سؤال لأصحاب الخبرة في التجارة الألكترونية.
انا عملت تجربة صغيرة في التجارة الألكترونية، لكن المشكلة الأكبر الي واجهتني و الي خلتني نبعد على الدومان هذا هي الغلق العشوائي للحسابات الأعلانية و لصفحات الفيسبوك و للBusiness account, من قبل خوارزميات فايسبوك.
المشكل هذا مالقيتلوش حل، في ضرف جمعة تم غلق ال3 حسابات الأعلانية الخاصة بحسابي في الفايسبوك، الي خلاني نشري حساب فايسبوك جديد من الهند و رغم ذالك تم غلق الBusiness account في الفايسبوك هذا، و عملت فايسبوك جديد و صفحة جديدة و المشكل مازال متواصل، رغم الي منشوراتي مافيهم حتى تجاوز لقوانين الفايسبوك.
هنا انا حبست الخدمة و وصلت الأستنتاج انو الخدمة هاذي مرهونة في خطئ عشوائي من خوارزميات الفايسبوك معناها حتى لو خدمت لفترة طويلة من غير حتى مشكل ديما فما احتمال انك ترقد وتفيق تلقى الباج متاعك خذات Ban.
لكن اليوم انا نشوف في برشا ناس ناجحة في التجارة الألكترونية و يخدموا و يعملوا في فلوس كبيرة و ماعندهمش المشاكل هاذي مع فايسبوك.
فقط نحب أي انسان عندو خبرة في الدومان هذا و ناجح فيه يفسرلي كيفاش فك اللغز هذا و تجاوزو و ولا يخدم مرتاح بدون اي خوف من غلق الحسابات ؟