u/BismuthMind

انا جاي و انا متعب بس جاي و انا فخور انا النهارده ذاكرت أو بمعنى أصح قدرت اغلب مغريات عشان مسؤوليات و كنتيجة ذاكرت النهارده أو مقطعتش النهارده

عموما لو حد فاكر ف المفروض كنت أنا قايل أن كل عشر ايام إجازة بس النهارده مس إجازة رسميه ف قولت و ايه المشكلة لما آجلها ليوم أجازة رسمية و ابقى ارتاح و قد كان ابدأ بقى من اول اليوم اني صاحي بدري عن امبارح و نزلت بسيف المسؤوليات اللي على رقبتي و فعلا اديتها كويس و تمام و بعدين طلعت على محاضرتي و ما شاء الله ي أخواتي يوم بعد يوم بتأكد انا مبقتش افهم حاجه و لازم اشتغل لوحدي لو عايز اتقدم للأمام عموما تمام و وقت و عدى و رجعت السكن اتغدى و نزلت تاني بس للمكتبة و ذاكرت و راجعت و في النص حبيت اكسر الموود قولت اروح اكسر بحاجه حلوة و كنت قلقان اتبعي لو معرفش ارجع بس رجعت و كملت مذاكرة بس طالع انا سرحان مش شايف حد ولا شايف حاجه و كنت ناوي اروح اجيب وجبة اكلها بس صادفت صحابي و روحنا نجيب سناكس بدلا من أكل و جبت كذا حاجة بس مسافة ما رجعت كلت كل حاجه و طالع السرير انا خلصان انا مكسر حاسس ان مفيش و اني تعبان بس عادي الحمدلله و اختم زي كل يوم كالعادة اني ادعيلك يا اللي بتقرأ دلوقتي أن ربنا يوفقك و يكرمك و يرزقك من واسع فضله و قدرته عليك

مايو أربعة ما بعد النصف لعالمنا الحالي من جانب المذاكرة لا اقدر اني اقول اني تقدمت تقدم من ناحية المذاكرة و لكني اقدر اقول اني اتعلمت النهارده درس انساني أو درس تحطه نصب عنيا لما هو بعد تبدأ اقولك اني و لاول مرة أحلم من فترة كبيرة بشكل محترم مبالغ فيه و كان حلم أشبه بتنفيس عقلي و كان فعلا يحمل أشخاص اشاركهم مشاعر إيجابية و أخرى سلبية و اماكن مش فخور اني كنت فيها و اخرى عادي و حمل أفعال مني لا اتحملها في الواقع و اخرى تصنع مني شهم أو الجنتل مان اللي احب اكونه في الحياة الواقعية و أشخاص كنت اتمنى يبقى ليا انطباع افضل عندهم و أخريين مشوفتهمش الا في احلام سابقه و كذلك اماكن أيضا مشفتهاش الا في حلم سابق و علامات و دلالات صغيرة لكن معناها جلي و ده حطني الاول في حيرة و لكن المهم اتعلمت بعدها أصبت ببعض الكسل و بدل ما اقوم أنا رجعت نمت تاني و لولا برمجة جسمي على مواعيد يومي لكان فاتتني محاضرتي اللي أيضا ادائي فيها كان كارثي و بعدين افاجئ بخبر مش يبث ب سرور اوي في نفسي بعد المحاضره مباشرة و هنا كان ليا رد فعل رفض قوي غير مبرر بس لما رجعت لنفسي اكتشفت أن مينفعش اترك احساس عدم تقبل التغيير يحكمني بدون الرجوع لعقلي و تحليلي اللي بعتبره اصلا نقطة من نقاط قوتي من غير سبب وجيه طالما مفيش ضرر صريح و أن ممكن اعطي فرصة للي حواليا من أوضاع و اشخاص زي ما احب أني اخد فرصة تانيه و فعلا خدت القرار اللي مفروض صحيح و نتيجة لده بردو جهزت انا شخصيا بتغيير بعض من المسؤوليات اللي عليا بخصوص التغيير القادم اتجاهي ده بالفعل و دي خطوة إيجابية ف انا اليوم ادبني و لكن مكنش فيه متسع اني اذاكر انا اهو في نهاية اليوم امتثل أمامكم كلا من اني سعيد لما أدركته كإنسان و حزين لما مكنتش قادر اني احطه في يومي من واجب و مسؤولية من مذاكرة وسط يومي و طبعا منساش اختم زي كل مره بأني ادعيلك يا اللي بتقرأ دلوقتي أن ربنا يوفقك و يكرمك و يرزقك من واسع فضله و قدرته عليك

