u/Aromatic_Run8640

المهم فش حد من الاقتصاد هون؟

جارنا يمكن عمرو 70 سنة كل يوم بشوفو قاعد لحالو علبلكونة وبدخن يعني بلكونتهم مطله علينا ف بضل اشوفو بشكل بديهي يومياً قاعد لحالو وبدخن وبشرب قهوه وبسمع فيروز ما عمري خطر ببالي اروح اقعد معو
ف قبل شوي حبيت اقعد معو ناديت عليه "عم ابو محمددددددددد" ف سمعني وقال "يهلا تفضلللللل زيد"و زيد صدق وتفضل
المهم بعد ما رحت ندمت اني ما بروح عليه من زمان صدّقا الأبتسامة ما فارقت وجهو حسيتو موقف بسيط بس كثير معبر يعني بشي بسبط بتدخل الفرح على قلب اي شخص لو زياره لمده نص ساعه
المهم واستفدت برضو من الزيارة لانو خطاط كان زمان واقترح علي يعلمني الخط العربي وزيد صدق وقال تم وضل يوريني اعمالو وصراحه اشي بجنن بكره بس ابلش معو بصورلكو خطو وخطي الان وخطي بعد شهرين من الان وبس شكرا لحسن استماعكم

ريدت عندي من زمان لكن من شهرين او ثلاث بلشت استخدمو
صراحة اغلبكم بهذا الصب ناس مرتبين بحبكم كلكم الا يلي انتقدت الفطر يلي زرعتو