u/Capital-Swimming5794

Why tf do i get bored of eveything every second حرفياً اي من اي شي حتى من نفسي وماعرف اثبت على شي وماعرف شنو اريد

I love attention I admit that hell yeah شنو الغلط لمن تحب الاتنشن واحس شي عادي اغلبنا عندنا هذا الشي ونحبه بس يكرهون يعترفون دائماً حتى من احنا وصغار نحب الاتنشن لان هي هيج ونحس بشي غلط اذا ولو شخص واحد ماعلق شي علينا بس الاتنشن انواع اكو نوع غثيث وكلش اوفر لمن اكو ناس عندهم استعداد يسوون المستحيللللللل ويكونون شخصيات غير شخصياتهم ويغيرون نفسهم ويسوون اشياء يكرهوها بس رغم ذلك مستمرين بيها،ليش؟ لان يكدرون يحصلون اتنشن من خلالها وينجحون بسهوله والشعور يعجبهم يتصنعون كلشي بيهم بس علمود الاتنشن وهذا الشي اشوفه هواي كلش كأنه صارت منافسه 'يلا خلي نشوف ياهوه اليتصنع شخصيه اسوء لحتى نحصل اتنشن' بس الاتنشن العادي وين الغلط بيه؟ لمن تكون نفسك انت وماتبذل مجهود مثل هذوله مجرد تحجي الي تشوفه او تكون نفس ما انت وتكدر تحصل اتنشن عادي همين وين الغلط هناا واني متأكده انتم هم هيج يعني اصفنوا ويا نفسكم ولا تجذبون همين تحبون الاتنشن؟ وهمين مو لمن كلت اني احب الاتنشن يعني خلص مراح اكدر اتنفس بدونه ولا اعيش، لا عادي اكدر اكمل

يروح يصيد سمج ويكعد هناك يصفن يم الشط مدري بحر مدري نهر المهم هو يكعد يم الماي وينتظر بكل هدوء شوكت الله يفرجها وتتعلگ السمجه وبعدين يرجع للبيت بكل فخر لانها طبعاً هاي مو اي سمجه هاي السمجه الي صادها بكل صبر بس احس مرات مراح ادبرها لان تخيل تصيد سمجه وتريد تطلعها من الماي بس تكوم ترفس كدامك هيج اني من راح اشوفها راح ارجع اشمرها هي والسناره ويمكن حتى روحي،لا لا بطلت مشروع فاشل بس رغم السمجه ترفس احس شعور الصيد حلو

