المشاكل العائلية
عسلامة انا طفلة عمري 23 سنة عندي مشاكل عائلية نعيش فيهم من الي انا في سن المراهقة عندي امي لسانها ياسر خايب كلامها موجع برشا لدرجة ما تتصوروش امي وقت نبداو سافا وين نحطك يا طبق الورد اما وقت نتعاركو ولاسباب تافهة تسمعني ما نكره حتى لدرجة انو تقلي اخرج عليا من الدار ونجيبلك الحاكم
وصلت تحكي لصحابي تحكي لصحاب بابا وصلت عملتلي حاجات ما يعملهمش العدو لعدوه
تقارن فيا بالناس الكل .. فما تفرقة بيني وبين خواتي مش ماديا اما من جانب اخر رغم انو انا الكبيرة في الدار لكن ما تسمعنيش وما تاخوش برأيي جملة وحتى تصير مشكلة بيني وبين خواتي تجي معاهم وما تسمعنيش جملة
يعني ما نحسش روحي عندي قدر في الدار الحاجة هذه تعبتني برشا .. حتى في حياتي الخاصة الانسان الي نرتبط بيه يلاحظ حتى مانغير ما نوري شي
حاولت نبدل روتيني نترانا نصلي نعمل في حاجات تنسيني لكن ما تبدل شي المقارنة ما توفاش تتطيح القدر ما يوفاش الكلمة الخايبة ما توفاش
علما وانو امي قاطعة صلة الرحم مع العايلات الزوز لا خال لا عم يعني ما عندي حد وما نحبش نحكي لصحابي
مانيش عارفة شنوا نعمل .. نحب نمشي لطبيب نفسي ونحكيلو نحب نلقا حل لحياتي
خاطر مستقبلي واقف على نفسيتي وقرايتي ماهيش ساهلة تحبلها نفسية وياربيش نخلط
بربي عاونوني انصحوني راني تعبت ..