u/Aggressive_Bench_914

هل أكو حل ، صار يومين على هل حالة كلشيء ماعرف أسوي بس الصبح خمس ساعات أكون صاحية بقية اليوم رأسي يكوم يوجعني طبعاً دائماً هيج وگلت هل إذا رحت لطبيب حينطيني علاج فعال لأن البندول گام ما يشتغل وياي وبعد وراي هواي تراكمات وكتابة ومدري وين أنطي وجهي ، يعني أشوف الناس عدها قابلية تحمل وتگدر تسهر وتكمل بينما أنا السماء على الأرض تنگلب بس رأسي يوجعني وحتّى السهر يلعب بمزاجي لعب

بصراحة مرات أفكر أنو ليش ماكو قائد ملحد من هذا الجيل يطلع ويتمرد؟ ليش ما عدنا أصوات قوية لدرجة أنو أقوى يوتيوبر يكون من مواليد السبعينات والستينيات ، ما أظن أن لمجرد حددت موقفك من الدين توگف لأن أنت بعدك وراك مشوار طويل وخصوصاً أن مشكلة سياسة العراق هي أساساً بيها تداخل بالدين، بس حتّى إذا العراق يصير علماني وحتّى إذا الملحدين أنتشروا الشيء إلي ممكن ينتشر وياه هي التجارب الجنسية المفتوحة ، يعني ليش يتأنى شوي ويتثقف أكثر ، أعرف أن مفهوم الكبت يخلي الإنسان يعزي أي تصرف حيواني للكبت للي أصلاً أشوفه مفهوم خاطئ لأن مثلاً أنت صارلك كم يوم مماكل وبعدين أجه يوم تأكل بيه وفرضاً جانت مدة تركك للأكل يومين كاملين هل راح تأكل ٦ وجبات كلها دفعة وحدة؟ أكيد لا، فالقصد أن لا تظل فقط تبحث عن تزاوج حال ما تصير ملحد ، طبعاً هو شيء طبيعي بس حالة أنو يكون معكر أو المركز هي المشكلة ، يعني أنت بإلحادك وبإيمانك ما سويت شيء ترا ، وأعرف بسالفة المشكلة الأولى أنو أصلاً هاي الأعمار لحد ال سنة٢٠ تلاگيها محتارة شلون تخلص سادس فماعرف أيش حل هذا الشعب الجامد، يعني حتّى الواحد ما عنده فد فرصة يطلع للخارج وينشر براحته​

بصراحة بس أحس أريد بنية أحجي وياها وترشدني لأن أحس ردود البنات للبنات أفضل لأن يفتهمن أكثر بنفسية البنية ..

• أو حتّى لو أريد إسم أو حساب طبيبة نفسية إستشارة إلكترونية أو جلسات إلكترونية ، بهذه الفترة بالذات دامر بإنفجار وگوة لازمة نفسي .

+ مستحيل التجأ لصديقاتي .

يعني شنو الدافع؟(سؤال للولد)، يعني مثلاً البنية أو الأنثى بشكل عام ممكن تأجل كلشيء أو تهمل نفسها إذا لگت شيء تهتم له، بينما الولد العكس يركز لحد ما يخلص كلشيء وبعدين يلا يسوي الشغلات إلي يهتملها