ازيكم ي حلوين عاملين ايه النهارده ، النهارده انا بدأت بصحيان بدري لمحاضرة بدري (ابدر معاد ممكن يحطوه) خدت المحاضره خلصت و طلعت فطرت و لقيت ناس صحابي قعدت معاهم كن ع من الونس خلصنا و طلعت انا على المكتبة ذاكرت و راجعت على القديم و بعدين رجعت السكن نوع من اني اريح و عشان الغدا و رجعت شوية بعديها كده المكتبة ذاكرت تاني و بعدين بدأت الكام الإضافة اللي كنت حابب اضيفهم (كنت اتكلمت في بوستين سابقين عن الموضوع ده) و يعتبر حققت 1.5/2 من المهمات اللي قابلة للتنفيذ للنهارده و احتمال و انا أتمنى اعرف اكمل النص من اتنين الباقي ده قبل ما انام النهارده و ممكن أسهر ساعة من نفسي كده عشان بكره محاضرة بعد الظهر و ده يساعدني شوية و في نفس الوقت بردو عايز اصحى بدري عشان انزل المكتبة قبل المحاضرة الحق اعوض اللي ضاع هنا بشغل الصبح بس عادي المهم اني أختم كالعادة اني ادعيلك يا اللي بتقرأ دلوقتي أن ربنا يوفقك و يكرمك و يرزقك من واسع فضله و قدرته عليك

اعزائي الزيتونين كده اغيب امبارح و محطش بوست و محدش يعبر ولا يسأل فيا عموما عادي هقول الدنيا تلاهي و انت كنتو مشغولين مش اكتر كنت امبارح مطبق يومين على بعض و نمت بدري من التعب و نايم 11 ل 12 ساعة

صاحي النهارده مش بدري بس بردو مش متأخر حبة و نزلت ذاكرت الصبح في المكتبة و كانوا حبة حلوين و فيهم بركة و رجعت السكن عشان الغدا اللي اخد مني وقت شوية و بعدين ريحت كده حبة ع السرير بس منمتش و نزلت رجعت المكتبة ذاكرت بس اقل من اللي كنت مخططله الذاكره بعد ما ارجع تاني المكتبة و عوضت ده في اني كتبت جدول من الحاجات اللي عايز أضيفها عشان احسن تحصيل و ادخالي للمعلومات و استخدامها احسن بس يارب تنفع و يارب اعرف اسمتر عليهم عشان الفترة دي انا حاسس بمقاومة شديدة في كل حاجه أن كان في حق نفسي ، حق علاقاتي ، حق اللي حواليا ، حق المذاكرة حاسس فعلا بمقاومة و بتقلب معايا في فتور في المجهود بس كلمت حد من الدفعة اللي اكبر مني كذا سنة و قالي لا و تعالى ع نفسك و انا مش احسن منك انا لما اعرف ابطل عادة سيئة (كان مدخن و بطل بقاله شهر او شهر و نص) تبقى انت كمان قادر و قدها و انا واثق فيك و انت فيك بوتينشال و كده يكون يومي انتهى و أن شاء الله بكرة احسن ليا و ليك ة اختم كلامي زي كل يوم كما تجري للعادة أن ربنا يوفقك و يكرمك و يرزقك من واسع فضله و قدرته عليك

النهارده صحيت الصبح بدري غير مدرك و غير مصدق ان احنا وصلنا نص الشهر اللي هو ماذا حدث احنا ازاي وصلنا هنا و ليه كده طب والله اخر مره مش هعمل كده تاني بس متعاملنيش كده و النبي و بعدين قولت استغفر الله مينفعش احلف بالنبي (خليك احسن مني و قول بالله عليك بدل والنبي) المهم بعدين جلسة الندم قومت من على السرير و الحمدلله نزلت ذاكرت شوية و صراحة معرفتش اكمل بس ذاكرت رجعت خلصت حاجات واقفة عليا في السكن زي غسيل مواعين و غسيل هدوم و رجعت نمت انا قولت هنام حبة بساط و اصحى انزل عشان عندي شوز عايز اروح اصلحه ولا حاجه بس عدى على معاد قفل الراجل ساعتين و انا نايم ف استسلمت للامرر الواقع و نزلت اتغديت و طلعت على المكتبة و اتمشيت حبة و رجعت السكن اختم يومي بس بردو لسه عند النقطة بتاعة عايز اقعد مع نفسي بورقة و قلم افند النقط و الحاجات الجديدة اللي حابب ازودها على مذاكرتي و بس كده ده يومي سو فاار و أختم كالعادة اني ادعيلك يا اللي بتقرأ دلوقتي أن ربنا يوفقك و يكرمك و يرزقك من واسع فضله و قدرته

النهارده صحيت بدري بس صراحة النهارده الصبح مستغلتوش زي ما المفروض تبع الخطة قعدت في الأوضة كده قلبت و قعدت على فيلم و فطرت على ما جه وقت المحاضرة صحيت زمايلي في السكن و نزلت المحاضرة حبة على ما خلصنا و اتغديت نزلت ذاكرت مسكت الجديد و مراجعه حبه لحد ما المكتبة قفلت اتمشيت كده روحت قعدت في المكان اللي بحبه قعدت فيه لحد ما وقت اتأخر عليا و راجع بجري بنهج و واخد دش مطول اه بس ي اخي الواحد منبسطش في دش كده بقاله فترة و كده يبقى موجز اليوم المهم أختم البوست كالعادة اني ادعيلك يا اللي بتقرأ دلوقتي أن ربنا يوفقك و يكرمك و يرزقك من واسع فضله و قدرته

