السلام عليكم، بحثت عن تذاكر سفر لليابان واقصر مدة للرحله ١٤ ساعه طبعا ترانزيت، طبيعي؟ والاسعار جنونيه على ١٠٠٠+ اذا ايكونومي ورحله مدتها ١٤ ساعه
الي سافرو من قبل ممكن تشاركونا سافرتو على اي طيران؟ وجم كلفكم؟ وحجزتو من اي برنامج ؟
يعطيكم العافيه خواني وخواتي بغيت رايكم، تنصحون كل سنه ادفع سعر التامين الشامل الي يكلف تقريبا ٣٠٠ وشي على سيارتي واصلح بالوكاله اضمن من برا اذا لا سمح الله صار حادث؟ سيارتي كامري، مع العلم سواقتي زينه ولا مره دعمت بس مع الاسف في ناس ماتعرف تسوق وتدعم واخاف لاسمح الله اتوهق مستقبلاً خاصة ان ما عندي ريال يودي سيارتي الصناعيه ويتفاهم معاهم وانا ماودي اروح هالاماكن استحي ف مادري شنو الاحسن لي لي جدام، ومشكورين مقدما 💐
يعجبوني جناط شانيل حلوييين ودي بوحده بس اتحسر على سعرها غاليه ب ٢٠٠٠ وفوق يعني راتب شهرين على جنطه، شلون تتقبلون فكرة تدفعون راتب شهرين على جنطه احس tooooo much
سؤال غريب وسخيف شوي😭 بس توهقت الي تحف لي ماقام تشتغل بالصالون وجربت غيرها شغلهم سيء سيء، بليز ساعدوني بنات الي تعرف وحده حفها حلو ونظيف وماتعور بصباح السالم او العاشره ياليت تقترح لي واكون جداً شاكره
لفت انتباهي تاير السياره هالصوب مافيه قطعه تسكر هذي القطعه الذهبيه، طبعا مادري شنو هذول اصلا، بس خفت مادري طبيعي الوضع جذي ولا في مشكله؟
بنات حيل متضايقه، انا البنت الوحيده الموجوده بالمكان كلهم شباب واكره لما يطالعوني، متضايقه بشكل مو عادي شلون اتخطى هالشعور؟ خاصة ان الموضوع مو باختياري انا مجبوره اروح ماعندي رجل بحياتي مو بايدي
هل انا الوحيده الي اعاني مع البنات؟
من الامور الي اعاني منها وودي اعرف البنات الثانين نفسي او لا:
-ماعندي ولا صديقه اقدر اتصل فيها واسولف معاها عن يومي او افكاري، دايما يتفادون المكالمات بس يبون يتكلمون چات الا وحده وهذي الوحده تدق علي عشان تفضفض وتصب طاقتها السلبيه علي وتمشي، حتى ماتعطيني مجال اقول سالفه وحده على بعضها
- مايتواصلون معاي عشان نطلع مع بعض ناادر جدددداً يبادرون و إذا بادرو مو دايما يلتزمون، دايما انا الطرف المبادر وغالباً مبادراتي تنرفض نادر يقولون اوكي يلا خنطلع
- وايد مرات يتم تجاهلي من "صديقاتي" وانا ولا عمري بحياتي تجاهلت احد، اعطي الكل حقه وكل سالفه يقولونها ارد عليها، مثلا وحده تدز ريلز انستا وارد عليهم بعدين ادزلها ريلز واعلق على الريل الي دزيته وتشوف كلامي وتتجاهلني ماترد، ومثلا وحده اكلمها چات بسناب وتقرا وتحقر فتره طوييله وعادي ماترد حتى ، مثلا وحده دشت علي تكلمني من بعد قطاعة سنين وكنت لطيفه معاها واسلوبي حلو وقلتلها خنشوفج وحسستني انها تبي نتشاوف ولما صارت الصجيه وقلتلها عالمكان وجذي جان تحقرني ولي هاليوم حاقره مسجاتي مو راده علي
وحتى لما جربت اتعرف على بنت هني سولفنا واستانسنا على بعض وكل شي تمام فترة تعارفنا كانت يومين مادري ثلاثه وفجاه سحبت علي، طبعا بنات لو مابينا توافق جان ماقلت شي، بس لا كل شي كان بيرفكت ف من جذي اشتكي انا، مايصير انا اعطي time and effort وانتي تمشين على مزاجج متى ما مزاجج يبي يتعرف تعرفتي ومتى ماحسيتي ان مالج خلق هونتي! اذا مو جاده لاتضيعين وقتي وجهدي! شنو هالانانيه وقلة الادب وقلة الذوق المنتشره انا مو فاهمه!
هذا غير لما نتواعد على طلعه واكنسل خططي عشانها وافضي نفسي لها ومثلا اكون ابي احط ماسك بشعري واهتم فيه وعشانها اكنسل واستشوره اخر شي تكنسل!! ولا لما ينزل فلم وابي ادشه وتقولي خنروحله مع بعض وانطرها وتقولي عندها ظروف وتبيني انطرها اكثر وانطرها اخر شي تسحب علي وتدشه مع احد ثاني ولا يخلص عرض الفلم واهيا لي الحين ماتقدر لانها مالها خلق شي مو لانها مشغوله! انزين ليش خليتيني انطر جان دشيته من اول مانزل!
