u/Appropriate-Bat-2634

أخوي خلص جديد طب أسنان وخلص سنه الامتياز ف اتفق مع مجمع لطب الأسنان واتفقوا على كل شي

شاف العقد كله تمام عقد مفتوح المده ما في اي شرط جزائي اذا شخص ترك او أي شي

بس حكت اله لازم تلتزم معنا سنتين لانه احنا رح ندربك فتره عندنا ومن هالكلام قال اخوي واذا تركت قبل هاي المده شو علي؟ قالت لا ما بدنا هيك، يسألها طيب شو يعني مش فاهم عشان يكون كل شي واضح شو يترتب علي، تقول لا ما بدنا يوصل الموضوع للمحاكم، يسالها محاكم ليش طيب، ضل يسالها وتكرر نفس الاشي وما رضيت تحكي شو السبب مع ان العقد ما فيه أي شي اله علاقه بالسنتين

بالأخير قال ما بدي ياها يروحوا مثلا يقدموا علي شكوى اني ما التزمت او لاي سبب مع انه مش بالعقد وتنحل سريعا ومش رح يأثر يعني بس ما بدي يطلع علي سمعه انه صار علي مشكله ووصلنا للمحكمه عشان سمعتي

الفرصه كثير ممتازه اله راتب وسكن وعموله على الشغل بس لو كانت واضحه معاه كان ممكن راح بس جد ناس هبايل يضل بالاخير نصيب

هسا سجل اضافي وبده الاحد يداوم بس الله ييسرله المكان الي يرتاح فيه قدم لاكثر من مكان بس ما في شواغر

لما كان عندي فيسبوك وتويتر وانستا كنت اكتبي اسمي عادي واستغرب ليش واحد مسمي حاله مثلا

Rkf72

اقول شو الهبل هذا كل ما بدي ابعث لشخص لازم اقوله انا فلان عشان يقبلني

بس هسا غيرت رأيي ما في أجمل من هيك شعور

ليش لما وزير او مسؤول معين بده يزور مكان لازم يبلغهم من قبل؟

عشان يكونوا جاهزين؟ ليش هم حاليا مش جاهزين؟

ولا عشان نجهز موكب يمشي معاه؟

يعني كثير أماكن تكون سيئه من كل ناحيه موظفين مش مداومين ونظافه معدومه وترتيب سيء وغيرها من المشاكل

بس يجي التبليغ يزبطوا كل شي بشكل مثالي يعني حتى بعض الأماكن لما تكون فيها مشاكل يحاولوا يخفوها كمان زي نقص أدوات أو كوادر طيب ليش؟ مش هاي فرصه انه نوضح ونحكي عن المشاكل؟

أبسط الأشياء عندنا مسجد لما اجا وزير الأوقاف حتى مكان خزاين الاحذيه غيروها خلوها برا.

بكل الأحوال حتى لو حكيت ممكن ما يصير شي بس لازم نبطل عاي الصوره المثاليه

أحس التفاعل كثييير نزل وهسا استغربت ما في اي

Top poster or top commentar

تركت الصب لفتره ومن جديد سرت ادخله شو الي تغير

او يا ريت جيب دخان كويس والله لو بتدخن كوشوف ريحه أرحم من النوعيه الهامله هاي - كلامي حسب الريحه خايف يطلع هذا نوعه غالي ههههههه -

كنت ارد على كم شخص بس صاحبه المنشور بلكتني عشان هيك حبيت اكتب منشور احكي فيه

ما نختلف انه الي صار خطوه ممتازه لتخفيف العبء على الشباب بس الغريب في كثير انتقادات إنه في أمور أهم ولازم الشعب يحلها بالأول

طيب ليش التفكير السلبي؟ وواحد من النقاط كان بدافع انه دخول الرجال للنقوط حرام شرعا فكان من هذا الباب وهذا توجه جميل

ليش ما نقول انها خطوه ممتازه وعقبال ما تنحل مشاكل واحد اثنين ثلاثه فكره الانتقاد هون خطا كبير يعني يا تنحل المشاكل يا لا

او فكره انه حل مشكله الراتب وما رح تحتاج لهيك وثيقه

طيب مثلا في كثير مصاريف في العرس حتى لو راتبي شو ما كان هاي المصاريف ما الها داعي ف موضوع الراتب هون ما بيفرق لان الكلام عن تخفيف الاعباء الزياده

الي كم يوم يا أخوان مقهور من موضوع الضرائب

أنا شخص حابب أبني بيت عشان للمستقبل البعيد يكون أريح إلي

كل شغله أسويها بحياتي تلاقي بطريقه معينه في ضرائب طبعا أنا ساكن ب قضاء ف أغلب الرسوم أقل من مناطق كثير

اذا تشتري ارض لازم تدفع 6% ضريبه من المبلغ الي دفعته

وإذا في بيوت على هاي الأرض يرتفع سعر الأرض أكثر واتوقع لازم تدفع 10%

بعدين مثلا بنيت بيت مثلا بيتي 195 هون بدك فحص تربه ب 500 وضريبه المسقفات تقريبا 470

بس وقف شوي في شارع ماشي من قدام الارض نص عرض الشارع مضروب بكم متر ارضك مطله على الشارع وحسب البلديه كم لازم تدفع على المتر

انا مثلا الشارع عرضه 12 نوخذ 6 مضروب ب 60 متر هي 360 وتقريبا المتر كأنه 3 دنانير عندنا هي بحدود 900 دينار بس الحمد لله انه صار مشكله والشارع تاخر ف رخصت قبل ما احتاج ادفعهم وما تعرف اذا مستقبلا لازم ادفعهم ههههههه يعني للان تقريبا 2300 دينار ضرائب والحبل على الجرار

