u/Average_Humanx

أهلا انا عايز اتكلم عن حاجه عندي تقدر تقول عنها "أزمة هوية"؟ معرفش المصطلح ممكن ينطبق على حالتي بس مش مهم ، كلامي ممكن ميكونش مترابط.

انا ولد و لا أدري من عائلة مسلمة ، أهلي مسلمين بس تقدر تقول مسلمين با الإسم ، عمر ما حد جبرني اروح الجامع او اقراء قرآن او الخ ، تقريبا شفت ابويا وامي بيصلو مرتين او تلاته فحياتي ، اكتر حاجة متدينه فالبيت عندنا أننا بنصوم رمضان.

بحكي كل دا عشان أوضح أني سبت الاسلام مش بسبب اني جالي تروما من الدين بسبب أهلي او المجتمع أو حاجة مشابهة.

المشكلة الي عندي إني رغم اني عارف ومتأكد أن الإسلام غلط ، وأن فيه مسلمين كتير متطرفين والخ ، بس برضو بحس بشعور مزعج لما حد ينتقد المسلمين " مش الإسلام " لمجرد العنصرية مش اكتر ، ولما اتعرف على حد جديد بيكون عندي ميول لتقبل الأشخاص المسلمين الي مش متطرفين اكتر من الملحدين من الفئة الي بتكلم عنها.

معرفش دي مشكلة عندي ولا لا بس مش بحس با انتماء لمجتمعات الملحدين " العرب " تحديداً و هقول أسبابي تحت.

دي مش عنصرية بس دا نابع من إني بشوف أغلب المجتمعات دي ناس عندها فوبيا من الدين بشكل كبير "مش بقول انهم غلط دا طبيعي عموما".

كلامي ممكن يعتبر تعميم بس هو ممكن ينطبق على فئة كبيرة بشوف أنهم سلفيين بس بالطريقة العكس ، متشددين بطريقة غريبة معرفش دا بسبب أنهم من خلفية متشددة فا حتي لما بقو ملحدين بقو بنفس التشدد و العنصرية والتطرف ومخليين الدين حاجة مهمة و محور حياتهم .

بحس أن فئة كبيرة منهم حياتهم في الأول كانت مبنية عن الدين فقط بعدها بقي العكس حياتهم مبنيه على معاداة الدين لدرجة انهم ممكن يهاجمو ضحايا لمجرد أنهم مسلمين ، عارف أن في كتار اتعرضو لاضهاد و مواقف وحشة بس مش مبرر أنك تكون عنصري وبتحكم عالناس لمجرد أنهم منتميين لمعتقد معين حتي لو كانو ضحايا.

غالباً بيكونو داعمين لحركات اليمين العنصري في أمريكا وأوروبا والخ بس لمجرد انهم ضد المسلمين ، رغم أن الفئة دي عندها نفس مشاكل المسلمين ، من عنصرية ضد المثليين وعدم تقبلهم ، للعنصرية ضد أعراق معينه.

انا كان بالنسبالي طول مراحل حياتي سواء كنت مسلم او لا أن الدين مش حاجة مهمة ، فا مش قادر افهم طريقة تفكيرهم او ليه ممكن حد يفني حياته لحاجة ذي دي .

أهلا كنت عايز نصيحة علشان ابدء فثاندرز اوالمجال عموماً ، انا لسة طالب جامعي فا يعني أنا ميزانيتي ورصيدي محدودين.

انا بحثت شوية عن الموضوع وفهمت كام مصطلح ، انا بقيت مفضل صناديق الدخل الثابت عشان الي فهمته "أنها الأقل خطراً و يعتبر قيمة فلوسك مش بتقل فبتعوض خسارة التضخم".

فا اتمني لو شخص عندو معلومة بسيطة ، فيديو ،حاجة معينه تقدر تزود من فهمي للمجال يفيدني بيها وهكون متشكر جدا.

ليه احنا متناقضين ؟ مش بقول الموضوع دا موجود بس فمجتمعنا بس لا بال موجود فكل المجتمعات مهم اختلفت معتقداتهم و افكارهم.

