u/Beginning_Law_5959

أنا هذاكر ..أنا نشيطه .. أنا شاطره .. أنا هقدر .. أنا قويه .. أنا كدابه

من اللي بتعمله معايا من صغري مش عايزه اكون شبها ولا زيها اكتشفت ان بقيت نسخه منها بالظبط وابتدت العقد عندي تنمو ونسبه التغير بقت صعبه او شبه مستحيله يارب اتغير...🥀

الله المستعان

دعاء سيدنا يونس (دعاء الكرب):

دعاء سيدنا يونس (من الجُبّ):

«اللَّهُمَّ يَا كَاشِفَ كُلِّ كُرْبَةٍ،

يَا مُجِيبَ كُلِّ دَعْوَةٍ،

يَا جَابِرَ كُلِّ كَسِيرٍ،

يَا مُيَسِّرَ كُلِّ عَسِيرٍ،

يَا صَاحِبَ كُلِّ غَرِيبٍ،

يَا مُؤْنِسَ كُلِّ وَحِيدٍ،

لَا إِلَهَ إِلَّا أَنْتَ سُبْحَانَكَ؛

أَسْأَلُكَ أَنْ تَجْعَلَ لِي فرجاً وَمَخْرَجاً،

وَأَنْ تَقْذِفَ حُبَّكَ فِي قَلْبِي

حَتَّى لَا يَكُونَ لِي هَمٌّ وَلَا ذِكْرٌ غَيْرُكَ،

وَأَنْ تَحْفَظَنِي وَتَرْحَمَنِي،

يَا أَرْحَمَ الرَّاحِمِينَ».

لعلني سبب في ان انا وبابا ناخد ثواب

ده دي حكايه تانيه حرفيا خطيره موت 💗

القلب السليم

* السلامة من الشبهات التي تُعارِض خبرهم.

* السلامة من الشهوات التي تُعارِض أمرهم، والاستسلام لأمر نهيه نهيهم.

> أي [الشهوات التي تعارض أمر الله ونهيه].

* السلامة من الاعتراضات على القدر (ومؤمن بالقدر خَيْره وشَرّه).

* السلامة من ألا تكون لك إرادة من هوى تُعارِض الإخلاص.

> [من الهوى الذي يُعارِض الإخلاص].

فهمتوا منها ايه؟!

اظن انها اوضح شويه اتمني تستفادوا

في بعض الورق لقيته انا وبابا في الدرج بتاعه وهي عباره عن حاجات جميله جدا كان كاتبها في شبابه

هنا كاتب وصف النبي صلوا عليه وسلموا تسليما 🌺

كتبتها بالتشكيل برضوا عشان لو خطه غير واضح...

وهنزل الباقي برضوا هما مش كتير

...

ظاهر الوضَاءة

> أي أَمَرَّ عليه صلى الله عليه وسلم حُسنُ نظرةِ وخَلْقِه لكل من رآه سواء من قرب أو عن بُعد.

والوضاءة

> أي الحسن والنظافة والبهجة، وهي مصدر وضيء (أي الحسن والجميل والنظيف)

أبلج الوجه

> أبلج الوجه = وجهه مشرق، أي مُشرِق أبيض (واسع الوجه).

> وليس المقصود هنا تباعد بين الحاجبين كما هو مشهور عند العامة؛ لأنها كانت تصفه بالقرن أي (مقرون متصل الحاجبين).

> و"أبلج" معناه: [مشرق ومضيء ومعروف بالمعروف].

لم تَعِبْه ثَجْلَة

> مستوي القامة، أي لم تَعِبْه ضخامة البطن أو عِظَم البطن مع استرخائه ولا كبره.

لم تُزرِ به صَعلَة

> رأسه ليس صغيراً ولا كبيراً ورقيقاً، والصعلة: ذهاب شعر الرأس من مقدمته إلى مؤخرته.

وسيم

> (الثابت الحسن).

قَسِيم

> أي مقسم الوجه، كأن كل موضع منه أخذ قسماً من جمال، وكل جزء منه حاز الجمال كله.

