بقيت بكره شي اسمو مواصلات عامة وقروشي كلها بتنتهي في ترحال والركشات
حالياً ما عندي امكانية اشتري عربية، بس صحبتي عندهم موتر قاعد في البيت ساي ..وكل صباح بنقول اسي لو سقنا الموتر دا ومشينا حيحصل شنو؟
هو ليه سواقة الموتر ما مسموح بيها للبنات؟ وهل المنع دا اجتماعي ولا بصورة قانونية؟
I started a new job about two months ago, and I've noticed that I'm working more and more..
I have a pattern of overworking to please other people and to feel like I'm good enough, so now I'm wondering if I'm actually doing what the job requires or if I'm falling back into my old pattern.
how do you tell the signs,the difference between being responsible at work and overworking because you want people's approval?
هل في كلاسات في الخرطوم؟هل الكورسات الاونلاين بتفيد لو مبتدئة؟
اي معلومة او فكرة او اقتراح لكورس
ليه نشتغل الشهر كله؟ ليه ماف اسبوع كامل اجازة كل شهر
هي البلد اصلا واقفة نحنا جارين كدا ليه؟
معقولة شهر ينتهي ويخش شهر ونحن زي الهامستر ؟!
احسن ناس يأجزو وناس يشتغلو والشهر الجاي العكس وهكذا..
​
حاليا ما متابعة مع دكتور نفسي لاني حأفلس.. فبلجأ للشكية كبديل
امبارح في عيادة الاسنان لقيت سيدة ستينية عليها مظاهر الوقار والحكمة ..طوالي بديت اشكي ليها
حكيت ليها قصتي اني عايزة قروش من واحدة وهي بتماطل واني بفكر اسافر ليها واخنقها واشيل حقي
هي في البداية انصدمت! لكن ادتني نصايح الزهاد ديك: المال بجي وبروح.. ويمكن ما عندها واستعيذي بالله..
وبعدين هي استلمت الونسة وبدت تشكي وتفضفض
انا بشوف الشكية ممكن تكون حل، لو انت بتفتش لحل لمشكلة عجزتا تحلها وممكن تلقى حلول عند ناس تانية
مش حكاية انك عاجز والدنيا جايرة عليك وعايز الكل يطبطب عليك ويقول عليك مسكين وما تستاهل
وحتى لو حسيت انك عاجز ما مشكلة اشكي عادي!
عايزة اعرف كيف بتحلو مشاكلكم ؟وهل بتحلوها في موية براكم ولا بتطلبو مساعدة؟
I've reached a stage where I feel angry at myself for being so emotionally dependent on other people. I hate how much my mood and self-worth can depend on someone else validation or presence..
I also find myself feeling angry at the people I've depended on.. I know it's not entirely their fault, but part of me is so angry.. all the time I ask myself how much power I've given them over my emotions and why?
Has anyone else gone through this stage? how did you move past the anger without turning it against yourself or other people?
​
من فترة طويلة كنت معجبة جداً بالمثقفين كيف بفكرو وكيف برضو الافكار مع بعض.. وانا ارى وانا اعتقد
تقعد معاهو يشبكك صيرورة وتشظي وكم مصطلح بالانجليزي ومخك يتعب من محاولة فهم هو قاصد شنو؟ و ارد بشنو؟ تحس انك غبي ولازم تمشي تقرأ الكتب البقترحها ليك وتسكت وهو بتكلم لانو اي تعليق ليك ممكن يوضح جهلك
بس عشان اطلع من حكاية الاعجاب المبالغ فيهو دا واحساس اني اقل بقيت الاحظ انهم بشر عاديين مشكلة صغيرة ممكن تجههجهم يعني لو قلت ليهو الله معاك خليتك لي بنات افكارك الما بتنتهو ديل! ممكن يتربك وتلقى نفسك بتتعامل مع طفل بعمر 7سنوات! توتر ،غضب،ابتزاز،تأنيب..
دا غير انو المعرفة العندهم دي ما بتزيدهم الا غرور ..يمكن يكون مفلس امو بتديهو حق السجاير والرصيد..
ينشط ويبدي ملاحظات فيك و في شغلك وفي الحياة وفي الله!
