Bittersweet feelings: Leaving Karachi for the capital in a few months
bhai 22 saal guzar diye yehan pe.. jab aye thy, tb most developed / bustling city of Pakistan tha early 2000s me.
Saalon guzar gaye, shadi hogai, bachey hogaye, zindagi agay barhti jarahi hai but ye shehar reverse me chalra hai.
Sab rishtedar yehan hai, bachpan yehan hai, school university, friends, greatest food in the world... sab yehan hai... bhai, despite the absolute carnage of this city and its infrastructure, nai dil maanta chorne ka.
bhai dil bohat khraab hota hai. apne hi bacho ko apni identity, legacy, traditions nahi dikha sakuga. Eid pe Karachi Ice-cream jaana, Ramzan me Boat basin pe Sehri krna, Javed aur Zahid ki Nihaari, Burns road k bun kabab, Kolachi Do dar ki vibe, Safari Park aur wahan ke animals, Sindbad k jhooly.. Sea View / Clifton beach ka Chaos..
Lekin yar apne bacho ka future kese qurbaan krdun? me nahi chahta wo es tabah shehr me apna bachpan guzaaren. Bahar niklen to dar dar ke. Unsafe schools.. Nai chahta k wo gutter k dhakan, khadey aur tooti roads ko hi reality of life samjhen. kese btaunga unko k aik time tha jb ye bohat acha hua krta tha?... nahi chahta k wo Tankers se paani, solar se bijli aur Cylinder ki gas ko hi zindagi ka dastoor samjhen..
kya karun majboori hai. Ye shehar khatam ho chuka ab.
agar akela hota to 100 saal bhi yehan reh leta but masoom bachon ka to koi kasoor nahi hai jo unpey ye musallat karu
Ya Allah garak krde es shehar k hukmaraano ko