الصفحة الثانية:

في عينيه دَعَج

> شدة سواد العين مع اتساعها وشدة بياض البياض.

وفي أشفاره وَطَف

> أي أنه صلى الله عليه وسلم كان طويل شعر الأجفان مع استرخاء وغزارة.

وفي صوته صَحَل

> أي بحة غير حادة.

وفي عنقه سَطَع

> أي طويل العنق كأنه إبريق فضة.

أَحْوَر

> أي شدة سواد العين وبياض (استنارتها) ورقة جفونها.

الكَهَل

> يوجد سواد بتواضع الكحل كأنها مكحولة ولكن لم تكتحل.

أَزَجّ

> طويل الحب مع رقة فيه وتقوسه.

أَقْرَن

> أي مقرون متصل الحاجبين أو قريب الحاجبين.

لا نَزِر ولا هَذَر

> كلامه وسط في الحجم لا قليل ولا كثير، وكذلك كلامه لا قليل كلامه ولا بالكثير.

محفود

> يُسرع أصحابه ويطوفون في خدمته.

الصفحة الثالثة:

محشود

> أي أن أصحابه يحفونه ويجتمعون إليه.

لا عابس ولا مُفْنِد

> أي أنه كان دمث الخُلق، جميل العشرة - لا يجهل أحداً أو يستقل بعقله.

> والعابس: [أي ليس بالكريه أو الذي يُعامل غيره بما يكره].

> المُفْنِد: (الذي يُفَنِّدُ أفكار غيره).

والله واو الموضوع لذيذ اوي بحب الاحياء let's go يلا نحل

معرفتش احل المقالي وبعض الاسئله السمجه🥸🤡

اللي هقوله ده هجص وتهييس

دلوقتي ليه بنشبه الناس بالقمر مع انه معتم وشحات للضوء من الشمس؟

دلوقتي برضوا هو قالك انتي زي القمر يعني بيقولك انك ضلمه ومعتمه طب ليه مش بنشبه بالشمس ؟

يعني لما حد يوقلك انت/ي زي القمر يبقا شتيمه او بيقلل من جمالك؟ مع احترامي للقمر

وان القمر هو اللي بينور بليل طب ماهو استمد ضوئه من الشمس يعني الشمس هي اللي خدت فيه حسنه

طب ما نقول بعني انتي او انت زي الشمس بدل زي القمر القمر مطفي وضلمه

مش عارفه اعبر عن السؤال ولكن اتمني يكون مفهوم

راعوا ان دماغي تعبانه برضوا

بالمناسبة الصوره والسؤال دول من ٢٠٢٠ كل ما اقول انزله في مكان انسي ودلوقتي افتركت سبحان الله

شخصيتي إيجابية طول الوقت معادا

الخناقات الأسرية مبقدرش اكون اجابيه او اني اشارك رأيي او اصلح بين المتخاصمين او في البيت عامة بحس انهم مش بيسمعوا غير صوتهم

مش عشان محدش بيسمحلي بده بالعكس هما محتاجني اتكلم واشارك

بحس اني مش عايزه بيقولوا اني سلبيه تجاه الاسره واني مش بشارك لا رأيي في شئ كويس او سلبي او لو في خناقه بكون سلبيه جدا ومش بتدخل فيها

فيفهموني غلط اني حد سلبي واقل شئ يحصل بينهم او بنا مش فارقلي

انا اغلب الوقت ببقا بارده معرفش انا كده ولا بتدعي البرود لكن ده وقت المشاكل بس لكني مش كده يعني

حتي لو انا ليا حق بكون سلبيه تجاه حقي

ولكن انا محتاجه اغير من كوني سلبيه

بحس اني لو دخلت جدال او نقاش مابين متخاصمين اكون سبب في الصلح حتي لو احدي الاصدقاء مش هطلع بشئ مفيد مع ان كلامي بيبقا مقنع وكويس جدا ولكن مش بيبقي فيه اي نتيجه

