u/Classic-Athlete5517

اذا الوالد مو زين وسمعته مو زينه وكلامه مو طيب بالدواوين ومايصلي، هل هالشي يوقف نصيبي؟ ومع العلم الوالده سمعتها فوق الزينه، انا جميله جداً وذات دين وخلق ومثقفه وشهادتي ممتازه وشخصيتي حلوه وسمعتي حلوه بين البنات ويحبوني ولما اروح مناسبات حتى بالعزا يحبوني الامهات ويسالون عني من بنته وبعدين يختفون ولا مره احد خطبني وفي ناس اذا عرفت انا من بنته تعطي رد فعل وقح كأنهم منقرفين، ووصلني كلام من وحده عزيزه ان في وحده تنحش الناس عنا تقول هذيل فلان ابوهم الكل يعرفه سمعته مو زينه شتبون فيهم وانا متاكده هالوحده في غيرها بالعشرات، حسبي الله ونعم الوكيل فيهم قاطعين الارزاق، لكن استغرب يعني انا شكو بابوي؟ بيتزوجني ويعيش معاي انا ولا مع ابوي؟ ومادري شنو الحل حق هالمشكله الي خارج نطاق سيطرتي

اهيا متزوجه ومعطله، لما تزورنا البيت تخلي عيالها هدد يمشون ويصارخون صراخ مستمر وانا اكون راده تعبانه من الدوام ابي ارتاح وافز من نومي من صراخهم واقعد طول الوقت اتقلب بفراشي ماقدر انام من الصراخ، وتسكر علي التكييف وماترد تشغله وتدري اني نايمه مايهمها وتتعمد تسوي جذي تبي تضايقني ماتحب تشوف احد مرتاح، مع العلم عندهم الدور الي تحت يلعبون فيه وكل شي متوفر تحت بس اهيا ترتاح فوق واهم شي عندها راحتها محد هامها غير نفسها، وانا والله مادري شنو الحل مع هالاشكال، قلبي مايطاوعني ازف العيال صغار مابي اخرعهم واذا زفيتهم بتتهاوش معاي هوشه كبيره وامي بتزعل وبتبجي ومو حلوه جدام الخدم نتهاوش وتنقل حچي، وبنفس الوقت اختي مينونه ومتماديه وماتفهم وماينفع معاها الكلام ماتحترم، شنو الحل معاها؟

الي شارين ال VR مال السوني شرايكم فيه وبجم خذيتوه؟ انا شفت سعره ١٥٠ حسيت جن too much؟ وشرايكم بالالعاب الي نازله عليه هل تسوه؟ مع العلم انا اميل لالعاب البلاتفورم والالغاز

احس بخاطري اتصدق بوجبات غدا على فقاره يكونون تعبانين وجواعه بوقت الظهر جذي، بس مادري وين اماكنهم تكون؟ ماودي الي بالبانزين لان ما شاء الله احس كل من يعطيهم واصلا مادري وين اصفط اخاف اتوهق، وودي باحد صج مسكين ومحتاج، بالنسبه لعمال النظافه انا اشوفهم الصبح ما اشوفهم الظهر تعرفون وين يروحون؟ او اذا في فقاره باماكن معينه؟ انا بالعاشره اذا تعرفون مكان قريب اكون شاكره جداً، وبليز لحد يقترح ادفع حق لجنه او شي، ابي انا اسلمهم بايدي، ويعطيكم الف عافييه مقدماً 🤍🤍🤍

متى تخالف كامرة الخط السريع اذا الحد الاقصى للسرعه ١٢٠؟ يعني اقصد تخالف على ١٢١ ولا مثلا ١٣٠ ولا جم؟ واذا الحد الاقصى للسرعه ٨٠ سمعت ناس تقول نقدر نمشي لي ٩٠ ومادري هالشي ينطبق على كل مكان ولا اماكن معينه؟

يعطيكم العافيه محتاجه مساعده ضروري وبدعي للي يساعدني😭 ضرسي يعورني متسوس وابي دكتور شاطر مجربينه للحشوات والتسوس وامين يخاف الله وشغله زين وشكراً مقدماً 🤍🤍 .. ملاحظه: "مابي حكومه جربت وماحبيت"

السلام عليكم، في اشاره كانت تفتح مده طويله الحين صارت تفتح جم ثانيه وتسكر وهالشي تسبب باختناق مروري، هل هالشي طبيعي ولا خلل ؟ هل ينفع نبلغ الجهات؟ ومنو نبلغ بالضبط؟

السلام عليكم، ممكن تقترحون لي اماكن راقيه وحلوه حق الاحتفال بيوم ميلاد امي 🤍

السلام عليكم خواني وخواتي، عندي تساؤل حابه اخذ رايكم فيه، اتمنى تكونون لطيفين وتاخذون موضوعي بجديه🙏🏻💗 ليش كل مره اتعرف على رجل ينبهر فيني انبهار شديد واعجبه بكل شي وافوق التوقعات الي بباله ومايشوف فيني اي عيب ومع ذلك ينسحب بدال لا يخطبني؟ الموضوع تكرر علي يمكن خمس مرات، ومع العلم ولا احد منهم تزوج واعمارهم ٢٤، ٢٦، ٢٧، ٢٨، ٣٠ كلهم عزابيه لي الحين، وولا واحد فيهم رجع يحاول يتواصل معاي حتى، راجعت نفسي هل انا المشكله؟ ما اشوف اني فيني مشكله اشوف اني انسانه رائعه وكلهم يمدحوني ويشوفوني مثاليه ومو لاقين فيني عيب، انا ادري ان المشكله فيهم مو فيني واضح انهم مايبون يتزوجون، بس استغرب شلون رجل يتعرف على بنت ذوقه بكل شي ويفرط فيها ؟ وين الفطره السليمه والرغبه بالزواج؟ واستغرب شلون محد فيهم يحن ويشتاق ان يرجع يتواصل معاي عكسي انا دايما اشتاق وارجع اتواصل، وليش الرجال ماعندهم مشاعر وينسون ويتخطون بسرعه وكأن شيئاً لم يكن؟

السلام عليكم بنات 🤍
الي ماعندها ابو او اخو، شلون عرفتي الامور الي تخص السيارات والقراجات وسوالف التأمين ووين تتفخين تواير سيارتج او تبدلينهم؟ خاصه اذا شافوج بنت تزيد احتمالية ان يقصون عليج وجذي، احس اني ياهل صغير ضايع موفاهم شي وبروحي

سؤالي موجه للي حبو من قبل شخص كان يناسبهم في كل شي وعاجبهم كل شي فيه يعني تقدرون تقولون this person checks all your boxes، لكن ما حصل نصيب لسبب خارج سيطرتكم، هل قدرتو تطلعون هالشخص من بالكم وتحبون من بعده وتلقون شخص مناسب كثر ما كان هالشخص مناسب لكم او حتى اكثر؟ ولا رضيتو تتزوجون بشخص اقل وكملتو الحياة؟ ولا شنو صار معاكم؟ و ياريت الاجوبه تكون بس من الي مرو بهالموقف وحاسين بشنو قاعده احس فيه ومشكورين🤍