Batangas Provincial Sports Complex
Hindi ko talaga maintindihan kung bakit ga parang hirap na hirap ipagamit sa publiko ang sports complex lalo na ang oval diyan. Tax ng mga mamamayan ang ginamit para maitayo ang pasilidad na 'yan, pero bakit parang tayo pa ang nakikiusap at nakikigamit sa private property? Binuksan nang saglit, tapos isinara ulit. Ano ga ang silbi ng pampublikong pasilidad kung are ay hindi naman magagamit ng publiko?
Kung may mga patakaran para sa seguridad at kaayusan, naiintindihan naman 'yan. Pero sana, malinaw kung bakit hindi puwedeng gamitin ang oval at ngayon pinagbawalan na din daw sa baba para sa jogging. Hindi naman makatarungan na gumastos ang gobyerno ng pera ng taumbayan para sa isang pasilidad na hindi rin naman mapakinabangan ng mga mamamayan.
Pampublikong pasilidad 'yan, hindi pribadong pag-aari ng mga opisyal o personnel na nakatalaga roon. Kung may dahilan para isara, ipaliwanag nang maayos sa publiko. Kung may mga kondisyon sa paggamit, ilahad ang mga patakaran. Ang hinihingi lang naman ng mga mamamayan ay malinaw na paliwanag at pagkakataong magamit ang pasilidad na pinondohan din ng kanilang buwis.
