فعالية بسيطة
قررت على غير العادة أعمل فعالية بسيطة.
بما أن نقص الثقة، التفكير السلبي، وجلد الذات من أكتر المشاكل النفسية أنتشار. واللي مش بتتاخد بالغالب على محمل الجد بسبب تصديق الشخص ليها (وأنا شخصيًا من الناس دي)
قررت نعمل فعالية بسيطة، أنه كل واحد يمسك نفسه ويفصفص جو ذاته شوية عن الحجات الحلوة زي ما بنعمل مع الحجات الوحشة.
تقول أيه الحجات الايجابية اللي بتحبها بنفسك، وايه العيوب اللي شايف انك تقدر تحسنها لو التفت ليها فعلاً بعد ما تقعد تجلد نفسك بخصوصها.
ذكر الحجات الايجابية تجاه نفسك وجانبك من المواقف السيئة اللي بتجلد نفسك بسببها بيقلل من الأحساس (الزائف احيانا) بتأنيب الضمير.
ودي حاجة قررت اخد خطوة فيها بعد سنين من كرهي لنفسي لحد الأن، وانه أجرب اتعامل مع ذاتي كشخصية مستقلة بدافع استدعاء الرحمة الشخصية. وممكن نبدأ مع بعض اننا نحب نفسنا ونحاول نطور منها واللي ما نقدرش نغيره، نتقبله لأنه بالنهاية...
جزء منك.
والكراهية مش بتصحح ده.