حاولت وااااااايد اكون صداقات طول عمري بس ماكو فايده محد يحترم محد يقدر محد يبادر، من بين كل صداقاتي بس عندي صديقه وحده صج تحبني ومحترمه بس هم ماقدر اقولها كل شي واخذ راحتي i know she will judge me sadly
طلعت مع رفيجتي من بعد غياب شهور، والطلعه كانت قصيره وحلوه واستانسنا وكل شي حلو، بعدها بيوم اكلمها بسناب ماتبطل الچات مالي وبس تشوف سناباتي، بعدها بجم يوم رديت دزيت لها چات ونفس الشي ماتبطل الچات بس تشوف شنو انزل، مر اسبوع على الچات مالي ماردت علي ولا فتحته، شنو يسموون هالتصرف؟ شخصيا اشوفه عيب وقلة احترام لي وماقدر افكر بمبرر لتجاهلها لان كله چات وينرد عليه ماياخذ وقت وادري ماعندها ظرف قهري يمنعها، وما ادري شنو التصرف المناسب معاها من بعد تصرفها معاي لان ما اشوفه شي عادي، لو يوم حاقرتني او يومين بطنش بس اسبوع؟
رجعت جم بدله حق شي ان ورجعو لي الفلوس كلها الا لبدله وحده مارجعولي فلوسها، تواصلت معاهم وقاعدين يلفون ويدورون يطلعوني مو رادتها وانا رادتها ووريتهم تسجيل كامرة البيت لما خذا السايق الملابس، احد صا رد معاه جذي من قبل؟
السلام عليكم، بنات الي مجربين يحطون اسمهم عند خطابات هل مشت اموركم ولقيتو ناس زينين؟
وخرت عن انسانه جددددداً مؤذيه، تتصيد عليج وتنبش من وراج وتقط عليج كلام جدا جارح، ولما نطلع ماتعطيني مجال اتكلم تبي بس اهيا تتكلم، عادي طول الطلعه سالفه وحده انا موقادره اقول واذا نطقت بكلمه لازم تقاطعني، وتحش بكل رفيجاتها والامه العربيه عندي وتطلع سوالفهم الخاصه، حتى اقرب رفيجاتها حشت فيها عندي لما صار بينهم خلاف بسيط، وتظلم وتاذي الناس وببالها انها جذي قوية شخصيه، انا مني بس قلت ستوب ماقدر بوخر، طبعا انا من زمان مو بالعتها بس كنت صغيره وشخصيتي شوي ضعيفه ومع اني بوقتها كنت استحي وخايفه من ردة فعلها بس وصلت اقصى حدود الصبر ووخرت عنها، وكل البنات الي رافجوها وخرو عنها الا وحده، بنات استغفرالله مو مصدقه شلون هالوحده ظلت معاها وطايقتها؟ وانا اعرف هالبنيه معرفه سطحيه شخصيتها قويه مو مثلا تخاف توخر وبنت طبيعيه مو سامه نفس هذيج ف استغرب شلون متوالمه معاها وعادي عندها؟ شلون في احد بالدنيا يقدر يتحمل مخلوق جذي لفتره طويله من غير اجبار 😭
شنو الاشياء الي يطلعها تحليل الدم بالمستوصف؟ غير التحليل الشامل وفيتامين د ؟
سواء كانت اونلاين او تختيم عادي، بس ابي شي قوي، ( ما احب الالعاب الي كلها طق وما احب الالعاب المعقده )
بنات شلون تزوجتو من انسان زين ومناسب لكم؟ صارلي سنتين ابي اتزوج ومو عارفه شنو بايدي اسوي، دعاء ودعيت، سعي وسعيت، ولا لقيت انسان صالح ومحترم ويناسبني
٦ سنين تقريبا، كل يوم عرفه والعشر الاواخر من رمضان ادعي بالزوج الصالح، اخر سنتين اجتهدت بالدعاء ان ابي اتزوج بهالسنه من الشخص الي بالمواصفات الفلانيه (واقول الي ابي)، وادعي بالسجود، وصليت صلاة الزوال، وحوقلت واستغفرت وصلاة ابراهيميه باعداد كبيره، وقيام الليل واستغفر بالاسحار، ودايما ادعي وقت المطر، وقريت رقية القرني ( بس ١٢ يوم لان ما حسيت تغير معاي شي)، محترمه نفسي ما زنيت ولا طلعت مع ذكر من قبل مع ان طاقتي عاليه ومع ذلك جاهدت نفسي ابي الحلال مابي الحرام، وطلبت الله الحلال، ليش ربي مايعطيني؟ انا حتى محد يخطبني ومو عيبا فيني، لان المجتمع ظالم، الي من قبيلتي مايبوني لان ابوي سمعته مو زينه مايبون يناسبونه، والي برا القبيله مايبوني لاني من قبيله ماياخذونها، ولا احد منهم مهتم لشخصي بس يهمهم المظهر الخارجي الي يواجهون فيه المجتمع، لكن تفاءلت ووثقت ثقه تاااامه بربي انه قادر على كل شي ويقول للشيء كن ف يكون وهالامر سهل على ربي مايعجزه شي وبذلت الاسباب وبالنهايه؟ ماشفت نتيجه، واحس بخذذذلااان
