u/Artistic-You-313

زايد إدماني للسوشل ميديا بشكل يخوف .. اليوم آخر يوم وبستقيل تجيني أعراض انسحابيه ما تجيني خلاص.. اللي قدر يوقفها فترة كيف قدرتوا وايش البدائل؟ وكيف تتخلصون من الرغبة الملحة للمشاركة؟ وكيف بالي يصير اطول؟

هل الهروب غالبًا هو الحل إذا الأمور ما تنحل ولا فيه طرق ثانيه؟

احس علاقتي مع الحب معقدة شوي، بعض الأحيان تجيني رغبة عارمة باني احب وانحب لكن احس ما عندي الطاقة الكافية او ما عندي القدرة اني اعطي الحب زي ما أنا ابيه يجيني عندي مخزون فائض لكن ما اعرف أعبر عنه ولا اطلعه .. أحتاج أحد يعطيني الأمان والمساحة ويحبني أول وبعدها أحس اني بغدق عليه وبفيض من الحب بطريقتي.. ومرات أحس اني غير أهل للحب او ليه ممكن أحد يحبني واحس جدًا صعب ان الشخص يخترق قلبي او يفهمني واتصالح مع الفكرة وتجيني أفكار منطقية مثل مصدر او جذر هذي الرغبة هل هي حقيقة او مجرد فراغ او وهم .. الخ. احسه شيء مقدس جدًا ومرات لا يعني لي اي شيء

بنظري الحياة عبارة عن مفاهيم وشعارات ونصوص قد تبدو متكرره وبديهيه في اول الأمر، لكن كل ما كبرت وعشت وشفت تصير متأصله فيك وأكثر عمقًا وفهمًا وتشعر انك قاعد تتعلمها للمره الأولى .. ولا تنسون الصلاة على النبي 🌷

صدق صدق أسوأ شعور ممكن الواحد يحس فيه بعد شعور الفقد هو شعور الوحدة وانك غير مرغوب شعور قاتل جدًا جدًا :(

المهم اني اليوم أحس بحزن شديد الله لايذوقه مسلم

https://www.reddit.com/r/SaudiProfessionals/s/QAD4GQ1IZS

- القوة القوة لا بارك الله بالضعف اي شخص شخصيته ضعيفه او طيب بزيادة يحاول يعدل وضعه من الحين ويتقوى

- حاول تخلي وجهك مبتسم دايم ومرتاح وواثق، وأسلوبك لا يصير طيب مره ولا جفس، خله راقي بس بجديه فهمتوا

- لا تلوم نفسك على اي شيء والله ما فيه شيء يستاهل (للأسف اني دايم احط اللوم علي لاشعوريًا)

- إذا خسرت صحتك النفسية عشان دوام ما فيه شيء بينفعك بعدين

- لا تتوقع دايم الناس بيلتمسون لك العذر او بيتفهمونك

- وثقوا شغلكم اول باول والبروقرس حقكم

- لا تثقون بسرعة ولا تحكمون بسرعة

- تعرف وسولف مع الناس من البداية لان بعدين بيصير شكلك غريب لو حاولت واقتنص اي فرصة للتعرف على اي احد او اي قسم

- لا تتأثرون بالناس اللي معكم ولا البيئة حتى لو كانت سامة او ما يستاهلون حاولوا تسوون الشغل بالشكل اللي يمثلكم وتتصرفون بالشكل اللي يمثلكم أيضًا..

ودعواتكم لي بالوظيفة اللي تسرني وتناسبني :)

باقي يومين ويخلص تدريبي بشركة ستارتب أنا ما ارتحت مره بالشركة وإدارتي سيئة وأنا طاقتي زيرو الحين وحامت كبدي منهم مره، فتحسون خلاص ما احاول فيهم امدد او شيء ولا احاول امدد معهم، أنا الصدق ما ودي بس اخاف أندم بعدين واحتاج ارتاح فترة بس ما ابي اطول، شايله هم كيف بلقى وظيفة واحس ثقتي بتفسي مهزوزه شوي ابي أتقوى واشتغل على أشياء .. التفكير قاعد يأكلني أكل ومحتاره

وايش تنصحوني اسوي هذي اليومين؟

ليه فيه أشخاص كذا الواحد ينعجب فيهم ويرتاح لهم بدون سبب وتحس فيه كمستري بدون ما تتكلمون؟ مدري كيف اشرح بس أتمنى فهمتوني

ابي احس بشعور الراحة لو فترة، ابي احس اني مبسوطة، ابي احس ان بالي متطمن وراضيه، إذا ارتحت ما اقدر ارتاح واذا انشغلت ما قدرت ارتاح ..

تجربة التدريب اقرب للسيئة من الجيدة وإدارتي كلها أجانب وال HR سعودي وطلب مني فيدباك للتجربة.. هل اقدر اقوله الصراحة؟

ما حضرت حفل تخرجي من الجامعة ومتحسفه مره 😔😔😔😔 وشلون يروح شعور القهر 😔😔

محتاره عندي حفل تخرج وبنفس اليوم عندي مناسبة كبيرة وكلهم فليل.. ايهم اختار ولا اروح للاثنين احضر شوي هنا وشوي هنا 🥲

ليه فجأة كذا بدون مقدمات تجي مشاعر حب مو للحياة لا.. تحس فيك حب متراكم ومحبوس وودك توديه للمكان الصح بس ما تعرف كيف ووين واذا جيت بتحطه بمكان تحس كانك تسوي شيء غريب (أنا شخص ما أعرف أعبر) وأحيانًا أبكي من كثر هالمشاعر .. أتمنى فهمتوا قصدي او أحد يمر بحاله مشابهه