u/zevol_9

هاذ فيد عن واحد طالع الاول و محول لطب الاسنان
اشوف بلتعليقات واحد يكول دارس مقررات المرحله الاولى ! عود صدك شو احس تقشمرت🤡

بلنجف عدنا بس 3 جامعات حكوميه و وحده تعتبر ربع جامعه لان بيها بس طب و صيدله و علوم طبيه و الثانيه نص جامعه لان هم مو جامعه اساسيه (تقنيه)
جامعه الكوفه الي بيها التخصصات الاساسيه اغلبها مو كلها طبعاً 🤓 و الجامعه التقنيه الي بيها الاقسام التقنيه
و الجامعات الاهليه فد 5 و كلهن نفس التخصصات يعني طب و صيدله و طب اسنان و حرفياً بقيه التخصصات نفسها
جامعه الكفيل ، الامام الصادق ، الاسلاميه ، جامعه الشيخ الطوسي هاذي المجموعه كلهن حرفياً نفس الاقسام نسخ لصق بس عدنا الكفيل ياخذون دبل الاجور
و عدنا جامعه جديده اسمها قرطبه تقريباً على الحدود و هم نفس الاقسام بلضبط
يعني اذا تريد هندسه مدني و ما قبلتك جامعه الكوفه لازم تغير محافظتك لان 5 جامعات اهليه و 3 جامعات حكوميه محد بيهن يفتح هندسه مدني كلهن لازم ينفتح بيهن طب و صيدله
مجاي افتهم شنو الهدف من 5 جامعات اهليه كلهن يقدمن نفس الاقسام بنفس الاجور و بنفس المحافظه و المحافظه اغلب الاقسام الجديده مابيها مثلاً هندسه الذكاء الاصطناعي ما موجود بجامعه الكوفه ولا بل اهليات ، المفروض فكره الجامعه الاهليه توفر تخصصات ما موجوده بلجامعه الحكوميه او بجامعه اهليه ثانيه علمود الطالب م يحتاج يروح محافظات 🧏🏻‍♀️