When Serving God Becomes Difficult Because of People
Naa koy pangutana: Pagsulay pa ba ni, o panahon na ba nga mohawa ko?
Naa koy ministry nga akong gihigugma. Ganahan ko kaayo mo-alagad ug dili gyud nako gusto nga biyaan dayon tungod lang sa mga problema.
Pero sa paglabay sa panahon, nakasinati ko og mga butang nga nakapakapoy ug nakapasakit nako.
Kada adlaw murag naay istorya bahin namo bisan wala man mi’y gibuhat nga daotan. Naay gossip, misunderstanding, ug mga sulti nga usahay dili na nako mahibaw-an kung asa gikan. Mas lisod pa kay ang uban nga leaders sa ministry murag pabor sa pikas side, mao nga usahay mobati ko nga dili patas ang situation.
Nakaabot ko sa punto nga nangutana ko sa akong kaugalingon:
“Lord, kinahanglan pa ba nako ni antuson?”
“Pagsulay pa ba ni nga kinahanglan nako labyan?”
“O basin panahon na nga undangan na nako?”
Kay tinuod lang, kapoy gyud nga sige kag buhat og maayo pero lain gihapon ang istorya sa mga tawo bahin nimo.
Pero akong nasabtan sa akong pagpamalandong mao nga dili tanan nga lisod kinahanglan dayon biyaan, ug dili pud tanan nga kinahanglan antuson kinahanglan antuson hangtod sa hangtod.
Kung tinuod nga ganahan ko sa akong ministry ug ang akong tumong mao ang pag-alagad sa Ginoo, dili nako gusto nga ang gossip ug jealousy sa uban maoy magbuot kung kanus-a ko mohunong.
Dili nako kontrolado ang ilang isulti.
Dili nako kontrolado kung kinsa ilang tuohan.
Dili nako kontrolado kung kinsa ilang paboran.
Pero kontrolado nako kung unsaon nako pagtubag.
Mao nga akong gipili nga dili motubag sa gossip og gossip. Dili ko gusto nga ang ilang gibuhat mahimong rason nga mausab pud akong batasan. Kung limpyo akong konsensya, padayon ko sa pagbuhat og maayo.
Pero nakat-on pud ko nga ang pag-forgive dili pasabot nga kinahanglan ko nga walay boundaries. Pwede gihapon ko mahimong respectful ug loving samtang nag-protect sa akong peace. Pwede ko mangayo og advice sa usa ka trusted ug mature nga leader. Ug kung moabot ang panahon nga kinahanglan nako usbon ang akong role o mohawa, gusto nako nga ang desisyon gikan sa prayer, wisdom, ug peace—not from anger or revenge.
Sa katapusan, mao ni akong gipanghawiran:
Dili ko mag-alagad para sa approval sa mga tawo. Mag-alagad ko tungod kay gusto nako nga mahimong faithful sa Ginoo.
Ang mga tawo mahimong adunay ilang kaugalingong version sa storya, pero ang Ginoo nakahibalo sa tibuok kamatuoran.
Basin kini usa ka pagsulay.
Basin usa kini ka lesson sa patience ug boundaries.
Basin basin pud kini usa ka season nga kinahanglan nakong tun-an kung asa gyud ko dapat magpabilin.
Wala pa nako ang tanang tubag.
Pero sa karon, akong pilion nga dili magpadala sa gossip, dili manimalos, dili mangdaot, ug dili dayon mohunong tungod lang sa kasakit.
Magpadayon ko sa akong calling samtang mangayo ko og wisdom sa Ginoo.
Kay usahay, ang pinakadakong test sa atong faith dili kung unsa ka maayo ta mo-alagad kung tanan mosuporta nato—kundili kung makapadayon ba ta sa pagbuhat og maayo bisan dili ta masabtan. 🙏
Unsa inyong advice? Kung naa mo sa akong situation, mopadayon ba mo sa ministry, magbutang og boundaries, o panahon na ba nga mohawa?