لو حسيت إن يومك عدى من غير إنجاز و بدأت تحس بالاحباط؛ أذكر الله

لأن الذكر ممكن يغفر ذنب ،يكتب حسنة، يرفع درجة، يبني بيت، يزرع نخلة في الجنة، يكون عدل تحرير رقبة يعتق من النار

كل دي انجازات حقيقية و ملموسة هتشوف حصادها بنفسك في الحياة و الآخرة بسبب اللي بتعمله في يومك ده

الايام عدت بسرعة وادينا يوم 13 من غير سابق إنذار عموما أشير انا دلوقتي يومي اللي بدأ بمحاضرة بدري و كنت لابس و متشيك لدرجه ان الدكتور وقف المحاضرة في النص و قالي انا عاجباني البابيون بتاعتك و اللي كانت لافتة لطيفه صراحه منه تخلص المحاضرة و اخلص انا بعض المهمات المتأخرة ليا زي غسيل و سرير و استثمار في الحتة دي عشان بقالها فترة متعملتش بعد الاكل نزلت المكتبة ذاكرت حبة و حاسس النهارده المذاكره احسن من امبارح بس لسه بردو مش كفايه فعلا الفترة دي انا اه بشتغل انا مستمر بس في فرق كبير و ملحوظ ربنا يرجعني لمستوايا السابق زائد اني ليه هزود كمان انا فعلا مش حمل تأخير أو تقصير و بعدين نزلت اتمشيت و خدت سيشن و حبة انبوت و كان مفيد النهارده صراحة اقدر اقول فتح عيني على حاجات غفلت عنها و رجعت الأوضة قعدت ع الموبيل شوية و كده يخلص يومي و انام . أختم كالعادة اني ادعيلك بأن ربنا يوفقك و يكرمك و يرزقك من واسع فضله و قدرته عليك

النهارده صحيت بدري نزلت جهزت نزلت ذاكرت حبة و استغلال أن النهارده إجازة مفيش حبه رجعت السكن و نمت و صحيت يعتبر نتأخر نزلت كده عشان كان في امتحان تجريبي بس صراحة منبسطش بالنتيجه عرفت غلطاتي اللي عملته و انا داخل الامتحان خلتني مأديتش احسن حاجه او مدخلاني و انا برا الموود للامتحان و واخد وقت بس رجعت اتغديت و نزلت ذاكرت بعدين نزلت اتمشى و لقيت صحابي من غير تظبيط بيلعبوا تنس لعبت حبه و بعدين لقيت ناس بتعزمني ع لعب طايرة لعبت بردو حبة كده و بعدين روحت لحد صاحبي بروحله عشان امارس اللغه معاه كلاما و اتبسطت و بعدين رجعت السكن و عايز انام بدري عشان بكره محاضرة بدري جدا شكلي اصلا مش هاخد كفايتي نوم و بس كده we call it a day بس فعلا عايز يوم احط و اكتب كل حاجه عندي هامش تطور عشان اطبقه من الايام الجايه كلها و اختم ي اخواتي زي كل يوم ربنا يوفقك و يكرمك و يفتحلك أبوابه من وسع و يشرحلك صدرك و ييسرلك ايامك

اهلا وسهلا شعب الزيتون اللطيف

بلغتكم أن امبارح كان اجازاي و شكلها كانت كسرة للزخم اللي كنت ماشي بيه ف صحيت متأخر و هو شئ عايز اغيره بذات لما يبقى يوم محاضرات المهم روحت ذاكرت مكملتش كتير و روحت حضرت ماتش كورة للفرقة بتاعتنا لانه كان النهائي ف حبيت اني اروح بردو اشوف الدنيا هناك و ماشاء الله كان أداء غير مشرف لليقربلنا و اللي ميقربلناش و لكن يكفي علينا أننا وصلنا نهائي بس فعلا لاعيبتنا كانوا ع أعصابهم و ده طبعا سبب من اسباب خسارتهم هارد لاك ليهم طبعا و طلعت انا ع المحاضرة بتاعتي اللي اتأهرت عليها أو اتسجلت تأخير عن اني فعلا كنت متأخر ولا لا بعد المحاضرة رجعت السكن عملنا الغدا بعد الغدا كنت أنا تقلت شوية بس خدت دش و نزلت و بردو ذاكرت حبه بس صراحة مش كتير يعني اليوم كله خلصان ع محصلة مش كبيرة اوي مقارنة لايامي السابقة ف عايز اعدل كتير و ارجع اتحسن و في اجازتي الجاية اخد بالي من موضوع الزخم ده عشان موقعش في الغطلة دي تاني بذات لما يبقى فترة انا عارف اني ببذل و محتاج الذل فيه مجهود محترم

بشكركم لقرايتكم و اختم أن ربنا يوفقك و يكرمك و يرزقك من واسع فضله و قدرته عليك