شي دار في بالي كم مره
قبل ما اشاركم اللي في بالي اتمنى تكون الردود عقلانيه
انا نقول ان شاء الله اني ما راح اطول في مرحلة الرجل الاعزب
وصلت مرحلة الاستقرار الذهني والنفسي والمعنوي وقناعات كثيره تغيرت بحكم التجارب والعمر
من الاشياء اللي غير مقتنع فيها للامانه عدم مشاركة الزوجه الموظفه وحطو لي تحتها الف خط الموظفه بالاعباء الماديه
انا كرجل ملزم بالمهر والشبكه والامور هذي حقت بداية الزواج
ايضا ملزم في توفير السكن والمأكل والمشرب والفواتير المشتركه وهذي ما عليها خلاف
لكن نجي للنقاط اللي ابي زوجتي الموظفه تشاركني فيها
ما راح اعطيها مصروف شهري
السفر ( تطيح عني شي تذاكر طيران او فندق)
العامله المنزليه (٥٠/٥٠)
كمالياتها فساتين ميك اب مدري ايش عليها
سيارتها عليها
تعاوني بتجديد اثاث البيت (التجديد فقط وليس التأثيث)
استقطاع جزء من راتبي وراتبها لحساب للطوارئ(طبعا يكون موثق اللي هي تحوله عشان عقب عمر طويل يكون لها ما يدخل بالورث)
بما اني عايش بالرياض والهدف ان شاء الله اعيش مرتاح ماديا و اوفر لها فله ان شاء الله وعيشه كريمه واحب السفر ما ابي اضغط على نفس فوق قدرتي الدنيا قاعده تغلى والتضخم قاعد يلاحقنا
وش رايكم هل تفكيري صحيح ؟ هل هو مقبول عند البنات؟