r/sudanesedoctorslife

كنت زول بحب الحياة شديد، ما بحب القعدة في البيت، أغلب يومي بقضيو برة، أتحرك وأمشي وأجي من غير ما أفكر كتير في نظرة الناس لي أو رأيهم في تصرفاتي.

لكن ما عارف الحصل شنو، اتغيرت بصورة كبيرة لدرجة إني بقيت أعاني من رهاب اجتماعي حرفياً معطل حياتي.

هسي مجرد فكرة إني أطلع من البيت وأمشي البقالة ممكن تخليني أعرق وأحس بي هبوط.

الغريب في الموضوع والما قادر أفهمو إنو الخوف دا بكون قبل ما أطلع بس. يعني لو اتفرض علي أطلع بطلع، وبعد ما أصل المكان بتعامل بصورة طبيعية جداً، كأنو ما حصل أي حاجة، ولا كأنو قبل شوية كنت في حالة خوف شديد.

لكن في حاجة تانية لاحظتها، لمن أكون في مكان ضيق وفيهو ناس، بحس بضيق في النفس وبجيّني إحساس إنو عيون الناس كلها علي، وإنهم مركزين معاي، رغم إني بعرف منطقياً إنو كل زول غالباً مشغول بنفسه.

الموضوع محيرني

ما عارف هل الحاصل دا رهاب اجتماعي ولا قلق استباقي ولا نوبات هلع، لكن العارفو إنو الموضوع بقى مرهق ومعطل حياتي بصورة كبيرة.

عاوز حل لمشكلتي دي لانو تعبت والله.

انا تعبت ومرات اتمنى امو/ت وارتاح من العذاب النفسي دا! عندي وسواس قهري حاد وصل مراحل جدا صعبه في اخر ٦ سنين بعد الكورونا ! تعقيم مستمر وخوف من لمس الاشياء بحس بتلوث فيها وبقى ماثر في حياتي بسكل ملحوظ اغلب وقتي في ممارسة الطقس القهري !! الوسواس بد معايه ونا طفله وحاليا ٣٠ سنه وتعبت جدا انعزلت عن اهلي وعايشه براي .. وسواسي مش خوف من التلوث نفسو بل باي شي اهلي مسكوه ولمسوه !!! بقرف من اهلي وخصوصا لمن ينطقو حروف معينه!! بحتاج اهرب واعقم نفسي الموضوع بقى ماثر في الاسره كامله مابعرفو يتكلمو كويس خوفا انهم ياذوني بنطق الحروف دي !! ونا تعبت على تعبهم دا فقررت اني انعزل تماما وابعد عنهم .. غصبا عني حسبي الله ونعم الوكيل انا فعلا تعبانه جدا ومحتاجه مساعده بعد الله فعلت بالاسباب ولجات للطب النفسي واخدت ادويه لمدة معينه ٤ شهور خف الشعور بالتقزز والقرف دا شويه بس ولكن لم يتوقف مازلت امارس الطقوس .. نصحني بعمل جلسات سلوكي ولكن فجاه وقفت كل حاجه ! ادويه على كلو لانو مافي تحسن قوي كدا والتكلفه الماديه عاليه جدا للعلاج دا !! ونا غير مقتدره حتى الصلاه والدين ضعف وبقى مازي اول بالسبب دا ومرات بصلي بقطع الصلاه ومابكون مركزه بسبب خايفه حاجه في الارض الملوثه دي تلمسني او تجي علي اثناء السجود والركوع والحركه .. حذرة جدا في كل شي مخي حيتفجر في المراقبه !! بقيت اقرف حتى من نفسي !! الجزمه تتغير كل فتره بسبب انو لامست الارض والارض دي دخلت بيها بيت اهلي والارضيهً ملوثه فانتقل التاوث معاي وماشي معاي تحت الجزمه !! انا متاكده انها حاجات مامنطقيه ابدا حتى لكن انا ماقادره جسمي بيتنفض براهو وبتقزز حتى الهواء دا بحسو ماسك مكروبات اهلي فيهو فالمكان الدخلوهو واتكلمو فيهو مابقدر اجيهو تاني لاني حتلوث!!! وااموضوع ماشي اكتر واكتر وكل يوم فكره جديده ومؤديه وطقوس قهريه !! بغسل ملابسي بالمطهرات وفلوسي كلها بس في المطهرات والتعقيم والمناديل المعقمه !! تعبت جدا
💔