r/YU_university

يعطيكم العافية يا جماعة شو رأيكم بفكرة انه نلتقي

و اذا اه وين حابين نلتقي

رح احاول احكي اليوم عن كلية الطب عنا و ان شاء الله اني اقدر اغطي كل اشي بتحتاجوه كطلاب سنة اولى

اول اشي خطة الطب عنا في الجامعة قاعدة بتصير من احسن لأحسن و كل مرة بيعملو عليها تعديلات جديدة و انا شايفها صراحه كويسة حتى هي احسن من الخطه الي درسنا عليها عميد كليتنا دكتور حسن البلص من احسن الدكاترة في الكلية علما و تعاملا و اخلاقا و انا متأمل فيه خير يطور الكلية اكثر و اكثر

كطالب سنة اولى انت دوامك رح يكون محصور بين مبنى ال ph , الخوارزمي و ممكن كلية العلوم و الآثار ما بينزلك ولا مادة تخصص الفصل الأول الا اذا انت حاب تطلع فوق بباصات الجامعة على الكلية تشوفها او انسى لأنك رح تزهقها 😂😂

الفصل الثاني بيبدأ ينزللكم ثلاث مواد التخصص هما الفسيولجي (علم و ظائف الاعضاء) صراحه دكتور المادة مش ولا بد فحاولو تلاقوا مصادر خارجية زي Ninja nerd سريع و سهل

هستولوجي (علم الانسجة ) هو امتحانين واحد رح تزبط فيه واحد رح يجي صعب شوي بس عليك بأسئلة السنوات و المواقع و لاتخافوا الاسئلة مجمعه لست سبع دفع

الامبريو (علم الاجنة ) مادة سهله و حلوه بدها شوية تركيز دكاترتها كويسين

الفصل الصيفي بينزل عندك مادة البيوكم (الكيمياء الحيوية ) مادة برضو سهله و دكتورها متعاون

بالطب عنا النظام المئوي العلامة و المعدل من مية و كل سنة الها نسبة من معدلك من سنة اولى لخامسة كل سنة بتوخذ 15% من المعدل و سنة سادسة بتوخذ 25% من المعدل

اهم اشي بخصوص الامتحانات اعطي المادة حقها و شوف اسئلة السنوات عليها لأنه بالعادة عنا الدكاترة بيكرروا افكار اسئلة السنوات او حتى نفسها

هسا الحضور و الغياب بمواد التخصص ما في حضور و غياب و لو اخذه فشكليا و ممكن الدكتور يدقق منهم على الخضور الغياب اسبوع و بزهق ما حدا بكليتنا عمره انحرم على موضوع الحضور والغياب

مواد كلية العلوم لا بدك تلتزم لأنه ما شاء الله كلية العلوم سمعتها مسمعه بكل الجامعه

موضوع المواصلات

المواصلات من عمان المفرق جرش عجلون مأمنه للجامعة او لمجمع عمان و منها بتطلع بسرفيس الحي الجنوبي على الجامعة

ان شاء الله ما اكون نسيت اشي و اذا حدا عنده سؤال انا جاهز