u/Cameilo

- الإنجليز المستعمرينا ديل انتهينا منهم ؟!

= اي الحمدلله أخذنا الإستقلال من سنة 1956

- يا سلام يااااخ ، واسي الحكم عندنا نظامه شنو ؟!

= عسكري

- كيف ترضوا بعسكري ، وين القادة المدنيين والمثقفين المتعلمين

= هو بعيداً عن موضوع المدنيين دا ، بس العسكري دا جاء بإنقلاب وقبله برضو كم عسكري جوا بإنقلاب برضو

"بعد حسرة ونفس عميق"

- اها طيب ولسه احنا اكبر دولة عربية ولا في دول جديدة ظهرت اكبر مننا ؟!

= اراضينا اتسرقت

وجزء منها غرق بسبب بناء سد

وجزء منها مُحتل

والجنوب انفصل فما بقينا اكبر دولة ...

وفي دول جديدة ظهرت ، لمن بتحاول تتحكم فينا وتحدد مصيرنا كمان

- لكن طبعاً احنا اكيد اثبتنا اننا سلة غذاء العالم ، صح؟!

= مواردنا اتسرقت واتباعت

- الذهب والمعادن ؟!

= اتسرقوا ولسه بتسرقوا وبتم تهريبهم

- دا منو البخش جوا البلد وياخذ الذهب ويهربه وكيف ما مسكوه؟!

= سودانيين وقاعدين في السلطة فـ مافي زول بسألهم ولا بحاسبهم

- طيب اخبار الصحة والتعليم والسلام شنو ؟!

= اتدمروا ، الامراض متفشية وفي سوء تغذية .. تعليم متدني ونسبة امية كل يوم بتزيد .. الحروب ما وقفت واسي زاتو عندنا حرب كبيرة ليها اكتر من 1000 يوم ، واساسا ما متقبلين بعض ، وعندنا عنصريات مختلفة و متنوعة

- لا حول ولا قوة إلا بالله ، طيب والزراعة والثروة الحيوانية ؟!

= الزراعة مؤجرينها لدول تانيه بالخسارة علينا وهم بستفيدوا ، والثروة الحيوانية بعنا إناث الماشية والباقي بطلع تهريب

- يلا على الاقل عندنا ثروة مائية ضخمة ، ولا حصل فيها حاجة برضو ؟!

= بالزوق يا حاج .. اتقسمت كمان

- اتقسمت؟!!!!! ، طبعاً إحنا اكبر حصة صح؟!

= ما عارف اجيبا ليك كيف يا حاج ، لكن للأسف لا

" ارتفاع في الضغط مع مبادئ تجلط الدم"

- يلا كله بتعوض ، احنا لسه ارض الحضارة وآثار اجدادنا بتشهد

= اتسرقت واتهربت برضو يا حاج ، والفاضل منها اتدمر

- والشعب وين من دا كله؟!

= والله ما عارف اقولك شنو ، خليها بالنية بس يا حاج

الحاج رجع للغيبوبة تاني واخر أمنياته كانت انه ما يفوق تاني

الشخصيات:

- الاخ الكبير : لا يعمل مسؤول عن حماية البيت و اخوته ، يفترض انه قوي عصبي لا يتساهل مع اخوته ولا يتنازل عن حقه .

- الاخوان : يعملون ويدافعوا لأخيهم مبلغ ثابت لمساعدته وحمايتهم وحماية المنزل .. يحاولوا ان يقنعوا الاخ الكبير ان هناك حرامية يريدون سرقة البيت لكنه لا يصدقهم ويتجاهل تحذيراتهم .