التناقض الي عايز اتكلم عنه هو إزاي المجتمعات بتقلل وبتستحقر قيمة الأشخاص لمجرد الاختلاف عنهم .

تجريد الأشخاص المختلفين عنك من إنسانيتهم و رؤيتهم اقل من البشر : إزاي ممكن يسخرو من أحداث مأساوية ذي ( الهولكوست ، إبادة غزة ، إبادة الأرمن ، ٩/١١ ، صيدنايا ، مجازر د١عش ) لمجرد أن الأشخاص الي حصلهم الحادث المأساوي دا مش شبههم .

في أشخاص ممكن تشوف حدث من الأحداث السابقة من الخطوط الحمراء عندهم ، حدث مستحيل تتقبل أن شخص يقلل منه او يستهزء بيه ، لمجرد أن الحادث دا مرتبط با أشخاص هو شبههم : السنة مع إبادة غزة وسجن صيدنايا ، اليهود مع الهولوكوست ، الشيعة مع مجازر د١عش ، المسيحيين مع مجازر الأرمن

بس نفس الأشخاص دول ممكن يقللو و يستهزئو من معانات الأطراف الثانيه وكأنهم شايفينهم حيوانات ومش بشر لمجرد اختلافهم عنهم فال ( المعتقد ، الجنسية ، العرق ، الميول ) و ممكن يدعم الطرف الظالم بس لمجرد انه مشترك معاه فحاجة من دول ومش متقبل الطرف الثاني.

ويزعلو لو شخص شبههم اتعرض للاضطهاد في دولة مختلفة ، بس معندهمش مشكلة يمارسو اضطهاد مشابه فدولتهم لفئة مختلفة.

هو للدرجادي صعب انك تستوعب أن الكل بشر سواسية ولازم تساند المظلوم حتي لو كان مختلف عنك في ( معتقدك ، عرقيتك ، ميولك ، جنسيتك ) بس لمجرد أنه بيتعرض للظلم ؟

ليه احنا متناقضين ؟ مش بقول الموضوع دا موجود بس فمجتمعنا بس لا بال موجود فكل المجتمعات مهم اختلفت معتقداتهم و افكارهم.

التناقض الي عايز اتكلم عنه هو إزاي المجتمعات بتقلل وبتستحقر قيمة الأشخاص لمجرد الاختلاف عنهم .

تجريد الأشخاص المختلفين عنك من إنسانيتهم و رؤيتهم اقل من البشر : إزاي ممكن يسخرو من أحداث مأساوية ذي ( الهولكوست ، إبادة غزة ، إبادة الأرمن ، ٩/١١ ، صيدنايا ، مجازر د١عش ) لمجرد أن الأشخاص الي حصلهم الحادث المأساوي دا مش شبههم .

في أشخاص ممكن تشوف حدث من الأحداث السابقة من الخطوط الحمراء عندهم ، حدث مستحيل تتقبل أن شخص يقلل منه او يستهزء بيه ، لمجرد أن الحادث دا مرتبط با أشخاص هو شبههم : السنة مع إبادة غزة وسجن صيدنايا ، اليهود مع الهولوكوست ، الشيعة مع مجازر د١عش ، المسيحيين مع مجازر الأرمن

بس نفس الأشخاص دول ممكن يقللو و يستهزئو من معانات الأطراف الثانيه وكأنهم شايفينهم حيوانات ومش بشر لمجرد اختلافهم عنهم فال ( المعتقد ، الجنسية ، العرق ، الميول ) و ممكن يدعم الطرف الظالم بس لمجرد انه مشترك معاه فحاجة من دول ومش متقبل الطرف الثاني.

ويزعلو لو شخص شبههم اتعرض للاضطهاد في دولة مختلفة ، بس معندهمش مشكلة يمارسو اضطهاد مشابه فدولتهم لفئة مختلفة.

هو للدرجادي صعب انك تستوعب أن الكل بشر سواسية ولازم تساند المظلوم حتي لو كان مختلف عنك في ( معتقدك ، عرقيتك ، ميولك ، جنسيتك ) بس لمجرد أنه بيتعرض للظلم ؟