مرت ٤ سنوات يمكن او اكثر بس لسه لمن اتذكر هذا اليوم اتذكر شعوره الزباله المهم السالفة كما هي اهلي دائماً يحبون يحضرون حفلات مطربين عراقيين وكذا ف رحنا لبغداد برأس السنه اعتقد سنة2021? ماتذكر زين وجان يمكن اسم المكان نادي اليرموك او هيج شي (هم ما اتذكر زين بس اكو يرموك بالموضوع) ف جانت الحفله بيها ٣ مطربين عراقيين واتذكر بس واحد منهم الي هو ابو كرعه (يمكن قاسم السلطان يمكن) طبعاً اني ماجنت مهتمه بالحفله ولا بالمغنيين ولا بطيخ وجانت الاجواء غريبه وجديده عليه بس مجبوره اروح وجان المكان اذا تدخل اله بعد مايصير تطلع ف اضطريت ابقه وما اوصفلكم المكان كله دخاااننننننننننننن من النراكيل والجكاير يا دوب تتنفس واهلي جانوا متعاركين هههههههههه ف راحوا للحفله هم ومتعاركين علمود الحجز ما يردون يضيعوه ف جانوا الطريق كله ساكتين وحتى من وصلوا هناك من الهدوء جنت اسمع بس صوت الصرصور 😭المهم وصلنا ودخلنا وهمين اهلي يحبون لمن يطلعون يدخنون نركيلات يعني على كد الطلعه(لا تهجمون عليه وتكلولي شنهاي ومدري شنو عادي اغلب الناس هيج يعني منو ما يدخن مثلاً) لكن والدتي دائماً يغمى عليها من النركيله القويه وجانت مالتهم حيل قويه ف من الضوجه ضلت تدخنها هواي الا ان اغمى عليها هناك وطبعاً جانت اكو طاوله كدامنا بيها ٤ بنات ٣ ولد كلهم يسكرون وكل ١٠ دقايق يصيحون ابو الشرب يجيبلهم المهم هذوله تجمعوا علينا واكو وحده سكرانه حاجتني تكلي "لا تخافين حبيبتي مايصير شي والدتج بخير" هنا اني صفنت بيني وبين نفسي وتغير تفكيري عن الناس السكرانين كلت معناها مو كل الناس السكرانين مو زينين اكو ناس يسكرون بس يكونون طيبين اكثر من الي ما يسكرون المهم طبعاً هذا اكثر يوم درامي بحياتي يمكن كاعد اكتب واني ميته ضحك طبعاً جنت خايفه بنفس الوقت ماعرف شسوي يعني اخاف على والدتي لو على اخويه لان جنت صغيره وفوك هذا كله اخوي الي عمره رقم واحد بس ويانا يعني مجان المفروض يجي ويشوف بس الحمار جان يضحك ومايعرف شدايصير وماعنده مشاعر هههههههههههههههههههههه واني عود خفت عليه على خالي بلاش المهم،كم مره كلت المهم؟ المهم مره ثانيه والدتي صارت زينه وكملت الحفله الي ساعة السوده رحتلها هههه وطلعنا جان اسمع وراي صوت ضحك بنيه لكن بشكل هستيري درت وجهي لكيتها سكرانه وتمشي بالكوه 😭😭😭😭 وطبعاً ما اكللكم رجعت للبيت مصدومه احاول استوعب لانه جان شي غريب كلش عليه ورجعت حجيت لصديقتي كلشي بالتفصيل الممل وجانت ردت فعلها"يا"،"عزا""شعندج رايحه" ماكدرر😭 وهي هاي اول مره بحياتي اشوف ناس سكرانين بالواقع جنت اشوفهم بس بالافلام والمسلسلات بس بعدين شفتهم بالواقع واعتذر عالجريده الدراميه المطوله بس ردت احجيها لان حسابي وبكيفي وافضح كلشي عندي هنا لان بالاخير محد يعرفني ورجاءاً بدون تهجم مابيه حيلكم وانتم شوكت اول مره شفتوا ناس سكرانين 😭😭😭IRL

WHYYY I CAN’T DOO THATTTTTTT

احب اسناني احب افرش اسناني واهتم بيهم اكثر من اللازم احب افرشهم 5او 6 مرات باليوم واحب معجون الاسنان بطعم النعناع واكره المعجون الي بدون طعم او بدون نعناع احب لمن يصيرن يلمعن وخصوصاً بعد ما افرش اروح اشرب مي واحسني بالجنه And thanks BYEEEE

وهمين مايحسون بالاهانه؟ لان من راح اكل الشبس الي عليه خلقتهم بالتالي راح اذبه يعني خلقهم راح تصير ب اسوء مكان

I hate endings for something I really really really really really really really really REALLYY love ,and I don’t mean"a person here”just somethin that was a part of me and added something new to my personality

اكللكم عود ردت اتغطه وانام ف صفنت وفكرت كلت هاي البطانيه مصنوعه من هواي جلود مال حيوانات وكلت يعني شكد حيوانات صارفين ومعذبين لحتى بس اني حضرة جنابي اتغطه وانام ف انقهرت

ف سؤالي هسه اكو بطانيات نباتية؟؟لان صار عندي فضول واني مدري ليش افكاري العشوائية وفضولي يشتغل بس بالليل من اريد انام

I HATEEEE MY CURLS

اكره لمن اكتشف شخص احبه ويحبني وبيناتنا هواي ذكريات حلوه بس بعدين اكتشف انه هو يجاملني حتى لو اصغر الاشياء الي اسأله عنها و هيج مدري تجيني خيبة امل واكوم اكول هذا الشخص مو حقيقي وياي رغم عبالي حقيقي وابدي افكر هذا الشخص هيج يجاملني لعد البعيدين شلون

ليش تجاملون؟ليش متصيرون حقيقين؟ حتى لو الحقيقه مره؟