u/AcceptablePass8843

اللي فترة بفكر أعمل تاتو

هم اتنين صراحة بس خايفة بعد فترة اندم ويصير بدي اشيلهم

يلي جربو يعملو وندمو قدرتو تشيلوه؟ شو رأيكم

انتو عارفين لما الواحد يقعد فترة طويلة بإلتزام (دراسة , شغل إلخ) بكون بشوية اوقات هيك زي كأنه بفكر بعمق أكثر. وأنا هيك صار معي خلال الثلاث شهور كنت كثير مشغولة وتراكمت أفكار براسي

وبحس أكثر اشي فكرت فيه واثر علي كان موضوع العبثية

زي يلي بكون ماشي وبوقع على وجهه اجاني لحظة ادرك أنه امي كبرت وصارت التجاعيد تبين وأنها بعيدة عني فجأة تطلقت وصار إلها حياتها وانها ضعيفة ما بتقدر تقاوم افكاري ولا حياتي يلي هي أصلا مش متقبليتها

وحتى صرت اسلم عليها زي كأنه احنا اغراب وبروح بزورها وبسألها لو ناقصها اشي

وبعدين فكري بميل أنه كيف هالحياة مش عادلة وكيف في ناس اخذو كلشي وناس ما طلعلهم اشي

ناس ابوهم وامهم مع بعض ببنو لولادهم بيت حلو وبحرثو عشان ولادهم يتعلمو منيح وياكلو منيح

وناس اهاليهم اعدائهم وبنو لولادهم بيت زجاجي هشّ الكل شايف شو في جواته وبضحك عليهم

مع أنه ولاد البيت المدمر ما بفرقو عن أي أولاد ثانيين

هي حظ ولا ارادة الحياة ولا شو ما بتعرف...

وبجيك واحد بحكيلك أنه الانسان ككل هو تفاعلات كيميائية وانه الحياة ما حتواسيه... اوك بس مش كلكم بتعانو زي ما بعاني

لأنه المعاناة درجات

واحد بعاني أنه ابوه عايش معه بالاسم ومش معلمه كيف يدور ويتعلم ويعيش

مش زي واحد ابوه بدعمه وبحبه بس السوبرفايزر ما بحبه

في فرق صح ولا لا؟

مش عارفة شو الهدف من البوست بس أنه جد اشي مستفز أنه الكل بحكي أنه بعاني مع انه جد بكون واحد جروحه أعمق وحياته انتاكت اكثر

عندي شوية اشياء مستعملة بس جديدة يعني الاشي بكون مستخدميته مرة مرتين وحابة ابيعهم بس مش عارفة كيففف دلوني

كثير انا إنسان متعب ومرهق ومستنزف بحس الحياة من خمس سنين لليوم ما عادت تتحرك نفس السيناريوهات نفس الأشخاص ويلي اختلف بس الطريقة والنفسية. ناس بطلت تتأثر، ناس اسوأ.

أحسن؟ لا ما كان يصير شي احسن بس هالوجع والالم والكسرة يلي محطمة قلبي بتكبر أكثر وبحاولو يخدشوها أكثر ويعمقو الجرح أكثر. ما كان ممكن ننولد بحياة طبيعية مع شوية مشاكل اسرية كتكوتة وبالعكس كنا دايما ابشع بيت من بيوت حارتنا شكل واخبار . نفسي يصير عنا حدث سعيد ونفسي افرح شوي وما تنكسر فرحتي وتتنكس بحدث اتعس أو بذكرى اليمة. ومين بقدر الوم؟ اب تم تزويجه "عشان امه تخلص من شرّه" أو ام يتيمة مجبورة تظل عشان ما في ملجأ؟ بس بالاخر ما زبطت رغم كل التلزيق هاد ما زبطت ووقع كل شيء وتكسّر. أمي هلا بتحاول تتعود على حياة جديدة واخوي غارق في جهله وعدم ادراكه بأنه امه بعدت عشانه مشغول بحياته المزيفة يلي عايشها باموال مسروقة. آه، أموال اخدها من أبوي من غير علمه.

احيانا ما بقدر الومه وبتمنى لو كنت مثله عشان اشتري سعادتي الوهمية بقعدة على المطل ساعات الغروب أو سبانيش لاتيه واغاني بتصرخ جوا أذني .