u/AggravatingWay2096

حد هنا بيشتري كود نايترو ديسكورد

بصو انتو ممكن تاخدو الموضوع بشكل فكاهي وانا هتقبل ده بس الموضوع ده حقيقي للاسف ومدايقني مش عارف مفكرش فيه😂

زمان والده جده والدي قالتلها انا عارفه ان اخواتك لما انا اموت مش هيدولك ارض او ورثك وهياكلو عليكي عشان كده انا هعينلك جنيهات دهب ف حاجه زي قله كده وهتدفنها ف البيت بتاعها المهم الست دي اتوفت وجدت والدي جربت تفحر عشان تطلع الدهب ده معرفتش وقالت تسيبو بعدين قبل م تموت قالت لابنها اللي هو ابو والدي انا عارفه انك محلتكش حاجه ف هكتبلك البيت ده ابقي عيش فيه واتجوز فيه ولو عرفت تطلع الدهب يكون رزقك المهم ابو والدي عاش ف البيت ده واتجوز وخلف والدي واخواتيه وكده وكان الحكايه بتاعت البيت دي مشهوره ف البلد بس هم كانو بيبصلها ك انها حكايه مش حقيقه او اشاعه او كده المهم جدي ده اتوفي وبقي والدي واخواتو موجودين واتجوزو ومعدش حد عايش ف البيت ده وبقا بيت مهجور حرفيا ف جوز عمتي مش عارف اي اللي فكرو بموضوع الكنز ده وجاب الات وناس عشان يفحرو وكده تحت البيت والكلام ده بعلم والدي واخواتو وكده المهم بقا يسيدي يصادفو ان الجهاز جايب ان تحت البيت ده اثار !! ايوه زي م سمعت اثار بجد😂

ف الناس دول قالو احنا هنطلع الاثار دي وليهم ناسهم اللي يشتروهم وهكذا بس الموضوع دخل ف سكه الشغل الشمال وكمان سمعت ان اتقال انهم عايزين حد من دم اهل البيت يتقدم زي قربان واحنا ناس ملناش ف السكه دي وفي حد من الناس اللس بيحفرو كان مات ف البيت ف ممكن الموضوع كان ليه علاقه بسحر وحارس مقبره والحاجات دي ف والدي وعمامي قالو للناس دي انتو تقدرو تاجرو البيت طول فتره الفحر دي مرضوش وقالو عايزين يشترو البيت بس بسعر كان تعبان اوي وقتها وقالو لا ده بيت والدهم وكان يعتبر بيت اثري ف البلد عشان ده موجود من اكتر من ميت سنه وقالو ده بيت والدهم ومرضوش يبيعوه المهم نفكنا من موضوع الاثار ده المهم الاجهزه بتاعت الحفر دي جابت ان القله دي علي بعد 4ولا 5 متر تحت الارض فلما جم يطلعوها الحوار ده اتعرف ف البلد وبقا كل الناس هيموتو بعض عليه اللي يقولك ده جاري وانا ليا ف الورث واللي يقول ده قريينا وليا ف الورث واللي يقول ده كان عليه فلوس ليا وليا ف الورث ف الناس كانت هتقطع بعضها عليه وهيحصل مشاكل كتير ف والدي واعمامي كانو مقتدرين يعني مش ع الحديده بردو قالوي لا بدل كل الحاجات اللي وحشه اللي ممكن تحصل بسبب الموضوع ده نقفل ع الموضوع البيت اتقفل بس فيه ناس بفضلت تتردد علي البيت علي طول اللس عايز يفحر واللي عايز يضرب حقنه او يتعاطي حاجه ف عمي ردم الباب بتاع البيت عشان محدش يعرف يدخلو تاني وكده الموضوع عدا عليه اكتر من 10 سنين ووالدي كمان اتوفي المهم ياسيدي كنا ف البلد من كام يوم نلاقي بالصدفه ان الناس اللي عايشين ف البيت اللي لازق ف البيت ده بين يوم وليله حرفيا بقا عندو عربيه ب 5 مليون وجايب لبنتو عربيه زيها وبقا عندهم بيت فخم ف مكان معين وبقو بينزلو البلد بعربيات وحراسه ومحدش يقولي م يمكن باع حاجه ولا عمل حاجه واحد عايش ف بيت مهترئ وكان معروف عنهم انهم مش لاقيين ياكلو سبحان الله بقا عندهم كل الفلوس دي فلوس محدش ف البلد بحالها يتقارن بيهم بين يوم وليله وبالمناسبه الراجل ده اللي كان بيقول ده انا جارهم وليا ف الدهب وكده

جماعه انا حاسس اني متدايق اوي الفلوس دي كانت بجد هتغير حياتنا وكانت هتكون فارقه كمان لناس زي عمتي عشان هم معدومين حرفيا وساعتها يقدرو يعيشو وتجوز بناتها وكنا بجد هنبقي عايشين عيشه تانيه الدهب ده بالمناسبه بعيدا عن انو دهب ف هو يعتبر دهب اثري بحكم كل السنين اللي كان مدفون فيها دي وبالمناسبه مفيش حاجه يقدرو يعملوها للراجل اللي سرق الدهب عشان ببساطه مفيش حاجه بثبت انو سرق وغير كده عمامي ف حالهم ومش هيشغلو بالهم بالحوار ده الناس اللي كانو ممكن تتغير حياتهم بالكامل ناس زي عماتي وهم غلبانين بردو اوي

قولي بقا لو انت مكاني هتعمل وهتتقبل الموضوع وتنسي ولا لا

(القصه حقيقية مليون ف الميه انا مش كاتب ولا راوي)

في بنت اعرفها من 4 سنين مجرد صحاب تمام دلوقتي هي اتجوزت وقالتلي هنفضل صحاب وتكلمني ف اي وقت ومش عارف وهي اكبر مني وكده ف مش مثلا بنحب بعض او مرتبطين يعني اي ف فضلت مختفيه بقالها شهر ودلوقتي عملتلي بلوك ف قعدت كام يوم حسيت اني متضايق ف دخلتلها من رقم تاني قولتلها كان المفروض لو هنبعد ع الاقل تقوليلي ومش عارف اي ف بعد م كتبت الكلام لقيت رقم غريب بيرن ب اسم بنت قولت يمكن هي رديت لقيت راجل بيقولي الو انا منطقتش وقفلت وفضل يرن كتير اوي وبعدين بعتلي ع الواتس رد ده رقمي الجديد وفضلت ساكت بردو وبعدين فضل ويقول ملكش دعوه بمراتي ف عملت بلوك وسكت وعمال يرن فوق ال30 مره وانا مبردش اعمل اي هل المفروض اوضحلو ان احنا مجرد صحاب وعلاقه وانتهت ولا اسيبو مع نفسو ويتخيل كل حاجه لوحدو انا بس خايف يتطلقو بسببي انا م عايز اذيه لحد