كيف أتعامل مع زولة أكبر مني في العمر وبتكرهني من غير سبب واضح؟
العنوان: كيف أتعامل مع زولة أكبر مني في العمر وبتكرهني من غير سبب واضح؟
أنا طالب تقليدي (Traditional Student)، ومعظم الناس البتدرب معاهم طلاب ناضجين وأكبر مني خبرة، وعندهم خبرة في المجال الطبي وعارفين كيف يتعاملوا مع الناس ويمشّوا أمورهم في بيئة العمل.
المهم، في واحدة من المجموعة دي، أكبر مني في العمر، لكن بصراحة تصرفاتها ما بتعكس النضج المتوقع من زولة في عمرها. الزولة دي عندها كره غريب ناحيتي، وأنا لحدي هسي ما فاهم السبب الحقيقي.
للامانة، أنا عارف إنو في ناس كتار أول ما يتعرفوا عليّ بشوفوني مستفز شوية، وناس قالوا لي الكلام ده قبل كده، وأنا ما حأنكر إنو شخصيتي ممكن ما تعجب كل الناس. لكن برضو ما شايف إنو ده مبرر إنو زول يتعامل معاي بعدائية من غير سبب واضح.
الزولة دي كل ما تشوفني بتحمر لي، وبتعاين لي من فوق لتحت بطريقة غريبة ، كانو مجرد قعادي في المكان بضايقها. وأنا أصلاً ما مديها وش، وما بحاول أفتح معاها أي موضوع، وحتى السلام بيناتنا ما عنده وجود يُذكر. يعني ما في بيني وبينها احتكاك يستاهل كل العداء ده.
وفي نقطة تانية: أنا ما صغير في العمر زي ما شكلي بدي انطباع، لكن عندي Baby Face، وده بخلي ناس كتار يتعاملوا معاي على أساس إني أصغر من عمري الحقيقي. ما عارف هل الموضوع ده عنده علاقة بطريقة تعاملها معاي ولا لا.
الحاجة البتضايقني فعلاً إنو أنا داخل أركز في تدريبي وأطور نفسي في المجال الطبي، لكن لقيت نفسي مضطر أتعامل مع عداء غير مبرر من زولة المفروض تكون أنضج من كده بحكم عمرها وخبرتها.
عندي كم سؤال ليكم
كيف بتتعاملوا مع زول واضح إنو ما بطيقكم من غير سبب مفهوم، خصوصاً في بيئة عمل؟
شنو الطرق الممكن تخلي زول زي ده يتضايق أو يفقد أعصابه من غير ما أكون قليل أدب أو أتصرف بطريقة غير مهنية؟ سواء بالكلام، لغة الجسد، أو التصرفات.
كيف أخليها تفهم إنو ما عندها أي تأثير عليّ، خصوصاً لو كانت تصرفاتها بدأت فعلاً تأثر على نفسيتي؟
هل الأفضل أتجاهلها ولا اواجهها؟
ولو اخترت إني ااذيها نفسياً، اعمل شنو؟