ويقهرني أكثر رسوم طوابع يعني كل وحده من هي الاجرائات فوق هاي المبالغ تلاقي مثلا 25 دينار طوابع على معامله الأراضي هاي لشو طيب؟ مش عارف

لسا ما وصلت لاشتراك المي او الكهرباء ولسا رح يطلع اشياء ثانيه كثير

لما شخص يقولك عن شغله معينه ترى هاي حرام خلي همك الأول انه تتأكد مش إنك تهاجم أو تدافع لإن في حساب

ملاحظه: الي تحت كلام عام ونصيحه للي حابب يكمل قراءه

أكيد هدفه بالنهايه مصلحتك او أحسن الظن انه هيك هدفه وتذكر

وَكُلُّهُم آتيهِ يَومَ القِيامَةِ فَردًا [مريم: ٩٥]

مَنِ اهتَدى فَإِنَّما يَهتَدي لِنَفسِهِ وَمَن ضَلَّ فَإِنَّما يَضِلُّ عَلَيها وَلا تَزِرُ وازِرَةٌ وِزرَ أُخرى وَما كُنّا مُعَذِّبينَ حَتّى نَبعَثَ رَسولًا [الإسراء: ١٥]

وقت النصيحه وقف وجد فكر لإنك ممكن تكون عايش بغفله وقاعد ترتكب معاصي وأنت مش عارف

اقتَرَبَ لِلنّاسِ حِسابُهُم وَهُم في غَفلَةٍ مُعرِضونَ

ما يَأتيهِم مِن ذِكرٍ مِن رَبِّهِم مُحدَثٍ إِلَّا استَمَعوهُ وَهُم يَلعَبونَ [الأنبياء: ١-٢]

أحيانا جد تسمع نصيحه او كلمه فجاه تقول أنا شو قاعد أسوي، شد انتباهي فيديو كاتب ملاحظه بالبدايه انه الفيديو حلال ف تقدر تحط لايك او تنشره وانت متطمن تذكرت اكثر خمس الاف فيديو حاط الهم لايك على يوتيوب كم فيديو منهم فيه موسيقى او اغاني او او غيرهم

لان زي ما نعرف صحيح إنها تطبيقات بس كل لايك وكل تعليق رح تحاسب عليه

وَوُضِعَ الكِتابُ فَتَرَى المُجرِمينَ مُشفِقينَ مِمّا فيهِ وَيَقولونَ يا وَيلَتَنا مالِ هذَا الكِتابِ لا يُغادِرُ صَغيرَةً وَلا كَبيرَةً إِلّا أَحصاها وَوَجَدوا ما عَمِلوا حاضِرًا وَلا يَظلِمُ رَبُّكَ أَحَدًا [الكهف: ٤٩]

يقولك شخص أنا مش مقتنع بأن هذا الاشي حرام كيف لايك على أغنيه رح اتحاسب او هاي كيف حرام الشيوخ معقدين الدين والي مش عارف شو تذكر إنه

ما عَلَى الرَّسولِ إِلَّا البَلاغُ وَاللَّهُ يَعلَمُ ما تُبدونَ وَما تَكتُمونَ [المائدة: ٩٩]

ونرجع لقوله تعالى

وَكُلُّهُم آتيهِ يَومَ القِيامَةِ فَردًا [مريم: ٩٥]

كنت رايح اسوي معامله قبل كم يوم والي جمبي كان جايب زوجته عشان تعطيه وكاله كامله في الراتب ما أعرف ليش ضايقني الموضوع حسيتها واثقه فيه وهوه هيك ممكن يورطها باشياء كثيره او تكون طريقه للابتزاز انه باي لحظه يحسب على راتبها قرض لعشرين سنه قدام،

بس طلع زوجها حسيت الموظف خايف عليها وصار ينصحها ترى ممكن يسحب قرض وممكن هيك وهيك وهيك قالت موافقه على كل شي.

احس هذا الاشي كثير مفقود عندنا حابب احكي عن موقفين

الأول كان عندنا شارع والاشغال حطوا دربزين حديد للشارع اجا واحد وشال قطعه لان ما في مكان يقطعوا منه الشارع ف واحد بلغ عليه واجت الشرطه واخذوه بس شو المصيبه

حكالنا انه سال وعرف انه فلان الي بلغ عنه، طيب انت ك شرطي او مسؤول عندك صلاحيات تراجع سجل المكالمات مثلا مش هذا الاشي المفروض يصل سري؟

كان جار النا يخون كهرباء ومي وقاعد يحفر في الخط خطرلي لو بلغت الشرطه رح يتواصل ويعرف انه انا الي بلغت ف الموضوع بطل فيه خصوصيه

ثاني موقف راجعت دكتور عيون معروف فصار يحكي انت من وين قلت اله قال اه اجاني من عندكم فلان سوا هيك وفلانه عشان عميله هيك وقعد يعدد باسماء الناس

هاي امثله بسيطه من امثله كثيره يعني ابسط شي لما تحكي لواحد سر او موضوع يروح الشخص يفشيه لناس ثانيه بس يقول ترى لا يعرف فلان اني حكيت الكم

اتناقش انا واخوي مين يفوز الي جسمه نحيف ولا الي مليان في قتال بينهم

بوسط الكلام اقول الدهون في الجسم تحمي الاعضاء الداخليه شوف الدب القطبي قديش قوي

اختي الصغيره تقول لا شهاب احسن من قطبي

😂😂😂😂

قلت الها اه صح أحسن وانا اضحك 😂