u/Aoismuk

السلام عليكم انا خلصت سادس قبل فترة قصيرة و اريد ادخل جم حتى انزل وزن لان شكل جسمي زاعجني، انا ما لاعب رياضة بحياتي تقريبا لا طوبة ولا اي شي، طولي 170 وزني اليوم 82، قبل فترة المراجعة بالسادس سويت دايت و محسوب السعرات و البروتين نزلت تقريبا 4 كيلو ب21 يوم بدون رياضة، يعني الدايت مو مشكلة اعرف ارتب دايت، هسة من ادخل جم منين اجيب كورس و شلون اعرف اوزاني و هل ممكن اوصل نتيجة حلوة قبل بدء المرحلة الاولى، و اكون ممنون منكم و شكرا جزيلا

السلام عليكم، انا شخص مؤمن و ايماني لنفسي و مو نفس الاغلبية من المسلمين اليحاولون يفرضون اعتقادهم على الكل، علمود لحد ياكلني بالتعليقات، بس عندي توضيح بسيط للناس الجميلين هنا الي قدم يكونون مؤمنين مو شرط متدينين بس يعني للعدهم تساؤلات، كون الشخص ذو ميول و رغبات غير عن الطبيعية ما تعتبر ذنب ترة، اي والله اكو ناس عبالهة اذا انة عندي ميول معناهة الله يذبني بالنار و يحرگني و يصلخ جلدي و من هالتخويفات المنتشرة، لكن الامر هو اذا عندك رغبة و بقت رغبة ما عليك شي بالعكس انت افضل من الستريت مثلا لان انت صرت صبور و قاومت رغباتك و هاي عليهة فضل ترة، لكن شوكت يصير خطا و مرفوض، هو من تنفذ هالرغبات مثل العلاقات و التحولات و كذا (انا ما عندي اشكال بهالشي بس جا احجي من منظور ديني لا اكثر لكن انا احترم الكل منهم)، فيعني انت ممكن تكون مثلي و مسلم بنفس الوقت لان انجذاباتك انت متتحكم بيهة يعني انت مجبور عليهة فماكو اشكال و ارجع و اكرر الاشكال من تتحول الفكرة الى فعل واقعي، لان الدين ما يكره المذنب انما يكره الذنب بحد ذاته، مثل ما شراب الخمر بعده مؤمن و مثل ما الزاني بعده مؤمن، هم مذنبين و الدين ما يكره شارب الخمر انما يكره الخمر، فهمتم قصدي، زين خاف اكو واحد ملتزم دينيا و عنده هيج ميول فأنا هاذ رايي بهالموضوع، تكدر تبعد نفسك عن هالشي، يعني انا شخصيا اكدر اعرف نفسي ك bisexual بس لان انا مؤمن بعدت نفسي عن الشهوة لان انة حسب اعتقادي ما يصير احب من نفس جنسي و للاسف بعدني ممتزوج و شغلت روحي بشغلات اهم و فرغت طاقتي بهالنشاطات مثل الفن و الدراسة، و انا خايف بسبب كوني مؤمن راح تعتقدون انة جاي اهديكم لو انشر الدعوة الاسلامية و انصحكم لا والله بس اجيت اوضح شي في حل احد في باله تساؤل و كل الاحترام و التقدير الكم❤❤

السلام عليكم، انا طالب سادس عادي مو من الطلاب الخارقين او طالب متميزين، طالب مستواي متوسط طبيعي، اريد ادرس هندسة معمارية و معدلهة عالي بالجامعات عدنة و لازم لو موازي لو اقسام لو مسائي و التكاليف راح تكون جبيرة على اهلي، اريد احصل منحة دراسية عسة ما بالموزمبيق بس اكثر شي حاط عيني على ايران و شوي على تركيا، اذا احد عندة معرفة عن منح ايران هل هي سهلة او صعبة و هل اكو امل احصلهة لو تنافسية و صعبة، و المهم شنو السلبيات الممكن اواجههة بالمنح و الدراسة بايران، من الاخير اكو مجال احصلهة لو لا، و انة خطاط همين ممكن يفيدني للبورتوفيليو و عندي مشاركات بسيطة مدرسية و تدري الخط العربي يعني تفيد بالسيفي و لغتي الانكليزي بين الb1-b2 يعني اكدر اتدرب اكثر و امتحن ايلتس