- الحرامي : يحاول الاستيلاء على المنزل وسرقة مقتنياته

في حرامي دخل على بيت عشان يسرقه "بمارس عمله العادي والطبيعي" اها اثناء ما هو بقوم بسرقة البيت "بعمل شغله" دخل على واحدة من الغرف ، الشخص النايم في الغرفة صحى بصوت الحرامي والحركة وبسبب الخوف طوالي وراه مكان القروش .. كبير البيت سمع الاصوات شال بندقيته ومشى على الغرفة ، لمن عرف الحصل قال لأخوه انت الغلطان ولو ما كنت وريته مكان القروش ما كان سرقنا وكان حيطلع يفتش على بيت تاني .. وطرد اخوه من البيت وقعد الحرامي معاه بحجة انه يأمن شر بقية الحرامية في الحي .

بعد فترة حصل نفس الشي وجاء حرامي في البيت ودخل على واحدة من الغرف وصحى الشخص النايم وهدده لو ما وراه مكان القروش وين حيقتله ، طبعاً من الخوف اضطر انه يقول مكان القروش وين .. اخوه الكبير جاء الغرفة وعرف الحصل ، حمل اللوم للاخوه المسكين انه ما قدر يواجه الحرامي المسلح بـ ايديه العازلة واستسلم للحرامي .. طرد اخوه وقال له انت جبان وما حتقدر تدافع عني او عن البيت ، وخلى الحرامي التاني يقعد معاه في البيت لنفس الحجة الخلته يقعد الحرامي الاول معاه .

بعد فترة تاني حصل نفس الشي ، حرامي دخل البيت ومشى على واحدة من الغرف .. بس الاخ اللي كان لمن صحى ما استسلم للحرامي ولا خاف لكنه واجهه بكل شجاعة بس في النهاية الحرامي قتله .. الاخ الكبير بدل ان يثأر لأخيه حمله نتيجة مقتله وان اتسبب في كدا لنفسه ، وقال انه كان ممكن يكذب على الحرامي او يعمل اي شي تاني غير انه يواجهه وفي النهاية الغلطان .. طبعاً عمل نفس الشي مع الحرامي زي ما عمل مع اللي قبله .

اتكررت الحكاية كتير وكل مرة يا في اخ بموت او الاخ الكبير بطرده من البيت ويستقبل حرامي جديد مكانه .. لحدي ما بقى الاخ الكبير براه في البيت بدون اخوانه وسط عدد كبير من الحرامية عايشين معاه في نفس البيت وبصرف عليهم .. في النهاية الحرامي. قتلوا الاخ الكبير واستولوا على البيت وسرقة كل شي موجود.

ملاحظة: هذه القصة من وحي خيال المؤلف واي تشابه مع الواقع فهو من باب الصدفة ليس إلا .

تواصل مجموعة البربري التوسع في الخرطوم وبورتسودان وتعلن عن فرص وظيفية في عدة تخصصات ضمن بيئة عمل مهنية مستقرة بخبرة تمتد لأكثر من 120 عاماً.

ELB Group continues its expansion in Khartoum and Port Sudan and is hiring across multiple positions within a professional work environment backed by more than 120 years of experience.

التقديم متاح للخريجين الجدد وأصحاب الخبرات
Applications are open for fresh graduates and experienced professionals.

📧 hr@elbarbary-group.com
يرجى كتابة اسم الوظيفة في عنوان الإيميل
Please mention the job title in the email subject line.

⏳ آخر موعد للتقديم | Application Deadline:
20-05-2026

happy birthday comrade

خرجت *رؤي جلال الدين صالح احمد* والبالغة من العمر 34 عاما من عملها بعد صلاة التراويح بشارع ضياء في طريق عودتها الي المنزل باللبيني هرم ..دوار العمدة يوم الاحد الموافق 15 مارس وانقطع الاتصال بها منذ تلك اللحظة ، ولم يتم العثور عليها حتي الآن .

ترتدي بنطلون اسود وجكت مخطط اسود باحمر

نداء الي كل الإخوة السودانيين بمحيط شارعي فيصل والهرم بالمساعدة في البحث والاتصال علي الارقام التالية في حال العثور عليها .

الاتصال :

01507144943

01108053545

تم شطب البلاغ