فبكبر دماغي فدي تعتبر سلبيه او علي كلامهم ليا عامة

الموضوع التاني اني سلبيه تجاه دراستي جدا

مذاكرتي مش بضمير ومعظم الوقت علي الموبايل

وبزنق نفسي مذاكره نص كم قبل الدرس ودي عاده مش عارفه اطلع منها مع اني سنيني الدراسيه اللي فاتت قبل دخولي للثانويه كانت في منتهي النجاح والتفوق والتقديرات

بحس بسلبيه وتأنيب ضمير تجاه اني مش عارفه انظم وقتي واغير طريقه مذاكرتي ومراكمش او اذاكر مذاكره اي كلام بدون ضمير

او حتي لو ذاكرت بضمير مبعرفش احل وده بيحبطني اكتر🙃

المشكله اني مش باخد خطوه لقدام

واقفه مكاني حرفيا

لما اجي اذاكر باخد وقت طويييل علي محصله قليله من المعلومات بحس اني مستفدتش بالعكس انا عكيت

ده غير ان ليا جزء كبير جدا مسؤولية يعني في بيتي وتلبيه طلبات الحاج والحاجه لظروفهم المرضيه ولكن اوقات بحس ان مش بلاقي وقت لا للمذاكره ولا لنفسي ك انا

ولا وقت لاي حاجه

خايفه اني لو عملت جدول اظبط فيه مواعيد مذاكرتي ودروسي ومسؤولية بيتي وابعد عن الموبايل تماما "اديه للمجلس الاعلي"

انا لو ممشتش علي الجدول ده هحبط اكتر مع ان مستويا كويس ودماغي عاليه بس محتاجه ابذل مجهود حتي الدروس الاون لاين متراكمه عليا عشان مكبرين دماغهم تجاه انهم يخلصوا موضوع الواي فاي انا مش فاهمه ليه بجد

بس طول الوقت سلبيه واحباط حتي كلام الأسرة تجاهي في منتهي الاحباط ده اللي مخليني شايفه ان مفيش مني فايده واني فسدت نفسي بنفسي

بشوف مستويات اصحابي بتتقدم عن ما كانوا زمان مش ببحقد عليهم بالعكس بدعيلهم بالتقدم اكتر ولكن انا لسه في مكاني وللاسف انا متعوده علي المقارنة فطول الوقت بقارني بغيري "كانا مش مقارنه من نوع الظروف الماديه "

بس كده 🤝

بالاخص لما تتناقش في الصح والغلط

قصص القرآن كتير والأنبياء وقصصهم كتيره بس انا اخترت ٣ احكي عنهم بسم الله الرحمن الرحيم نبدا

1 قصة نبي الله يعقوب عليه السلام (شدة الحزن والفراق)

2قصة أم موسى عليه السلام (ضيق الصدر وشدة الخوف)

3قصة مريم عليها السلام (ألم العزلة وشدة الضغوط والظلم)

صلوا على النبي...

الفصل الأول: سيدنا يعقوب.. لما الحزن يتعب الجسد

سيدنا يعقوب مكنش مجرد أب فقد ابنه ده نبي يعني واصل لأعلى مراحل الرضا بالقدر

ومع ذلك الحزن البشري غلبه القصة بتبدأ بصدمة "الخيانة" من أقرب الناس..

ولاده كذبوا عليه وجابوا قميص يوسف بدم مزيف وقالوا "أكله الذئب"

يعقوب من صدمته لخص الموقف في جملة عبقرية تعبر عن قمة الألم :

{وَجَاءُوا عَلَىٰ قَمِيصِهِ بِدَمٍ كَذِبٍ ۚ قَالَ بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ ۖ وَاللَّهُ الْمُسْتَعَانُ عَلَىٰ مَا تَصِفُونَ}

الصبر الجميل هنا هو الصبر اللي مفيش فيه شكوى للبشر..

بس الصدمة الحقيقية مكنتش هنا

الصدمة كانت بعد سنين طويلة لما الجرح القديم اتفتح تاني بفقد ابنه التاني بنيامين هنا بقى الصدمة النفسية انفجرت في شكل جسدي..

سيدنا يعقوب دخل في نوبة بكاء واكتئاب حاد لدرجة إن عينه ابيضت وفقد بصره كلياً من كتر الدموع..

