u/AwayFlamingo4488

عندي مشكله مش عارف هي فيا ولا الناس هي اللي كدا أنا شخص طبعي حاد مش بهزر كتير مقفل نادرا لما بتكلم علي نفسي قدام حد بسمع بس مش بثق بسرعه ف حد كلامي قليل اظن ممكن تتخيلوني كل ده حلو دلوقتي بقي من طبعي ده أنا نادرا لما باخد علي حد و اهزر معاه وكدا لكن لما فعلا ده بيحصل و بعامل حد بطبيعتي وياخد عليا بحس انو بقي بيتعامل معايا ب قله تقدير واستهزاء مع ان نفس الشخص كان نفسو بس ارد عليه او اتعامل معاه وطبعا أنا اول ما بحس ده برجع العلاقه زي ما كانت ف بطلع أنا اللي وحش ف ليه ده بيحصل و برجع اندم طبعا ان خليت حد ياخد عليا ف بقيت اتوماتيك علاقاتي كلها سطحيه وده مأثر عليا لان حرفيا معنديش حد حواليا احس نفسي مرتاح وانا معاه ف حد عندو حل او يقولي المشكله فين

عندي رغبه مٌلحه ان ابقي مثقف و واعي بحاجات كتير مختلفه بس مش عارف أبد منين بحس ان عاوز اعرف كل حاجه بس في نفس الوقت أنا واقف في مكاني مش بعمل حاجه حاولت اقراء كتب بس بحس انها تقيله علي قلبي او الجو العام عندي في البيت ميخلنيش اقدر اقعد ساعه ماسك كتاب حد عندو طريقه ابقي مثقف وعندي وعي بحاجات كتير ازاي او حد عندو نفس الاحساس ده يفيدني

بحس إن بقى عندي نوع من تبلّد مشاعر.
مواقف كتير عدّت عليا الفترة الأخيرة، وأي إنسان طبيعي المفروض يحس فيها بحاجة… حزن، تعاطف، خوف، أي رد فعل.
لكن أنا غالبًا مببقاش حاسس بأي حاجة فعلًا.
مش عارف ده بسبب إني مريت بحاجات كتير خلتني أتعود وأسكت مشاعري،
ولا دي أنانية مني؟
لأني في أغلب الوقت ببقى مستني الموقف يخلص بسرعة، عشان أريح دماغي وأرجع لتليفوني وحياتي الخاصة

والأغرب إني بعد ما كل حاجة تخلص، مببقاش مهتم أعرف إيه اللي حصل بعدها أصلًا. حد عندو تفسير منطقي او عدي بحاجه زي كدا