طبعاً انا بتكلم عن نوعية معينة ..وحتى في النوعية دي في ناس كتار منهم عزيزين عليّ وبالعكس بعرف انو عندهم نقاط قوة ما عندي ليها..
الاسبوع الفات كان عندنا مناسبة عائلية وكنت مسوؤلة عن جزء بسيط من الحكاية دي..
المهم كل ما اجي خاشة ان شاء الله لو معاي كرتونة صغيرة ساي بزغردو لي مسااافة كدا
ههه طبعاً انا الحكاية عجبتني جداً واتحمست شديد لدرجة بقيت اعمل حاجات ما من مسؤولياتي لمن حيلي فتر وقربت امرض
الخلاصة الوصلت ليها بعد تحليل عميق ومضني لساعات انو الزغرودة بتأثر وانا كنت قايلاها مجرد اصوات ما ليها لازمة
وطبعاً قررت انو تاني مش كان زغردو لي..كان جا الجيش انا ما بشتغل بالطريقة دي
من الطفولة وعندي حكاية اقرا اللافتات مكتوب فيها شنو ..بس اللافتات بقى ما فيها ابداع شديد
فبقيت اقرا الكلام المكتوب على التشيرتات..طبعا الكلام لو ظاهر بقراهو في ثانيتين ..نظرة خاطفة من غير ما تحس
بس المشكلة لمن يكون الكلام كتير و ماظاهر او الشخص ماسك تلفونه وجزء من النص بكون مفقود..ف بدقق اكتر والحكاية دي يمكن ما تكون مريحة للاخر
يمكن يجيك احساس الزول دا مشبهني ولا انا عجبتو؟لا ..الحكاية كلها انو في شخص بقرأ اي كلام كأنه فيهو رسالة ليهو!
بكتب الكلام دا ما عشان اسأل كيف اغير العادة دي.. لا دي من المتع بالنسبة لي ..بكتب عشان اعرف هل عندكم هوايات او عادات غريبة؟!
ايوا الكهرباء قاطعة وايوا ماف موضوع فنتكلم في موضوع من لاموضوع له! الحب.
دائما بسمع عن الحب وانه شعور رهيب والناس بتفتش عن الحب
في علاقاتي مع الناس البحبهم وبحبوني لاحظت انو هو شعور عادي يعني مافيهو اي مبالغة انت كما انت محبوب ..ما محتاجة امثل شي ..افكر قبل ما اتكلم اعمل حساب لكل شي..يعني انا حاسة بالامان معاهم لدرجة اكون حقيقتي
حتى في العلاقات العاطفية ما بشوف انو الحكاية كلها فايروركز وانا واو ويو..يعني باختصار اذا حسيت انك لازم تتصرف بطريقة ما تبعك وتغير كتير من نفسك عشان الاخر يحبك.. دا ما حب بالنسبة لي طبعا
عايزة اعرف الحب بالنسبة ليكم شنو من تجربتكم؟
I've realized that my biggest struggle is that my self-worth depends on other people's responses..I feel valuable when people need me, appreciate me, text me, or choose me..
When I don't feel productive, I feel empty and rejected..It's as if my value disappears when I'm not receiving attention or validation. Has anyone else experienced this kind of codependency? How did you start building self-worth from within instead of depending on other people's reactions?
في المواصلات والساعة يادوب 7 صباحا والناس ماشة تفتش في ارزاقها
في واحد اتحرش بي بت في المواصلات ..والبت بعد ما كوركت فيهو وقالت الا توديهو القسم
هو عامل فيها مندهش وبتلفت نظام انا ما عملت شي.. والبت دي بتألف مع ابتسامة بلهاء
عولاق زي دا ما قابلني ..المتحرش لانو غبي قايل انو لو اتحرش ونجا مرة ..ممكن ينجو كل مرة ..فعشان كدا بنصدم لمن يلقى ردة فعل ما متوقعها
انا مع انو المتحرش يتكفت لا قسم لا بخاخ فلفل..