بصراحة اليوم هواي تأملت بالموضوع، وأكتشفت أنو ماكو أي شيء مميز بسالفة العلاقات سواء حب أو صداقة، واقعية أو نت، مثلاً هسة إحنا أبسط شيء (كطلاب سادس ) فعلاقة الزمالة ويه الطالبات بعد المدرسة گبل تنتهي إلا حالات نادرة وهذه يحكمها المصلحة، بعدين حتّى الناس إلي ممكن تلاگيهم بالنت وتصيرلك وياهم قرابة فهم على الأغلب مراح ينطوك وجه ونسبة كلش جبيرة لا راح يحبوك ولا راح يكونون نفس ذوقك، فسالفة أنو أنت شلون أنجمعت ويه فلان مو غيره؟ هل الكون دا يرسلك إشارات؟ لا عزيزي، أنت مجرد وأنت توأمك اللاخ إثنينكم فارغين وتحبون تضيعون وقت خصوصاً ببيئات مستوية وجوها راقي والمزاج مفول مثل العراق، فأنت حتلو عندك شيء تريد تسويه راح تروح تقشمر نفسك بحجة إنك تحتاج ترفه عن نفسك، ممكن تكون لك تجربة قرب حقيقية ومختلفة بس هي هاي حتلو الطرف الآخر إستمر وياك فراح تلاحظ تغيّره من تصير عنده شغلة طارئة، مثلاً إذا دخل جامعة فراح يكون أغلب الوقت مشغول وماله خلگ فهنا ممكن الظروف تسنحلك يبقى لك وقت فراغ طويل بينما غيرك يكون مشغول وبالتالي راح ترجع المشكلة وممكن تتسطح العلاقة وتحول على أحد ثاني فرصته بالحديث وياك متساوية بالنسبة لفرصتك بالتسخيت، وحتّى أغلب النشاطات إلي يسويها الناس فهي حرفياً متشابهة الناس عبارة عن نسخ خصوصاً بهذا الزمن لأن سهولة الوصول لكل شيء فتحت الأبواب وهواي هوايات ممكن لو بغير زمن جان صارت نادرة، وترا حتّى الشخص من تتعمق وياه فمراح تلاگي نشاطاته هي فعلاً جوهره، وراح تشوفه إنسان يتعرى نفسياً گبالك وتشوف كل حالاته وأنو يمكن نشاطاته هي بس علمود يضيع وقت أو لأن يمل وهكذا، وجوز حتّى إهتمامه كلش كلش عادي وحتّى إذا أجه غيره وأهتم بنفس الشغلة إلي تجذبك بيه ممكن هم تروحله، وتحس روحك عميق لأنك مميز بهذا العصر بس أنت حالك حال أي شخص ثاني يقنع نفسه بهذه الأفكار ​

مرات أفكر شلون هاي أطباع الناس من تتزوج يعني جاي أتخيل واحد تصيرله مشكلة يشرد بمواقع التواصل، أو يمر بضغط يروح لمواقع التواصل ؟ عجيب

أي أحد يراسلني ويتأخر حرفيا أظل أنتظر ومرات أنتظر لأيام والمشكلة الردود تجي كلش كلش تافهة وبايخة وعمري جاي يضيع أبسط شيء البارحة وقت المشاهدة بالهاتف صاير ١٦ ساعة ماعرف شلون أتخلض من هاي العادة حتّى مندوب التوصيل ما مسوي سوايتي

الغيرية والمثلية الجنسية

حسب تعريفي من فهمها للغة

فهي الغيرية تكون بين متغايري الجنس يعني أحدهما أنثى والآخر ذكر

بينما المثلية فهي من تشابه أو نظرية يعني أجناس متماثلة ذكر و ذكر أو أنثى و أنثى

فنشوف الهدف بالعلاقات المثلية هي تربطها مصلحة خصوصاً بتاريخ رومانيا وملوك الرومان بس يلاگي ​زوجته تودع يروح ينام ويه ​ذكر ( طبعاً المعلومة ما متأكدة منها بس قريتها بكتاب ويمكن بالتحديد إسبارطا)

أو ويه ملوك آخرين علمود مصالح الدول

بينما العلاقة إلي بيها عنصر أنثوي فهي نزع لغطاء المحفزات الحسية

يعني من خلالها تختبر جمالية الحياة

طيب الذكر ممكن يحس هيج بينما الأنثى شلون؟ وهنا حتبرز مشكلة ألا وهي أن المرأة تتعب هواي بالإهتمام بنفسها وبالنهاية ممكن تصير ملهمة إبداع لذكر بينما هي راح تبقى بلا ما تحس بهل محفزات يمكن هاي الفكرة هي إلي تخلي معظم الفلاسفة يگولون أن المرأة طبيعتها مو شاعرية وإنما تتصنع، لأن حتّى لو خضعت لتجربة جمالية فراح تكون نرجسية وناقصة من خلال ذاتها فقط

وهنا تبرز سالفة أنو المثلية للمرأة تنتشلها من الظلم حول إبداعها لأن تحفزها على أن تحس بكل ما عدها ويصير تبادل بين إثنين إنثيات بالتجربة الجمالية

هذا ويمكن بعد أن حتّى المثلية بين الذكرين تكون تجربة محفزة للإبداع

لأن عالمنا مخلوق من جمادات من أعضاء وتركيبات معقدة بداخلنا

+ إذا أكو إضافات أو تصحيح معلومة ف أكتب