في الحقيقة أنا من أسباب دخولي reddit ف ٢٠١٧ كان بسبب ال communities:

ال communities كانت فكرة رائعه و كان وقتها اغلب الي موجودين ف reddit هم الاجانب، وكان فيه مبدأ كبير جدا ل احترام النقاشات و الحوار، وكان فيه بقى المهووسين بقضايا معينة و كنت تشوف ثريدات تقعد تقرا فيها بالساعات، وكانوا بيحترموا ال upvote وال downvote وبالنسبالهم وقتها ال karma تعني reputation.

مكنش فيه مجال مش لاقي ليه community وكانوا دائما متشابهين الفكر، وكان فيه دايما rules حوالين مين ينزل و ينزل ايه، ومحتاج قد كذا كارما -- لانه بيعبر عن سمعتك لانه مش بتاخده غير من ال upvote الي مش هتحصل عليه إلا لو بتضيف حاجة لل communities الي انت بتعمل contribute فيها بشكل صحي و سليم -- عشان تعرف تنزل بوست، وكان دايما عندهم مبدأ ال upvote يعني اوافق، downvote معارض و هنا المعارضة بتحصل مش من اول ما تقرأ بشكل سطحي، ده كان يدخل و نقاش و ثريدات و فجاه تلاقي downvote أو upvote.

انما مؤخرا ف subreddits العرب، بيتعاملوا مع ال upvote على أنه (لايك) وال downvote على أنه (بكرهك يلا انت هتقول رايك ولا ايه) و ده خلاني اسال نفسي سؤال مهم، هل reddit كشف حقيقة مجتمعات العرب فعلا و طريقة تفكيرهم وعمل "تعرية" لأسلوب تعاملهم مع ال communities ؟

لما بدأت مؤخراً أحاول أعمل subreddit يرجع مبدأ ال Conversation من تاني، اتقالي "ف الأغلب ممكن يفشل"

وهنا جالي كذا سؤال مهم :

١. هل فعلا احنا غير مهيئين أننا نوصل لمرحلة ما من الرقي الفكري و التعبيري أو أننا نخوض اي نوع من أنواع النقاشات الهادفة من الأساس ؟

٢. هل وصل بينا الحال من ال brain rotting أننا منبقاش قادرين على أننا فعلا نبني community حقيقي من البشر مش من خلف الشاشات يكون ليهم فكر و منطق و يتكلموا و يكونوا واعيبن و عارفين يخوضوا حوارات بدون الحاجة من أن هويتهم السرية أنها تتكشف ؟

٣. هل احنا اصبحنا غير قادرين على تشغيل خلايا مخنا في أننا نفكر أو حتى نحاول أننا نشارك في نشاط فكري ؟

فين ايام ما كان فيه حلقات ثقافية بيعدلها الناس ؟ و يتناقشوا و يتابدلوا الآراء و المعلومات ؟ تخيل ف العصر الحالي الدول الأجنبية يتعمل "offline hub events" في جميع المجالات، واحنا مكتفيين ب جروبات فقط.