لماذا يبتلينا الله
بسم الله الرحمن الرحيم
نحنا في زمن كثر فيه البلاء في ناس الله ابتلاهم ب الفقر و ناس الله ابتلاهم ب رقم حساب الاهلي
باسم : عبدالله النهاري عائلية و ناس في ديون و الأمثلة كثيرة ما يحتاج اعددها
قبل أي شي لازم نعرف شي من أسماء الله الحسنى (الرحمٰن-الرحيم-الخبير) و نعرف انه الله عالم الغيب كله
في الآية الكريمة قال تعالى: ((قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ)) [آل عمران:31]
ايش السبب في ظنك الي يخلي شخص يحبك يبحث عن الضرر لك مستحيل ام تحب ولدها تعيشه في فقر إلى إذا كان المقابل انه يموت على سبيل المثال و لله المثل الأعلى
الله ما راح يبتلي احد اذا ما كان الابتلاء ذا خير له و هنا نوصل ل نقطة علم الغيب محد فينا يعرف المستقبل و اي شي ربي يحطك فيه احتمال يكون عشان يجهزك ل شي في المستقبل او انه يكون عشان ينمي شخصيتك عشان المصاعب الي قدام ما راح تتعبك
قال تعالى ((لَا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ رَبَّنَا لَا تُؤَاخِذْنَا إِن نَّسِينَا أَوْ أَخْطَأْنَا ۚ رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا ۚ أَنتَ مَوْلَانَا فَانصُرْنَا عَلَى الْقَوْمِ الْكَافِرِين)) (286) سورة البقرة
بداية الآية هنا صريحة الله يقول انه لا يكلف نفسا إلا وسعها من ذي الآية نعرف انه ايش ما كان الابتلاء الي نحنا فيه هو شي نحنا نقدر نتحمله عشان كذا الابتلاء يختلف على سبيل المثال شخص يقدر يتحمل الفقر لكن شخص ثاني ما يقدر فالله يبتليه ب شي هو يقدر عليه
فهاذا جواب لل الناس الي تقول انه ليش ربي اختار ذا الشي لي لانه بكل بساطة ربي عارف انك تقدر على ذا البلاء و يبا يرفع مرتبتك في الجنة
ب اقول لكم قصة من نسج الخيال في بنت اسمها سارة و المسكينة ربي بلاها ب الفقر و أب يضربها ليل و نهار بدون سبب كبرت وعمرها وصل 21 و طبعا طوال ذي المدة كانت حاسة انها مظلومة لكن ربي اعطها قوة إيمان ف كانت تجاهد نفسها و باره بوالديها مع انهم سيئين المهم كبرت سارة و في ساعة استجابة صادف انها رافعة يدها لله و تدعي انه يخفف همها و فعلا قدرت تتوظف و ما زالت مستمرة على بر الوالدين طبعا لو انا مكانها ممكن قتلت امي و ابوي لكن زي ما قلت ربي اعطها قوة إيمان و بعد الوظيفة تزوجت و عاشت باقي حياتها اكيد ذكريات الطفولة مؤلمة لكن قدرت تتعدها و ما تعصي الله و باقي حياتها كانت مسلمة عادية يعني مهي متشددة لا عندها ذنوب هنا و هنا الحين سارة ذي خل تتوقعو ان الله راح يخيب ظنها ب الطاعة الي سوتها و هي صغيرة طبعا لا و راح يجازيها يوم القيامة افضل جزاء و هل تتوقعو انها يوم القيامة راح تكون حاسة انها مظلومة طبعا لا لانه من أسماء الله الحسنى العادل في ظني انها راح تكون ممتنة يوم القيامة ل ذا الابتلاء و الله اعلم
حكم الله في ابتلاء عباده
حكمّ الله كثيرة و منها انه ربي يباك يا عبده الي ضاع ترجع له و يقوى إيمانك فيه لو شخص دخل في مصيبة و دعا الله انه يفرج عنه ذي لحاله راح تقربك الي الله و نحنا نعرف ناس كثير ما يتلزم في الصلاة إلى إذا كان يبغا شي (اقصد الالتزام انه كل صلاة في وقتها) و كذا علاقته ب ربي تقوى و ممكن معد يترك الصلاة
زي ما قلت حكمّ الله في الابتلاء كثرة ولا راح اقدر اغطيها لكن تذكر أن الله يحبك و ارحم فيك من امك عشان كذا احسن الظن بالله سبحانه و تعالى و اعلم انه امرك كله خير
أختم بحديث الرسول قَالَ رَسُولُ الله ﷺ: ((عَجَباً لأمْرِ الْمُؤْمِنِ إِنَّ أَمْرَهُ كُلَّهُ لَهُ خَيْرٌ، وَلَيْسَ ذَلِكَ لأِحَدٍ إِلاَّ للْمُؤْمِن: إِنْ أَصَابَتْهُ سَرَّاءُ شَكَرَ فَكَانَ خَيْراً لَهُ، وَإِنْ أَصَابَتْهُ ضَرَّاءُ صَبَرَ فَكَانَ خيْراً لَهُ.)) رواه مسلم
و اخيرا انا لست من اهل العلم فقط شخص حب يشارك أفكاره و نسأل الله لنا و لكم التوفيق