القرآن بيوصف الحالة دي :

{وَتَوَلَّىٰ عَنْهُمْ وَقَالَ يَا أَسَفَىٰ عَلَىٰ يُوسُفَ وَابْيَضَّتْ عَيْنَاهُ مِنَ الْحُزْنِ فَفهُوَ كَظِيمٌ}

كلمة "كظيم" دي يعني كاتم جواه حزنه

ولاده لما شافوه متهالك وجسده بيضيع قالوا له أنت هتفضل تفتكره لحد ما تموت؟ فطلع من جواه سر القوة النفسية اللي خلت عقله ميتجننش في السنين دي كلها.. قالهم: أنا مفيش بشر يستحمل شيلتي أنا هروح لصاحب الأمر:

{قَالَ إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لَا تَعْلَمُونَ}

والنتيجة؟ لما فرغ شحنته الحزينة في سجدة لربنا رجع له يوسف ورجع له بنيامين والقميص اللي كان سبب الوجع الأولاني بقى هو سبب الشفاء..

اتحط على وشه فرجع يشوف تاني

الوجع مكانش دائم.. كان مجرد مرحلة إعداد لفرحة أكبر بكتير

الفصل الثاني: أم موسى.. "رعب الفقد" والقلب اللي فضي تماماً

تعالوا نتخيل الـ "Panic Attack" أو نوبة الهلع في أعلى صورها..

أم موسى عايشة في مجتمع محكوم بملك بيقيس قوته بعدد الأطفال اللي بيذبحهم الست دي ولدت ومفيش في عقلها غير فكرة واحدة: ابني هيتذبح ربنا ألهمها بحل وهو

. ارميه في النيل!

{وَأَوْحَيْنَا إِلَىٰ أُمِّ مُوسَىٰ أَنْ أَرْضِعِيهِ ۖ فَإِذَا خِفْتِ عَلَيْهِ فَأَلْقِيهِ فِي الْيَمِّ وَلَا تَخَافِي وَلَا تَحْزَنِي ۖ إِنَّا رَادُّوهُ إِلَيْكِ وَجَاعِلُوهُ مِنَ الْمُرْسَلِينَ}

نفذت الأمر بس اللحظة اللي الصندوق اختفى فيها وسط الموج الست دي جالها حالة صدمة نفسية مرعبة.. القرآن عبر عنها بجملة إعجازية: {وَأَصْبَحَ فُؤَادُ أُمِّ مُوسَىٰ فَارِغًا}..

يعني إيه فارغاً؟ يعني مش حاسة بوجود جوزها ولا بيتها ولا ولادها التانيين..

عقلها اتمسح ومبقاش فيه غير صورة ابنها وهو بيغرق أو بيتذبح

لدرجة إنها من كتر الرعب كانت خلاص هتصرخ وتقول يا ناس ابني في البحر ام يا جدعان ام ابنها بيضيع متخيلين كميه الألم ووجع القلب

لولا إن ربنا ربط على قلبها كان زمنها اتجننت:

{إِن كَادَتْ لَتُبْدِي بِهِ لَوْلَا أَن رَّبَطْنَا عَلَىٰ قَلْبِهَا لِتَكُونَ مِنَ الْمُؤْمِنِينَ}

الرباط ده هو السكينة اللي بتنزيل عليك فجأة وسط الكارثة تخليك هادي ومش فاهم إزاي وسبحان الله كتير مننا بيحسه

بتدبير ربنا الولد راح لقصر فرعون ورفض كل الرضاعات خالص..

وبأمر ملكي رجع لحضن أمه عشان يرضع.. تخيل! رجع لها بمرتب وبحراسة مشددة من نفس الجيش اللي كان جاي يدبحه

{فَرَدَدْنَاهُ إِلَىٰ أُمِّهِ كَيْ تَقَرَّ عَيْنُهَا وَلَا تَحْزَنَ وَلِتَعْلَمَ أَنَّ وَعْدَ اللَّهِ حَقٌّ وَلَٰكِنَّ أَكْثَرَهُمْ لَا يَعْلَمُونَ}

متخيلين ربنا عمل ايه سبحان الله بجد واحده ابنها بيضيع او اتهيقلها انه ضاع قدام عنيها ربنا حقيقي كبير ورحيم بعباده ربنا سبحانه وتعالى اقرب الينا من حبل الوريد وارحم علينا من امهاتنا

الفاصل الثالث: السيدة مريم.. ألم العزلة و"يا ريتني مت"

بنت من عائلة شريفة ومتدينة جداً..

