبطت واهلنا يقولون وين فلانة لهالدرجة تقهرني كيف انها تضيع وقتها بهالتردد اقول لها عيد تقول كل يوم اشوفهم

طبعًا هذا غير انها شخصية مترددة مليون بالمية احنا نروح نتسوق للعيد بالكثير مرتين وخلاص هي تروح خمس مرات ترجع القطعة الخ
واذا بنزور احد اخر وحدة تخلص وتعفس كل شيء وراها

ادري بتقولون وش هالهموم بس تراها تأثر على علاقتي فيها صدق

يعني مبدىيًا بطردها من غرفتي لغرفة ثانية

احنا خمس خوات هي الوحيدة اللي كذا وهذا ما يعني ان باقي خواتي ما فيهم هالتصرفات بس احنا كلنا نبا نشوف حل للوضع اللي هي فيه لأنه مرهق

صرت أتمنى تتزوج وتروح

ما أدري متى آخر قابلت ناس وتكلمنا بمواضيع حلوة مضحكة مفيدة الخ
الاغلب صارت سوالفهم مستنسخة وغالبا ما تكون من الفوريو بيج حق التيك توك والمشهورة هذي وهذيك والمنتج هذا بجربه وكماليات وسطحيات غير ان نص سوالفهم ريكشنات احس صار عندي تلوث سمعي من جملة العفوية تتصل بكه وغيرها من الريكشنات الزق هذي افتقدت الحوار الحقيقي!

يا جماعة صار لي سنة وشي متخرجة ومب لاقية وظيفة خاصة اني من العين واذا لقيت الراتب ٧/٦ ويا نافس بس انا ما اسوق يعني بتروح مع السواقة
ومو عارفة وين فعلا نقدم هل العلاقات فعلا سبب ولا المواقع
ولا الجأ للتقديم اليدوي ؟

شوروا علي

ليش يوم نكبر ونصير بعمر ٢٣/٢٥ خلاص ما ينفع نعيش مع ألهلنا لان التصادمات تزيد ما تنقص والراحة تماد تكون معدومة خاصة البنات

من زمان عن مسلسلات المواسم الطويلة
المهم رسيت على خيارين
Mad men ولا Suits
بسررررررعة

يا جماعة مشكلتي إن أمي صارت متعبة متعبة حيل بالتعامل مدري هو مع الكبر او لا
وصرت اذا صلحت لها شيء تعصب يعني مثلا احيانا بجمعة تسأل اسئلة ما تعنيها بعد الجمعة اقول لها ما يصير يمه وكذا
غير عن التصرفات بعض الاشياء اقول لا ما ينفع تاخذينها او كذا

واذا رحنا مكان ما ادري ما تحب تكون مرتبة او نعلق عليها رغم انها صغيرة بس تحب تتصرف كانها من الكبار وهي مب حول الكبر ابد
هو احنا نبا مصلحتها ونوجهها
وانا صرت من فترة مخليتها على راحتها لأن اهلنا بالنهاية يوم حد يوجههم يحسون إن ما هم على ماكانوا عليه من سلطة ونحسسهم اننا نعرف الصح اكثر منهم وانا ما اريد احسس امي بهالشعور في نفس الوقت ما اريدها تكون ضحية لتهكمات المجتمع ف أنا بين نارين صدق ما اعرف وش اسوي او كيف اتصرف

يعني واحنا صغار نشوف كلام اهلنا وتصرفاتهم هي صح وهم القدوة بس
مع الكبر والاختلاط مع المجتمع نميز بالاشياء اللي تنفع تصير واللي ما تنفع تصير ونحاول ندخل بداومة التصحيح

يعني بصراحة ما اريد امي تكون من الحريم اللي يقطون الكلام والناس تعذرهم بحكم عمرها

مع ان أمي مب كبيرة نص الاربعين

وش الحل تحسون ؟