بين المسبح والنهر
سلام عليكم هاي الصورة في نهر الفرات امس
واحنا صغار اهلنا دربونا نسبح بالنهر وما فديوم سبحت بمسبح خاص
بالنهر اواجه عدة مشاكل منها صعوبة التنفس بسبب الروج من تبدي تجدف
وكذلك السلامة لان القاع كلشي بيها من صخور وحيوانات وافاعي ومحار جارح للجسم
كذلك التحكم بالسباحة لان النهر مقسم بين منطقة ذات دفع ماي عالي مباشرتا تجي وراها ركود بسبب تضاريس النهر
مرة سبحنا بمدينة الكوت وكان بنهر دجلة المعروف جغرافيا نهر دجلة يكون اكثر صفائاً من الفرات
الفرات دائما مائه يكون مثل الخابط او الطيني مثل ما تلاحظون بالصورة بحيث ايدك على السطح ما تشوفها
فبعد ما سبحت حسيت باختلاف كبير بين النهرين وهي. سهولة الحركة رجحت السبب انه بسبب اختلاف طبيعة النهرين المائية انه دجلة صافي والفرات اثقل بسبب جزيئات الطين
سؤالي: هل صحيح هذا الترجيح؟ بسبب نوعية الماء
واذا كان بمسبح خاص يعني مي نقي ومفلتر ومستقر
هل راح يختلف الآداء؟ نحو الافضل ام نحو الاسوء
ومنو الافضل لتقوية مهارات السباح ؟
هذا وشكرا