r/qatif

هل دي ال📸 تلقط مخالفة مسك الجوال + هل اذا ماتومض يعني خربانة وماتشتغل

بليز قولو خربانة

المصدر : https://vt.tiktok.com/ZSVkwp1et/

التونة الحيوان الوحيد الي مستعد اسوي مظاهرات عشان نوقف نقتله لانه طعمه خايس، يعني انا قطيفي اقوم اكل سمكة في قوطي وش حادني ،

القصه بدت لما قلت التونه الكل يحبها ليش احسها سيئة خل اجربها بعدين احكم عليها وفيها بروتين واجد و تفيدني لدايت الخ ورحت جبت تونه و سبيجاتي وكدا و عبيته بهارات كان يخفف علي صدمتي و مانفع اسوء سبيجاتي اكلتها بحياتي (ما اكلتها) ...

واي واحد يحب التونه انا بس حاب اسألك

What's wrong with you 😕?

ملاحظة : الموضوع فيه من المزح و ذوقي الخاص لا تتحسس ادا تحب التونة يقول المثل : البس الي يعجب الناس وكل الي يعجبك

وانا اقولك البس الي يعجبك وكل الي يعجبك

رطووووبة

بعد ما كان جيكي فراي احسن والذ مطعم بالنسبةِ لي ومستعد اني اتغدى واتعشى عليه يوميا صار اخر خيار عندي للاسف .. الحين اذا اتعشى من اي مطعم ال satisfaction اقل بواجد من لمى كنت اكل من جيكي فراي فيه احد زيي؟

بعد ٥ ساعات حصدت على هالحلوتين

السلام عليكم

عندي موضوع جدا مهم ورح احاول اطرحة بأفضل طريقة قدراتي تسمح لي

دايم نسمع : أنت مو رجال، انت ذكر، الرجال يسوي كدا، الرجال ما يسوي كدا، لو انت رجال سويت كدا، راحو الرجال الخ

و موضوعي هنا مارح ينصح او يحاول يقلل من انه الناس تستخدم هل كلمات ضد الرجال لانه هل شيء مارح يصير ولا ثقافة العالم كلة رح تصلح او توقف هل شي ...

انا هنا جاي اتكلم مباشرة الى الشخص المتضرر "الرجال"

الكلمات هذي دايماَ تستخدم عشان تستغل مشاعرك و تشكلك و تغيرك بغض النظر تغير ايجابي او سلبي (التغير الإيجابي هو سلبي) الموضوع يبدا بـ انه الشخص يبدا يقلل منك ومن رجولتك و يجردك منها ومن تبدا تتاثر وتحس بالنقص هنا انت جاهز عشان يبدا يحاول يلبسك اللباس الي يناسبه لو انك رجال تعطيني كدا لو انت رجال تسوي لي كدا ويبدا يحاول يستغلك و يتلاعب في شخصيتك و تصرفاتك عن طريقة انه يحط قيمة لـ نظرتة لك كـ رجال وانت هنا تدخل في دوامه توكسك تحاول تقنع هل شخص او الأشخاص انك رجال وهنا تكون انت ضحية ابتزاز و تلاعب واستغلال وبدون ماتحس يتكون داخلك خوف انك تخسر هذا اللقب "رجال" ويبدا هذا الشخص بأبتزازك بس تغلط ترا بتصير مو رجال انتبه اشتري لي سوي لي كدا كدا كدا ولا هاه ترا بتصير مو رجال

ونبدا هنا ندخل في دوامة طويلة من التخلف حتى خارج العلاقات الشخصية وتبدا دوامة الرجولة في اصغر صغيرة حتى وانت بالحمام تنظف جسمك، تحط كريم ريحتك ورد مو رجال انت ؟ كوعك مشهب كانه ظهر تمساح تحط كريم مرطب ؟ مو رجال تحلق جسمك مو رجال !، شفايفك مشققه وسودا لا ماترطبها رجال انت!

وكل من طلع من البيضة يصير أوتوماتك يجي و يشكلك و يبتزك بهل كلمة وتبدا تخاف و تتصرف على غير الي نفسك تسويه وتصير دميه الى فلان و علتان و تخاف تسوي شي مختلف او عاجبك لانه ممكن يقولو مو رجال !

نسختي المفضله الشخصية من الرجولة : اني اقدر اتصرف زي ما ابغا وارتاح له ان كان دينيا او اخلاقياً و امشي حسب الي انا بنفسي قررت انه مناسب لي انا شخصياً اتكلم بحرية ان كان محرج او غير مقبول بالنسبه للكثير "ضد الرجولة" كل الي احتاج اقولة لنفسي دايم انه انا الرجال الي احتاج و ابغا أكون

الي حاب يكتب نسخته المفضله من الرجولة يتفضل او يشارك راي

ملاحظة مهمة 🔴 : تم تجاهل مين يقول هل كلام عمداً حيث انه البوست غير مهتم بتات البته بالشخص الي يقول البوست مهتم بالشخص الي يتوجه له الكلام رغم انه متعلق "بالرجل" لكن اغلب الكلام ينطبق على "البنت" لكن مارح اتكلم عن معاناة انا ماعشتها

شكرا 🫡

(Orginal content, AI generated photo)

ولا حتى زمرورة