تعبتا بعد اسبوع من المعافرة والجري والمسؤوليات المابتنتهي دي..ولاني خليت الشكية من مدة..والافكار الانتحارية خلتني لانو شافتني ما جادة
قعدتا اخطط لحياتي وقررتا انو مرحلة الشيخوخة حتكون احسن مراحل حياتي..افطر مرتين واشرب الشاي وانا قاعدة في مكاني
اليوم كله اتونس ..لا مسؤوليات لا تفكير في المستقبل لا هم لا غم ..اولادي ونسوان اولادي وأطفالهم مالين البيت
لو كحيت ساي يودوني المستشفى
ويكون عندي واحد مغترب يرسل مرة عمرة ومرة زيارة
ذكروني فوائد الشيخوخة تاني شنو..
ومدام هنالك املٌ فسنحيا
متابعة مع دكتور اسنان اللي هو يفترض احسن دكتور في المنطقة حسب اقتراحات ناس لي
في المرة الفاتت وهو بشتغل في ضرسي ..مرة يتونس مع دكتور جا خاشي العيادة ويسألو عن الاسعار وعن الشغل ومرة يسرح في الشاشة القدامو
وهم عاملين الشاشة عشان المريض يسرح فيها
والغريبة انو الشاشة بس بتعرض الناس بطوفو في الكعبة وفي الخلفية قران كريم ..يعني انا اندهشت هو بسرح في شنو ..مشاهد متكررة
بكتب الكلام دا لاني غضبتا بعد الجلسة جدا ..انو كيف ما نبهتا الدكتور دا انو يركز في شغله
حكيت الموضوع دا لكم شخص وشافو انو الموضوع عادي وبيحصل!
الشغل المخرمج والكلفتة دا شي عادي؟
بايع يعاملك بعدم احترام تشتري منو عادي ؟!
شخص بتونس بدل يركز في شغله اللي انت دافع فيهو قروش و وقت ..دا شي عادي !
بالله قولو لي الموضوع ما عادي وانو دا تجاوز وانو انا ماقاعدة اكبر المواضيع ساي😂
لي مدة بفكر في كلام محمود درويش لمن قال
"لم يمت احد تماما تلك ارواح تبدل شكلها ومقامها"
هل بتؤمن انك عشت حيوات سابقة وممكن تعيش حيوات جاية؟
هل خضت تجربة روحانية خلتك تعرف تفاصيل عن حياتك السابقة؟!
عملت شنو في حياتك السابقة وكان جزاك انو تكون عايش في السودان في هذه الحياة؟
هل كانوا سودانيين بمحض ارادتهم ؟
في حاجات كتيرة عملتها عشان الناس عملوها او الناس شايفين انو دا الصح
حكاية الصح والخطأ والناس الشايلين قلم أحمر ويصححوا من طرف ..دي بقت حكاية مزعجة بالنسبة لي..
دا غير انو انت بعد شوية تلقى روحك بتطبق نفس الطريقة مع نفسك ومع الاخرين!
تلقى روحك اتبرمجتا تماماً
فجأة تلقى نفسك متبني قيم ومعتقدات ما بتناسبك ..تتصرف زي ما الناس بتتصرف..نفس الاشياء كأنك مسخ
​
انا في مرحلة بين اني ما كان عندي حدود ولا بقدر اقول لا ..وبين المرحلة الحالية بفرض الحدود بقسوة وبكون حاسة بغضب
كيف اقدر اوازن؟
اتعودت انو ابتعد عن الناس ..بحكم انو عندي معتقدات من الطفولة انو الناس ممكن يأذوك او يستغلوك..
ولسه بؤمن انو في ناس سيئين وناس بتكون قاصدة تخليك ما مرتاح وتخليك مرتبك بس ما كل الناس كدا
مؤخراً بديت افتح قلبي بعد سنوات من الانطوائية والبعد من الناس..لسه الخوف موجود ولسه عدم الامان والاحساس انك مهدد موجود..
بس بديت اعمل حدود قدر الامكان..اقنع نفسي انو اذا حصل اي شي انا بقدر احمي و ادافع عن نفسي..
من امس عملت تحدي في تطبيق بساعد على تتبع العادات
وفي التحدي قلت اني يومي حواقول لا لشخص
لانو انا من الطفولة ما بقدر اقول لا او ارفض طلب ..وبشوف انو كدا الناس حتزعل وما حتحبني.