فجأة بتلاقي نفسها حامل بمعجزة إلهية بس المجتمع مبيفهمش المعجزات..

المجتمع بيفهم "الفضيحة" مريم واجهت أشرس أنواع الضغط النفسي والاجتماعي

لدرجة إنها سابت بيتها واعتزلت في مكان مقطوع..

تخيلوا بنت تحمل بدون زواج سبحان الله حقيقي معجزه كبيره اوي تخيلوا كم الوجع والاتهامات اللي هي خايفه منها وقد ايه هي لو حد عرف هتبقي فضيحه لدرجه انها تمشي وتعتزل في مكان بعيد وتمر بكل حاجه لوحدها

جالها وجع الولادة وهي لوحدها.

مفيش دكتورة مفيش أم تطمنها او تحضنها

مفيش كتف تسند عليه الوجع الجسدي مع رعب بكرة هقول للناس إيه وهيظلموني إزاي خلاها تنطق بأصعب كلمة ممكن تطلع من إنسان مؤمن.. تمنت الموت وزوال الأثر:

{فَأَجَاءَهَا الْمَخَاضُ إِلَىٰ جِذْعِ النَّخْلَةِ قَالَتْ يَا لَيْتَنِي مِتُّ قَبْلَ هَٰذَا وَكُنتُ نَسْيًا مَّنسِيًّا}

الآية دي بتثبت إن الوجع النفسي لما بيزيد عن حده مبيفرقش بين حد صالح وحد عاصي..

الكل بيتألم بس ربنا طبطب عليها فورا..

ناداها صوت من تحتها يقولها متخافيش

وانفجرت مية تحت رجليها ونزل لها أكل ولما رجعت لقومها وشايلة ابنها وبدأوا يطعنوا في شرفها وعفتها بمنتهى الظلم والافتراء

{فأَتَتْ بِهِ قَوْمَهُ تَحْمِلُهُ ۖ قَالُوا يَا مَرْيَمُ لَقَدْ جِئْتِ شَيْئًا فَرِيًّا * يَا أُخْتَ هَارُونَ مَا كَانَ أَبُوكِ امْرَأَ سَوْءٍ وَمَا كَانَتْ أُمُّكِ بَغِيًّا}

مريم التزمت الصمت سابت المعركة لربنا ربنا مخلهاش تدافع عن نفسها..

ربنا خلى الرضيع اللي في المهد ينطق ويزلزل المكان ويبرأها قدام عيونهم كلهم:

{قَالَ إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيًّا}

سبحااان الله لا اله الا الله بجدد الطفل اللي لسه مولود يبرأ امه حقيقي معجزه تلمس القلب

ده الله سبحانه وتعالى يا جماعه بقي

صلوا على النبي

المهم نكمل..

الظلم اتمحى في ثواني والوجع اللي خلى مريم تتمنى الموت بقى هو السبب إن اسمها يتخلد في كتاب يُتلى ليوم القيامة

وبكده خلصت اختصار ال ٣ قصص منكرش اني هديت شويه بس مش اوي 🥸

المهم

الخلاصة يا اصدقائي . القصص دي مش عشان نبكي عليها.. دي معمولة عشان لما تحس إن حزنك عميق زي يعقوب أو خوفك مرعب زي أم موسى أو الظلم كاسرك زي مريم.. تفتكر إن دي "مشاهد" في رواية حياتك وربنا مش بيفرق مابين عبد وآخر والفرج دايماً بيجي من الحتة اللي مستحيل تتخيلها وقد ايه ان ربنا رحيم بينا اوي وبيربط علي قلوبنا

لو عندي غلط في ايه حاجه صححوها جزاكم الله خيرا 💗✨