تقريبا كل زميلاتي الي بعمري تزوجو، الي كانت لزبيان والي طالعه مع شباب والي ماتصلي ولا همها الدين والي لبسها مو محتشم ابداً والي والي، بس لان اهلهم سمعتهم حلوه الخطاب مايوقفون ومن احسن ناس، وانا عانيت بطفولتي من ابوي صعّب علي حياتي مع ذلك مشيت على الصراط المستقيم وكنت انسانه صالحه وشقيت بحياتي عشان اوصل الي وصلته اليوم، اخر شي حتى لما اكبر وابي اتزوج هم اعاني بالزواج لانه ابوي؟ شنو هالظلم؟ ومع ذلك اتقيت الله ودعيته وطلبت الحلال وهم ربي مايعطيني؟ منو اطلبه الحلال غير ربي اذا حتى ربي ماعطاني؟
السلام عليكم، اول مره بروح لليابان وعندي جم سؤال،
١- تنصحوني اروح اي منطقه؟
٢- اسافر على اي طيران؟ يفضل يكون مباشر، وشلون طريقة الحجز من الطيران الي اقترحتوه؟
٣- شنو طريقة التنقل؟ سياره ناجرها ولا تكسي ولا قطار؟ خاصة اذا وصلنا المطار ونبي نروح الفندق
٤- جم يوم تكفي السفره؟
٥- فندق ولا شقه؟
ومشكورييييييين 💐💐
اذا الوالد مو زين وسمعته مو زينه وكلامه مو طيب بالدواوين ومايصلي، هل هالشي يوقف نصيبي؟ ومع العلم الوالده سمعتها فوق الزينه، انا جميله جداً وذات دين وخلق ومثقفه وشهادتي ممتازه وشخصيتي حلوه وسمعتي حلوه بين البنات ويحبوني ولما اروح مناسبات حتى بالعزا يحبوني الامهات ويسالون عني من بنته وبعدين يختفون ولا مره احد خطبني وفي ناس اذا عرفت انا من بنته تعطي رد فعل وقح كأنهم منقرفين، ووصلني كلام من وحده عزيزه ان في وحده تنحش الناس عنا تقول هذيل فلان ابوهم الكل يعرفه سمعته مو زينه شتبون فيهم وانا متاكده هالوحده في غيرها بالعشرات، حسبي الله ونعم الوكيل فيهم قاطعين الارزاق، لكن استغرب يعني انا شكو بابوي؟ بيتزوجني ويعيش معاي انا ولا مع ابوي؟ ومادري شنو الحل حق هالمشكله الي خارج نطاق سيطرتي
اهيا متزوجه ومعطله، لما تزورنا البيت تخلي عيالها هدد يمشون ويصارخون صراخ مستمر وانا اكون راده تعبانه من الدوام ابي ارتاح وافز من نومي من صراخهم واقعد طول الوقت اتقلب بفراشي ماقدر انام من الصراخ، وتسكر علي التكييف وماترد تشغله وتدري اني نايمه مايهمها وتتعمد تسوي جذي تبي تضايقني ماتحب تشوف احد مرتاح، مع العلم عندهم الدور الي تحت يلعبون فيه وكل شي متوفر تحت بس اهيا ترتاح فوق واهم شي عندها راحتها محد هامها غير نفسها، وانا والله مادري شنو الحل مع هالاشكال، قلبي مايطاوعني ازف العيال صغار مابي اخرعهم واذا زفيتهم بتتهاوش معاي هوشه كبيره وامي بتزعل وبتبجي ومو حلوه جدام الخدم نتهاوش وتنقل حچي، وبنفس الوقت اختي مينونه ومتماديه وماتفهم وماينفع معاها الكلام ماتحترم، شنو الحل معاها؟
الي شارين ال VR مال السوني شرايكم فيه وبجم خذيتوه؟ انا شفت سعره ١٥٠ حسيت جن too much؟ وشرايكم بالالعاب الي نازله عليه هل تسوه؟ مع العلم انا اميل لالعاب البلاتفورم والالغاز
احس بخاطري اتصدق بوجبات غدا على فقاره يكونون تعبانين وجواعه بوقت الظهر جذي، بس مادري وين اماكنهم تكون؟ ماودي الي بالبانزين لان ما شاء الله احس كل من يعطيهم واصلا مادري وين اصفط اخاف اتوهق، وودي باحد صج مسكين ومحتاج، بالنسبه لعمال النظافه انا اشوفهم الصبح ما اشوفهم الظهر تعرفون وين يروحون؟ او اذا في فقاره باماكن معينه؟ انا بالعاشره اذا تعرفون مكان قريب اكون شاكره جداً، وبليز لحد يقترح ادفع حق لجنه او شي، ابي انا اسلمهم بايدي، ويعطيكم الف عافييه مقدماً 🤍🤍🤍